Lk 24:39 - Meta’

³⁹ Mbə neŋ mbɨ ɨbɔ mbɨ mbɨ ɨwu zə ni à yɨə kaŋ ə mɔ̌. Mbə betɨ əmɨ zə ni à yɨə kàŋ ə mɔ̌, ɨmbə̀ʼ ɨghəm nɨ chəi wə̀d əfub berɨ nyamnyod mbɨ ɨwu ɨchî nɨ mbə zə ni mə berɨ.”

Ikan feg

³⁹ Wì ya biri ane, si ghà inɔb gha, “Mbə̀ nḛ ìmbum ibo fɔrɔ ìmbum ighog. Mbə̀ biri bàd gha à ya kwàʼ mo. Mbə̀ bete amə, mbə biri kyeri gha à ya mo imbə̀ʼ icheg ne chəyi àziŋ wə̀d ze bèrè nyàmnyɔd icheg ne mə beri.”

Lk 24:39 ပူးပေါင်းရင်းမြစ်များ

Lk 23:46

Yeso nyaʼa kyeŋ rɨ̀kǎ ghà ni, “Mɨ Mbǎʼ, mə fə sàŋ mɨ Əzwî ɨŋga te rɨkyerɨ-ɨbɔ!” Ənɨ wɨ̀ nyaʼa ghà əne, wɨ̀ nyaʼa mèndɨ̀.

Lk 24:38

Wɨ̀ nyaʼa biirɨ əmbɨ mɨ̀mə̌d ni, “Ənû zɔ̂ ə tɔb əwən ɨmbə̀ʼ ə ye ə? Tɨbiirɨ ə nɔʼ ɨŋga tə fîŋ ɨmbə̀ʼ ə ye ə?

Lk 24:40

Ənɨ wɨ̀ nyaʼa ghà əne, wɨ̀ nyaʼa chwi mbi ɨbɔ mbɨ mbi ɨwu əmbɨ mɨ̀mə̌d.

Jn 20:20

Ənɨ wɨ̀ nyaʼa ghà ənû zɔ̂, wɨ̀ nyaʼa chwi mbi ɨbɔ bə̀ chwi i ɨban ɨbeŋ əmbɨ mɨ̀mə̌d. Ənɨ mə̀mə̀ə̀nɨ̀-ɨnû mbe nyaʼa zə əməd, ɨghaʼi nyaʼa swi ɨŋga fîŋ tɨ mɨ̀mə̌d.

Jn 20:25

Mə̀mə̀ə̀nɨ̀-ɨnû mbə nyaʼa ghà ɨ bɔ ni, “Tɨ̀ fə zə Ə̀nùŋɨ̀sɨg!” Àyɨə wɨ̀ nyaʼa ghà əmbɨ mɨ̀mə̌d ni, “Mə mɨ rɨka zə əmɨ ɨdurɨ ɨna mbe nɨ mban nyaʼa ghɨ̌ ɨŋga tɨkyerɨ-ɨbɔ məd, zɨ̀ fɨ fi əbɔ ɨgun ɨdurɨ mbe, bə̀ zɨ̀ mɨ əbɔ ɨŋga ɨbeŋ ɨməd, chəi mə bɨrɨ benɨ.”

Jn 20:27

Ənɨ wɨ̀ nyaʼa ghà əne, wɨ̀ nyaʼa ghà əmbɨ Tomas ni, “Zɨ fe fi əbɔ əgha bə̀ zə mbɨ ɨbɔ. Sem e əbɔ zɨ ɨŋga fum ɨbeŋ. Tɨrə̀ bə̀ bìd e, benɨ!”

Ɨ̀fàʼì 1:3

Ənɨ wɨ̀ nyaʼa fə zə ŋgəʼ, kwɨ, wɨrɨ zwemə, wɨ̀ nyaʼa chwi i ɨnyod əmbɨ mɨ̀mə̌d ənɨ ɨnweenɨ nɔnɔʼ ɨmbə̀ʼ mbɨ kyerɨ ni tə wɨ ɨkǎ. Ɨ wɨə nyaʼə jwɨ̀ ɨfě mɨ̀mə̌d ɨŋga ɨni ɨwum kwè. Wɨ̀ nyaʼa mɨ jwɨ̀, wɨ̀ ghà əmbɨ mɨ̀mə̌d ɨmbə̀ʼ ənû ɨfɔ̀n ə Ŋwiə̀.

1 Tèsàlonikà 5:23

Ŋwìə̀ ziə we nɨə nàʼ əbɔrəbɔd ghɨ ni mbə̀ zeŋ màànɨ̀. Ŋwìə̀ ghɨ ni Əzwî mbɨ tə fîŋ fɔrɨ tə nyamnyod ghɨ ɨnû nɨ kuʼnɨ ɨmbə̀ʼ tɨ wə̀d mɔʼɔ zə i ənû rɨbɔ̀ŋ ɨgwɨ nən ənɨ ə nyùmə̀ we nɨ a Ə̀nùŋɨ̀sɨg Yeso Kristo bɨrɨ wɨrɨ yeʼe.

Mə̀Hibrù 12:9

Ənû ə cherə yɨ ni, tɨ̀ nyaʼa kweʼ berɨ mɨ̀mbǎʼ ɨgwɨ ə si nɨ nyaʼə chə əwa. Tɨ̀ wɨə nyaʼə wumnɨə mɨ̀mə̌d ɨchî nɨ mbɨ nyaʼə ghɨ̀ əne. À mɨ yeʼ ɨchî nɨ tɨ̀ nyaʼə ghɨ̀ə̀ we, njɨ ka tɨ̀ wa bɨrɨ swi a ɨnyod əmbɨ a Mbǎʼ we nɨ naʼ əzwî ɨ na chè ɨchî nɨ tɨ̀ nyaʼə swi əmbɨ mɨ̀mə̌d ə? Tɨ̀ berɨ swi ɨnyod ɨmbə̀ʼ chub ɨkǎ.

1 Jɔn 1:1

Tɨ̀ wɨə ŋwàʼnɨ̀ ə̀ŋwàʼnɨ̀ zɔ̂ ɨ nən ɨmbə̀ʼ Ɨŋgam. Ɨŋgam we wɨə nyaʼa i əŋgu bɔŋ Ŋwìə̀ nyaʼa sɨə tekɨ ɨsɨg. Tɨ̀ nyaʼa zu əməd ənɨ wɨ̀ nyaʼə ghàm ɨ na. Tɨ̀ nyaʼa kàŋ zə əməd mbǎ mbǎ. Tɨ̀ nyaʼa nèŋ əməd bə̀ kàŋ bètɨ̀ əməd mbǎ mbǎ. Ɨŋgam we wɨə ghɨ̀ ni bə̂d jɨg ɨ̀tènɨ̀.