Lk 24:19 - Meta’

¹⁹ Wɨ̀ nyaʼa biirɨ əmbɨ mɨ̀mə̌d ni, “À kɨ ɨnû mbi ə?” Mbɨ nyaʼa wììrɨ̀ ɨ bɔ ni, “À yɨ ɨnû ɨmbə̀ʼ ə Yeso we rɨ ə Nazàret, nɨ nyaʼə wə̀d ɨ̀kə̀n Ŋwìə̀. Ɨ wɨə nyaʼə ghɨ̀ ɨnû yiirɨ nɨ che əbɔ bə̀ ghà ɨnû nɨ dabə ɨfě Ŋwiə̀ fɔrɨ ɨfě bə̂d mɨjìm.

Ikan feg

¹⁹ Yeso ya bìri inɔb gha, “Inug kə mbeg?” Mbɔb ya ywìtì gha, “Inug imbə̀ʼ Yeso we Nazarèd. Məd yaya kwàʼ Wə̀dkə̀n Ŋwiye. Wì yaya fàʼà àfàʼì Ŋwiye ane ika bə̀ ghàmà tesiʼ imbìghè abə Ŋwiye fɔrɔ abə bəd məjìm.

Lk 24:19 ပူးပေါင်းရင်းမြစ်များ

Matìyò 21:11

Mɨnɔ̂n bə̂d mbe nyaʼa ghà ni, “Wɔ̂ yɨə Yeso we nɨ yeʼ wə̀d ɨ̀kə̀n Ŋwìə̀. Wɨ̀ yɨ rɨ ə Nazàret ə Galiliî.”

Mk 1:24

Wɨ̀ nyaʼa kɔ kyeŋ rɨ̀kǎ ghàə̀ ni, “Yeso rɨ ə Nazàret! À berɨ ənû ə ye nɨ ghɨ̀ mbɨ nà ə? À wa yeʼe ɨmbə̀ʼ nimnɨ əwa ə? Mə kyerɨ wə̀d we nɨ à yeʼ wɨwən. Àwɔ̀ yɨə Wə̀d Zeŋɨ we nɨ Ŋwìə̀ tomɨ.”

Lk 24:18

Wɨ mɔʼɔ rəbɔʼ mɨ̀mə̌d nɨ ɨkum məd nyaʼə Kliopàs nyaʼa biirɨ ɨ bɔ ni, “À wa kɨə mei àwɔ̀ nɨ yeʼ wə̀d rɨ̀sɔ̀ʼ ə Jèrusalèm nɨ chəi à kyerɨ ɨnû mbe nɨ ghɨ əŋgu ɨŋga ɨni mbɔ̂ ə?”

Lk 7:16

Ɨbɔɔ nyaʼa swi ɨŋga bə̂d mbe mɨjìm, əne ɨ mbɨə nyaʼə yiirɨ ə Ŋwiə̀ ghàə̀ ni, “Wə̀d ɨ̀kə̀n Ŋwìə̀ nɨ dabə fə jwɨ̀ əkaʼ na!” fɔrɨ ni, “Ŋwìə̀ fə yeʼe ɨ weerɨ mbi bə̂d!”

Jn 3:2

Mbaŋə̀ zɔ̂ nyaʼa wò əsɨ Yeso ɨzimɨ pè ghà ɨ bɔ ni, “Əchwiə̀-ɨnû, tɨ̀ ə kyerɨ ni àwɔ̀ yɨ əchwiə̀-ɨnû we nɨ Ŋwìə̀ tom. Chəi wə̀d mɔʼɔ əŋgu nɨ tɨ̀ wɨ̀ ghɨ̀ ɨnû yiirɨ mbɔ̂ nɨ àwɔ̀ ə ghɨ̀ə̀, kɨrɨ ənɨ Ŋwìə̀ wɨ mbɨ məd.”

Jn 4:19

Əyi we nyaʼa ghà ɨ bɔ ni, “Masà, mə zə ni àwɔ̀ yɨə wə̀d ɨ̀kə̀n Ŋwìə̀.

Jn 6:14

Ənɨ bə̂d mbe nyaʼa zə ənû ə yiirɨ ze nɨ Yeso nyaʼa ghɨ̌, mbɨ nyaʼa ghà ni, “Wɔ̂ yɨə kàŋ ə wə̀d ɨ̀kə̀n we nɨ nyaʼa wo yeʼe ɨŋga ɨsɨg!”

Jn 7:52

Mbɨ nyaʼa wììrɨ̀ ɨ bɔ ni, “Àwɔ̀ wa kɨ rɨ ə Galiliî bə ə? Jeŋgɨ neŋ ɨŋga Ə̀ŋwàʼnɨ̀ ə Ŋwiə̀, əne à bɨrɨ zə ni chəi wə̀d ɨ̀kə̀n Ŋwìə̀ mɔʼɔ bɨrɨ jwɨ rɨ ə Galiliî.”

Ɨ̀fàʼì 10:38

Mbə kyerɨ ɨchî nɨ Ŋwìə̀ nyaʼa naʼ Əzwî ə Zeŋɨ bə̀ nàʼ ɨka əmbɨ Yeso we rɨ ə Nazàret. Mbə kyerɨ ɨchî nɨ Yeso nyaʼa ghanə yèn ɨsɨ jìm, yènə̀ ghɨ̀ ɨ̀chɔ̀m ənɨ bə̂d bə̀ vɨ̀ə̀ bə̂d mɨjìm mbe nɨ Debɨ̀rə̀ nyaʼə tùmbɨ̀ə̀ mɨ̀mə̌d. Ɨ wɨə nyaʼə ghɨ̀ əne ɨmbə̀ʼ ɨghəm nɨ Ŋwìə̀ wɨə nyaʼa mbɨ məd.

Ɨ̀fàʼì 2:22

“Mɨ̀Izre, mbə̀ zu ɨŋgam wɔ̂: Yeso we rɨ ə Nazàret yɨə wə̀d we nɨ Ŋwìə̀ nyaʼa chɔʼɔ. Ŋwìə̀ nyaʼa chè ənjìm məd ghɨ̀ ɨnû kyeŋ kyeŋ, ghɨ̀ ɨnû yiirɨ bə̀ ghɨ̀ ɨnweenɨ-ɨnû əkaʼ nən, ɨchî nɨ mbə̀ kaŋ kyerɨ.

Ɨ̀fàʼì 7:22

Wɨ̀ nyaʼa kwembɨ ɨwe jìm we nɨ bə̂d mbe rɨ ə Ijìpt nyaʼa berɨ, əne wɨ̀ nyaʼa dabə ənɨ ɨŋgam bə̀ fɔrɨ ənɨ ɨnû mbe nɨ wɨ̀ nyaʼə ghɨ̀ə̀.