Lk 22:42 - Meta’

⁴² “Mɨ Mbǎʼ, à mɨ ghaʼ, tɨrə̀ ben e ni mə̀ zə ŋgəʼ zɔ̂, àyɨə ghɨ yeʼ ənû ze nɨ à kə̀bɨ, kà i əze nɨ mə̀ kəbɨ.” [

Ikan feg

⁴² “Ìmə Mbaʼ, àghò mə kɔ̀ŋ, chì ngəʼ ìzo̰ igun inum. Faʼa anug ze ne àghò kə̀bi, kayi àze ne mə̀ kə̀bi.”

Lk 22:42 ပူးပေါင်းရင်းမြစ်များ

Matìyò 11:25

À nyaʼa ənɨ ə nyùmə̀ we, Yeso nyaʼa ghà ni, “Mɨ Mbǎʼ, Ə̀nùŋɨ̀sɨg ɨkaŋ fɔrɨ ɨgwɨ ə si, məben-əwe ni à fə nə̀m ɨnû mbɔ̂ rɨ əmbɨ ə bə̂d ɨwe bə̀ fɔrɨ rɨ əmbɨ məkyerɨ-ɨnû, sɨ chwiə yeʼ əmbɨ ə bɔn bɔd.

Matìyò 11:26

Ee, kyɨə mɨ Mbǎʼ, à yɨ ɨchî nɨ à kəbɨ we.

Matìyò 20:22

Yeso nyaʼa wììrɨ̀ ni, “Chəi mbə̀ kyerɨ ənû ze nɨ mbə̀ə biirɨə!” Ənɨ wɨ̀ nyaʼa wiirɨ əne, wɨ̀ nyaʼa biirɨ əmbɨ mɨ̀mə̌d ni, “Tɨ̀ mbə zə ɨkwɨ ŋgəʼ ze nɨ mə bɨrɨ zə ə?” Mbɨ nyaʼa wììrɨ̀ ni, “Tɨ̀ we tɨ̀ rɨ̀ ghɨ̀ əne.”

Matìyò 26:39

Ənɨ wɨ̀ nyaʼa ghà əne, wɨ̀ nyaʼa yèndɨ̀ wò ɨmbì rɨpiî, pè kub ɨfě ə si, kɔ̀ŋgɨ̀ ə Ŋwiə̀ ghà ni, “Mɨ Mbǎʼ, ɨchî mɨ chwiə, à ghɨ̀ ŋgəʼ zɔ̂ chè rɨ ɨgwɨ num. Àyɨə ghɨ yeʼ ənû ze nɨ à kə̀bɨ, kaʼi əze nɨ mə̀ kəbɨ.”

Matìyò 26:42

Ənɨ Yeso nyaʼa ghà əne, wɨ̀ nyaʼa yì wò kɔ̀ŋgɨ̀ ə Ŋwiə̀ ənɨ ɨghəm nɨ pe be ghà ni, “Mɨ Mbǎʼ, à mɨ yeʼ ni chəi ɨchî cherə nɨ tɨ̀ à ghɨ̀ ni ŋgəʼ zɔ̂ chè rɨ ɨgwɨ num, njɨ ghɨ ɨchî nɨ à kə̀bɨ.”

Matìyò 26:44

Yeso nyaʼa bə̀ yì sàŋ mɨ̀mə̌d wò kɔ̀ŋgɨ̀ ə Ŋwiə̀ ənɨ ɨghəm nɨ pe tad. Wɨ̀ nyaʼə ghàə̀ àmei ɨnû mbe nɨ wɨ̀ kəʼ bè ghà.

Matìyò 6:10

E ənû ɨfɔ̀n ə yeʼe, bə̂d rɨ ɨgwɨ ə si ghɨ ɨnû mbe nɨ à kə̀bɨ ɨchî nɨ mbe nɨ yeʼ ɨkaŋ ə ghɨ̀ə̀.

Mk 14:36

Wɨ̀ nyaʼa ghɨ̀ əne ghà ni, “Əbà mɨ Mbǎʼ! Chəi ənû nɨ tɨ̀ zɨə chè əwe. Chɨ ŋgəʼ zɔ̂ rɨ ɨgwɨ num, àyɨə ghɨ̀ yeʼ ənû ze nɨ à kəbɨ, kaʼi əze nɨ mə̀ kəbɨ.”

Lk 23:34

Yeso nyaʼa ghà ni, “Mɨ Mbǎʼ, waʼ ɨnû rɨbɔ̀ŋ mɨ̀mə̌d, ɨmbə̀ʼ ɨghəm nɨ chəi mbɨ kyerɨ ənû ze nɨ mbɨə ghɨ̀ə̀.” Mɨ̀sɔgyɨ̀ mbe nyaʼa sɔ̀ŋ mbaŋ ɨmbə̀ʼ ghàpɨ̀ ngywɨ̌ rɨ məd.

Jn 18:11

Yeso nyaʼa ghà əmbɨ Pità ni, “Wɨrɨ zɨ̀ e ɨbi ə baʼ. Kaʼ à wa kɨ i əzum rɨmbin nɨ nɔ rɨŋga toʼ ze nɨ mɨ Mbǎʼ naʼ ɨ num ə?”

Jn 4:34

Àyɨə Yeso nyaʼa ghà əmbɨ mɨ̀mə̌d ni, “Mɨ əghɨjɨg yɨ nɨ ghɨ ɨnû mbe nɨ wə̀d we nɨ tom əmɨ kə̀bɨ, bə̀ fɔrɨ nɨ maanɨ ɨnû mbe nɨ wɨ̀ nyaʼa naʼ ɨ num.

Jn 5:30

Chəi ənû ə mɔʼɔ nɨ tɨ̀ mə ghɨ̀ ənɨ mɨ ɨka. Mə wɨə saʼə bə̂d àmei ɨchî nɨ Ŋwìə̀ ghà ɨ num, əne mə wɨə saʼə mɨ̀mə̌d ɨchî nɨ kuʼnɨ, ɨmbə̀ʼ ɨghəm nɨ chəi mɨə ghɨ̀ ənû ze nɨ mə kəbɨ. Mə wɨə ghɨ̀ yeʼ əze nɨ wə̀d we nɨ tom əmɨ kəbɨ.”

Jn 6:38

ɨmbə̀ʼ ɨghəm nɨ mə nyaʼa swiʼi rɨkaŋ yeʼe. Chəi mə̀ nyaʼa swiʼi yeʼe ɨmbə̀ʼ ghɨ ɨnû mbe nɨ mə kəbɨ. Mə nyaʼa swiʼi yeʼe ɨmbə̀ʼ ghɨ mbe nɨ wə̀d we nɨ nyaʼa tom əmɨ kəbɨ.

Ɨ̀fàʼì 21:14

Ɨchî nɨ chəi ənɨ tɨ̀ rɨ̀ nyaʼa kwepɨ ənû ze nɨ nyaʼa ɨŋga fîŋ məd, tɨ̀ nyaʼa sàŋ, əne ghà ni, “Ə̀nùŋɨ̀sɨg ghɨ̀ ənû ze nɨ wɨ̀ kəbɨ.”