Lk 22:19 - Meta’

¹⁹ Ənɨ wɨ̀ nyaʼa ghà əne, wɨ̀ nyaʼa nɨŋ chiŋ ŋgə̀ŋ, nàʼ məben-əwe əmbɨ ə Ŋwiə̀, bəʼrɨ ŋgə̀ŋ ze nàʼ əmbɨ mɨ̀mə̌d ghà ni, “Əzɔ̂ yɨ mɨ nyamnyod nɨ mə̀ naʼ ɨmbə̀ʼ əwən. Mbə sɨə ghɨ̀ əne kɔndɨ əmɨ.”

Ikan feg

¹⁹ Wì ya bə̀ niŋ ngə̀ŋ mə̀kara ze nàʼ məyakà abə Ŋwiye, bə̀ʼri nàʼ inɔb, si gha, “Aŋa ya ìmə nyàmnyɔd ne mə nàʼi imbə̀ʼ awən. Mbə̀ ghì jə̀ghə anìŋ se wende mə.”

Lk 22:19 ပူးပေါင်းရင်းမြစ်များ

Matìyò 14:19

Wɨ̀ nyaʼa nɨŋ əne ghà əmbɨ mɨnɔ̂n bə̂d mbe ni mbɨ chub ɨgwɨ ɨfu. Ənɨ mbɨ nyaʼa chubɨ, wɨ̀ nyaʼa nɨŋ chiŋ ŋgə̀ŋ te rɨ̀tân mbɨ əgwi ze əbe, neŋ ɨkaŋ, kɔŋgɨ ə Ŋwiə̀, bəʼrɨ, nàʼ əmbɨ mbi mə̀mə̀ə̀nɨ̀-ɨnû ni mbɨ naʼ əmbɨ mɨnɔ̂n bə̂d mbe.

Matìyò 15:36

Ənɨ mbɨ nyaʼa chubɨ, wɨ̀ nyaʼa nɨŋ chiŋ ŋgə̀ŋ te sambe bə̀ nɨŋ əgwi ze, kɔŋgɨ ə Ŋwiə̀, bəʼrɨ, nàʼ əmbɨ mə̀mə̀ə̀nɨ̀-ɨnû mbe ni mbɨ nàʼ əmbɨ mɨnɔ̂n bə̂d mbe.

Lk 22:17

Ənɨ wɨ̀ nyaʼa ghà əne, wɨ̀ nyaʼa nɨŋ toʼ mɨ̀nòʼ nàʼ məben-əwe əmbɨ ə Ŋwiə̀ ghà ni, “Mbə nɨŋ mɨnoʼ mbɔ̂ nɔə wèə̀.

Lk 22:20

Ənɨ mbɨ nyaʼa fə jɨg màànɨ̀, wɨ̀ nyaʼa bə̀ nɨŋ toʼ mɨ̀nòʼ ghà ni, “Toʼ zɔ̂ yɨ fɨso fi fe nɨ Ŋwìə̀ san ənɨ mɨ ənəm ze nɨ mbɨ chəmnɨ ɨmbə̀ʼ əwən.

Lk 24:30

Ənɨ wɨ̀ nyaʼa chubɨ ɨ jɨg mbɨ mɨ̀mə̌d, wɨ̀ nyaʼa nɨŋ chiŋ ŋgə̀ŋ, kɔŋgɨ ə Ŋwiə̀, bəʼrɨ, nàʼ əmbɨ mɨ̀mə̌d.

Jn 6:23

Ɨbaŋ ɨgyɨ̀ mɔʼɔ rɨ ə Tìberiàs nyaʼa wo təm ɨban əsɨ ze nɨ Yeso nyaʼa nɨŋ ŋgə̀ŋ, kɔŋgɨ ə Ŋwiə̀, nàʼ əmbɨ ɨnɔ̂n bə̂d we ni wɨ̀ jɨg.

Jn 6:51

Mɔ̌ yɨə ŋgə̀ŋ ze nɨə nàʼ ɨ̀tènɨ̀ nɨ nyaʼa swiʼi rɨkaŋ. Wə̀d mɔʼɔ we nɨ jɨg ŋgə̀ŋ zɔ̂ bɨrɨ ten i koŋ. Ŋgə̀ŋ ze nɨ mə̀ bɨrɨ nàʼ ni ɨsɨg jɨg tènə̀ yɨ mɨ nyamnyod.”

1 Kɔrèn 10:16

Toʼ ze nɨ tɨə nɔə rɨŋga ənɨ tɨə jɨg Ɨtarɨ Ə̀nùŋɨ̀sɨg, əne nàʼə̀ məben-əwe əmbɨ ə Ŋwiə̀, ka à wa kɨ i ni mbà mɨjìm mbɨə nɔ ənəm ə Kristo ə? Ŋgə̀ŋ ze nɨ tɨə bəʼrɨə bə̀ jɨgə, ka à wa kɨ i ni mbà mɨjìm mbɨə kurə nyamnyod Kristo ə?

1 Kɔrèn 10:4

Mɨ̀mə̌d mɨjìm nyaʼa bə̀ nɔ mɨnib mɔʼ. À yɨə Ŋwìə̀ nyaʼa bə̀ naʼ mɨnib mbe əmbɨ mɨ̀mə̌d. Mbɨ nyaʼa nɔ mɨnib mbe nɨ nyaʼə jwɨ̀ rɨ ənɨ ɨwɔ̌ we nɨ Ŋwìə̀ nyaʼa nàʼ əmbɨ mɨ̀mə̌d. Ɨwɔ̌ we wɨə nyaʼə yènə̀ mbɨ mɨ̀mə̌d. Ɨwɔ̌ we yɨ nyaʼə Kristo.

Gàlesìyà 1:4

Yeso Kristo nyaʼa nàʼ i ɨnyod ənɨ əghɨ ə̀fà ɨmbə̀ʼ mba ɨnû rɨbɔ̀ŋ. Wɨ̀ nyaʼa ghɨ̀ əne ɨmbə̀ʼ chɨ əwa rɨŋga ɨsɨg wɔ̂ nɨ ɨnû rɨbɔ̀ŋ swi ɨŋga. Wɨ̀ nyaʼa ghɨ̀ əne ɨchî nɨ Ŋwìə̀ a Mbǎʼ nyaʼa kə̀bɨ.

Gàlesìyà 4:25

Hagà ə təm ənɨ Ɨwum Sinài ə Àrebìà. Məd yɨ ɨghabɨ ə Jèrusalèm wɔ̂ rə̀chɔ̀ŋ, ɨmbə̀ʼ ɨghəm nɨ məd mbɨ mbi bɔn yɨ ɨ̀bòʼò.

Efesùs 5:2

Mbə̀ ghaʼ mbə bɔŋgɔb ɨchî nɨ Kristo ghaʼ əwa əne kwɨ ɨgwɨ mba ɨtu. Məd yɨ ɨghabɨ əghɨ ə̀fà nɨə nyùʼrɨ ɨfɔ chɔ̀m. Məd yɨə bə̀ ɨghabɨ ɨchəmnɨ nɨ mbɨə naʼ əmbɨ ə Ŋwiə̀.

1 Tèsàlonikà 5:18

bə̀ nàʼ məben-əwe əmbɨ ə Ŋwiə̀ ɨmbə̀ʼ ɨnû jìm. Mbɔ̂ yɨ ɨnû mbe nɨ Ŋwiə̀ kəbɨ rɨ nən ɨchî nɨ mbə̀ yeʼ ənɨ fɔtɨ mbɨ Kristo Yeso.

Tayitùs 2:14

Yeso Kristo nyaʼa nàʼ i ɨnyod ɨmbə̀ʼ choʼ mba ɨtu tɨ ənɨ ɨnû rɨbɔ̀ŋ jìm. Wɨ̀ nyaʼa bə̀ nàʼ ɨmbə̀ʼ zeŋɨ əwa ni tɨ̀ yeʼ bə̂d nɨə zɨ̀ ətu nɨ ghɨ ɨnû chɔ̀m.

1 Pità 2:24

Kristo ziə nyaʼa beʼ mba ɨnû rɨbɔ̀ŋ ɨŋga i ɨnyod ənɨ wɨ̀ nyaʼa əzed ə baʼnɨ. Wɨ̀ nyaʼa ghɨ əne ɨmbə̀ʼ tɨ rɨ̀ wɨrɨ ghɨ a ɨnû rɨbɔ̀ŋ. Tɨ̀ sɨə chub àmei ɨchî nɨ kuʼnɨ. Ɨna mbe nɨ nyaʼa ɨgwɨ məd fə ghɨ mbə bɔtɨ.