Lk 21:37 - Meta’

³⁷ Yeso wɨə nyaʼə chwi ɨnû ɨŋga mbàn Ŋwìə̀ ɨni jìm. À sɨ ɨkwirɨ kwirɨ, ɨ wɨə nyaʼə jwɨ̀ə̀ wò ni ɨkaŋ Ɨwum mɨ̀Olìf.

Ikan feg

³⁷ Yeso yaya chwìte inug inga mbàn Ŋwiye ineg ijìm. Tikwikwiri tijìm, wì yaya ghò nèghe ikaŋ iwum mə̀Olìf.

Lk 21:37 ပူးပေါင်းရင်းမြစ်များ

Matìyò 21:1

Ənɨ Yeso mbɨ mbi mə̀mə̀ə̀nɨ̀-ɨnû nyaʼə sɨə tiinɨ ɨban ə Jèrusalèm, mbɨ nyaʼa pè ə Bètfagè nɨ nyaʼa ɨbom Ɨwum mɨ̀Olìf. Mbɨ nyaʼa pè əŋgu əne, Yeso tom mbi mə̀mə̀ə̀nɨ̀-ɨnû mɨ̀be ni mbɨ beə wò ɨmbì.

Matìyò 21:17

Ənɨ wɨ̀ nyaʼa ghà əne, wɨ̀ nyaʼa sàŋ mɨ̀mə̌d, jwɨ̀ rɨŋga əsɨ ze wò ə Betanì, pè ni əŋgu.

Matìyò 26:30

Ənɨ mbɨ nyaʼa fə kwerɨ ɨkyî, mbɨ nyaʼa jwɨ̀ wò ɨkaŋ Ɨwum mɨ̀Olìf.

Matìyò 26:55

Yeso nyaʼa ghà əmbɨ mɨnɔ̂n bə̂d mbe ni, “Mbə sɨ yeʼe ɨ gywɨ əmɨ mbɨ mɨbi fɔrɨ mbɨ ɨtum mbàŋ ɨghabɨ ni mə̀ yɨ ɨjɨ ə? Mə wɨə nyaʼə chub ɨŋga mbàn Ŋwìə̀ ɨni jìm chwiə ɨnû, àyɨə chəi mbə̀ nyaʼa gywɨ əmɨ.

Mk 11:12

À nyaʼa əni ze nɨ beenɨ, ənɨ Yeso mbɨ mbi mə̀mə̀ə̀nɨ̀-ɨnû nyaʼə bə̀ndɨ̀ rɨ ə Betanì, njì rɨ nyaʼa zaŋ əməd.

Mk 11:19

À nyaʼa sɨ ɨkwirɨ kwirɨ, Yeso mbɨ mbi mə̀mə̀ə̀nɨ̀-ɨnû nyaʼa jwɨ̀ rɨ ə Jèrusalèm wò əwən.

Mk 14:49

Mə wɨə nyaʼa mbɨ nən chwi ɨnû ɨŋga mbàn Ŋwìə̀ ɨni jìm, əne chəi mbə̀ nyaʼa gywɨ əmɨ. Àyɨə ənû ze nɨ mbɨ nyaʼa ŋwaʼnɨ ɨŋga Ə̀ŋwàʼnɨ̀ ə Ŋwiə̀ ə berɨ jwɨ ənɨ rəsìʼ.”

Lk 19:29

Ənɨ wɨ̀ nyaʼa pè ɨban ə Bètfagè mbɨ Betanì nɨ nyaʼa ɨkaŋ Ɨwum mɨ̀Olìf, wɨ̀ nyaʼa tom mbi mə̀mə̀ə̀nɨ̀-ɨnû mɨbe

Lk 19:37

Ənɨ wɨ̀ nyaʼa sɨə tiinɨ ɨban ə Jèrusalèm, əsɨ ze nɨ mbɨ nyaʼə swiʼə Ɨwum mɨ̀Olìf, ɨnɔ̂n mə̀mə̀ə̀nɨ̀-ɨnû we ɨjìm nyaʼa kɔ yiirɨ ə Ŋwiə̀ ənɨ ə gɨ̂ kǎ kǎ ɨmbə̀ʼ ɨnû yiirɨ jìm mbe nɨ mbɨ nyaʼa zə.

Lk 19:47

Ɨ wɨə nyaʼə chwi ɨnû ɨŋga mbàn Ŋwìə̀ ɨni jìm, àyɨə bə̂d kyeŋ mbe rɨ ə mbàn Ŋwìə̀ mbɨ məchwiə̀ rɨ̀kə̌ fɔrɨ bə̂d mbe nɨ nyaʼə chà mɨ̀Jû nyaʼa kə̀b ni njɨ mbə zwiirɨ əməd,

Lk 22:39

Yeso nyaʼa jwɨ̀ wò ɨkaŋ Ɨwum mɨ̀Olìf, ɨchî nɨ wɨ̀ nyaʼə mɨə ghɨ̀ə̀. Mə̀mə̀ə̀nɨ̀-ɨnû ɨməd nyaʼa beenɨ əbɔʼ məd.

Jn 12:1

Ənɨ ɨni nyaʼa buʼ rɨ̀fuə bɔŋ mɨ̀Jû nyaʼa sɨə jɨg Əchwɨ̂ ə Che-ɨgun, Yeso nyaʼa wò ə Betanì, nɨ yeʼ əsɨ ze nɨ Lazarɔ̀s we nɨ wɨ̀ nyaʼa zwemnɨ nyaʼə chub əŋgu.

Jn 18:2

Judàs we nɨ nyaʼa fen ə Yeso nyaʼa kyerɨ əsɨ ze, ɨmbə̀ʼ ɨghəm nɨ Yeso wɨə nyaʼə kɨə wò əŋgu mbɨ mbi mə̀mə̀ə̀nɨ̀-ɨnû.

Ɨ̀fàʼì 1:12

Bə̂d tom mbe nyaʼa nɔ̀ʼ rɨkaŋ Ɨwum mɨ̀Olìf, bə̀ndɨ̀ wò ə Jèrusalèm. Əgha nɨ wo pe əŋgu yɨə nyaʼa ɨghabɨ kilometà mɔʼ.