Lk 21:36 - Meta’

³⁶ Mbə̀ chub ɨkyèʼe ənɨ mɨ̀nyùmə̀ jìm, kɔŋgɨ ə Ŋwiə̀ ni mbə̀ berɨ ɨka nɨ nod ɨnû jìm mbe nɨ bɨrɨ ghɨ̀. Mbə̀ bə̀ kɔŋgɨ ni mbə mbe tɨ̀ mbə təm ɨfě Wan Wə̀d.”

Ikan feg

³⁶ Mbə̀ ya we awən, chàʼrà Ŋwiye gha Ŋwiye ghiyə awən mbə kyeri inɔnjì ni nòrò abə inug mbe ne biri ghum dù. Ŋwiye bə ghì gha mbə koʼo ni təm imbìghè abə Ŋwan Wə̀d.”

Lk 21:36 ပူးပေါင်းရင်းမြစ်များ

Matìyò 24:42

Əne mbə̀ chub ɨkyèʼe, ɨmbə̀ʼ ɨghəm nɨ chəi mbə̀ kyerɨ əni ze nɨ ə Ə̀nùŋɨ̀sɨg bɨrɨ wɨrɨ yeʼe.

Matìyò 24:43

Àyɨə mbə̀ kyerɨ ni wə̀d nəb mɨ kə̀ʼ kyerɨ nyùmə̀ we nɨ ɨjɨ ə wo yeʼe ɨzimɨ, njɨ wɨ̀ bɨrɨ chub ɨkyèʼe ɨ nəŋgɨ i nəb ɨmbə̀ʼ tɨ ɨjɨ we toʼ i nəb ze.

Matìyò 24:44

Əne mbə̀n bə̂, mbə̀ tekɨ ɨnyod, ɨmbə̀ʼ ɨghəm nɨ Wan Wə̀d wɨə yeʼe ənɨ ə nyùmə̀ we nɨ chəi mbə̀ə wòm əməd.

Matìyò 25:13

“Əne mbə̀ chub ɨkyèʼe, ɨmbə̀ʼ ɨghəm nɨ chəi mbə̀ kyerɨ əni ze kɨ̀ ə nyùmə̀ we nɨ Wan Wə̀d bɨrɨ wɨrɨ yeʼe.

Matìyò 26:41

Mbə̀ chub ɨkyèʼe kɔ̀ŋgɨ̀ ə Ŋwiə̀ ni tɨ ənû ə mɔʼɔ numbɨ i əwən. Fîŋ zɨə kə̀b ni mbə̀ ghɨ ənû nɨ kuʼnɨ, àyɨə nyamnyod ə bɔd.”

Matìyò 8:20

Yeso nyaʼa ghà ɨ bɔ ni, “Kyerɨ ni mɨ̀seŋə ə berɨ tə rɨbɨgɨ, tɨnən bə̀ berɨ tə kàn, àyɨə chəi Wan Wə̀d berɨ əsɨ nɨ nuŋ e ətu əŋgu.”

Mk 13:33

Əne mbə̀ we əwən, chub ɨkyèʼe ɨmbə̀ʼ ɨghəm nɨ chəi mbə̀ kyerɨ nyùmə̀ we nɨ Wan Wə̀d bɨrɨ wɨrɨ yeʼe.

Mk 13:37

Əne ənû ze nɨ mə ghà ɨ nən, yɨ mə fə bə̀ ghà əmbɨ ə bə̂d mɨ̀jìm. Ənû ze yɨ ni mbə̀ chub ɨkyèʼe!”

Lk 1:19

Aŋgɨrə̀ we nyaʼa wììrɨ̀ ɨ bɔ ni, “Mɔ̌ yɨə Gebre we nɨə təm ɨfě Ŋwiə̀. À yɨə Ŋwìə̀ tom əmɨ ni mə̀ yeʼe ghàm ɨ ne bə̀ ghà ɨkə̂n chɔ̀m wɔ̂ ɨ ne.

Lk 18:1

Yeso nyaʼa ghà ənû ə mɨgɨ əmbɨ mbi mə̀mə̀ə̀nɨ̀-ɨnû ɨ chwi ni mbɨ berɨ kɨə kɔ̀ŋgɨ̀ ə Ŋwiə̀ zɨ rɨ bɔd.

Lk 20:35

Àyɨə chəi bə̂d mbe nɨ kuʼ nɨ zwemə, əne chub ənɨ ə nyùmə̀ we nɨ bɨrɨ yeʼe, bɨrɨ nam kɨ̀ bè nàʼ bɔn ə nəb ɨnamɨ.

Lk 21:35

ɨmbə̀ʼ ɨghəm nɨ əni ze ə bɨrɨ yeʼe ɨgwɨ ə bə̂d mɨ̀jìm mbe nɨ yeʼ ɨgwɨ ə si.

Ɨ̀fàʼì 10:2

Wɨ̀ nyaʼa nùŋ fîŋ ɨgun ə Ŋwiə̀. Ɨ wɨə nyaʼə bə̀ wumnɨ əməd mbɨ i ɨnəbɨ jìm. Ɨ wɨə nyaʼə nàʼ ɨghɨ əmbɨ ə bə̂d ɨkwaŋ əbu əbu. Ɨ wɨə nyaʼə bə̀ kɔŋgɨ ə Ŋwiə̀ ɨghəm jìm.

1 Kɔrèn 16:13

Mbə̀ we əwən. Mbə̀ nùŋ fîŋ nɨ kaanɨ ɨgun ə Kristo. Tɨ mbə̀ bɔ ə. Mbə̀ təm kàànɨ̀.

2 Kɔrèn 4:14

Tɨ̀ kyerɨ ni Ŋwìə̀ we nɨ nyaʼa zwemnɨ Ə̀nùŋɨ̀sɨg Yeso bɨrɨ bɨ zwemnɨ əwa mbɨ Yeso. Wɨ̀ bɨrɨ nɨŋ əwa mbɨ nən wò ɨfě məd.

Kòlosè 4:2

Mbə̀ kɔŋgɨ ə Ŋwiə̀ ənɨ mɨ̀nyùmə̀ jìm. Mbə mɨ yeʼə kɔ̀ŋgɨ̀ə̀, mbə̀ chub ɨkyèʼe bə̀ nàʼə̀ məben-əwe ɨ bɔ.

1 Tèsàlonikà 5:17

kɔŋgɨ ə Ŋwiə̀ ənɨ mɨ̀nyùmə̀ jìm,

2 Timotì 4:5

À yeʼ ɨmbə̀ʼ əwe, àwɔ̀ Timotì, yimbɨ e ɨnyod ənɨ ənû jìm. Nyiʼ fîŋ ənɨ à zəə ŋgəʼ. À berɨ fàʼ ɨmbə̀ʼ zə ni bə̂d yeʼe əsɨ Kristo. Ghɨ ɨnû jìm mbe nɨ Ŋwìə̀ zɨ ɨŋga te rɨkyerɨ-ɨbɔ.

1 Pità 4:7

Ɨnwǐ ɨghɨjìm fə tiinɨ, əne mbə nuŋ mbə ɨtu mbɨ zeŋ bə̀ yimbɨ ə ɨnyod ɨmbə̀ʼ kyerɨ ɨchî nɨ kɔŋgɨ ə Ŋwiə̀.

1 Pità 5:8

Mbə̀ yimbɨ ɨnyod bə̀ chub ɨkyèʼe. Ə wə̀d pə̀n, əne yɨə Debɨ̀rə̀ wɨə yènə̀ zùʼə̀ ɨghabɨ ə ŋgwàbaʼ. Ɨ wɨə kə̀bə̀ wə̀d mɔʼɔ we nɨ wɨ̀ bɨrɨ nimnɨ.

1 Jɔn 2:28

Əne tɨ̀nîn, kyɨə bɔn nɨ mə̀ ghaʼi kwàʼ rɨŋgəʼ, mbə̀ chubɨ ənɨ ɨfɔtɨ mbɨ məd, ɨmbə̀ʼ ənɨ wɨ̀ wɨrɨ yeʼe, chəi tɨ̀ bɨrɨ bɔ. Chəi tɨ̀nìd ətu bɨrɨ ghɨ ni tɨ̀ nəmbɨ rɨ bɔ.

Jûd 1:24

Tɨ̀ yiirɨ ə Ŋwìə̀ we nɨ tɨ̀ wɨ̀ nùŋ əwən ni tɨ mbə̀ gu ə. Ɨ we tɨ̀ wɨ̀ ghɨ̀ ni mbə̀ zeŋ màànɨ̀ ɨfě məd bə̀ ghɨ̀ ni mbə̀ sɨə ghaʼrɨə.

Ɨnû 11:4

Mɨ̀zərɨmbin mbɔ̂ mɨbe yɨ ɨzed olìf mbe be mbɨ ɨtən mbe be nɨ mbɨə te ɨnam ɨgun. Ɨtən mbe mbɨ ɨfě Ə̀nùŋɨ̀sɨg rɨ ɨgwɨ ə si.

Ɨnû 6:17

ɨmbə̀ʼ ɨghəm nɨ əni ə kyeŋ ze nɨ Ŋwìə̀ mbɨ ə Wan njɨ̀g bɨrɨ chə bə̂d ə fə yeʼe. À kɨə we nɨ tɨ̀ wɨ̀ chubɨ ɨkǎ ənɨ mbɨ chə əməd ə?”

Ɨnû 7:9

Ənɨ rɨ̀taanɨ njə̀m ze nyaʼa chě, mə nyaʼa nèŋ, əne zə ɨnɔ̂n bə̂d nɨ nyaʼa kwàʼ wɨ kyeŋ, nɨ chəi ənɨ tɨ̀ wə̀d nyaʼa taŋ. Mbɨ yɨə nyaʼə rɨŋga ɨbeŋ jìm, rɨŋga mɨnəbɨ jìm, rɨŋga ɨsɨ jìm bə̀ fɔrɨ rɨŋga mɨŋgam jìm. Mbɨ nyaʼa təm ɨfě ətən ɨfɔ̀n bə̀ təm ɨfě Wan njɨ̀g. Mbɨ nyaʼa zɨ̀ ngywɨ̌ tɨ rɨ̀fɨ bə̀ yim ɨzaŋ.

Ɨnû 8:2

Mə nyaʼa zə mbɨ̀aŋgɨrə̀ mbe sambe nɨə təm ɨfě Ŋwiə̀. Mbɨ nyaʼa nàʼ tàŋ sambe əmbɨ mɨ̀mə̌d.