Lk 20:35 - Meta’

³⁵ Àyɨə chəi bə̂d mbe nɨ kuʼ nɨ zwemə, əne chub ənɨ ə nyùmə̀ we nɨ bɨrɨ yeʼe, bɨrɨ nam kɨ̀ bè nàʼ bɔn ə nəb ɨnamɨ.

Ikan feg

³⁵ Àsi bəd ne biri kòʼ ni zweme bə̀ nyi inga nyùmə̀ isəg feg, chəyi mbi biri ya nàma kə̀ nàmna bɔn.

Lk 20:35 ပူးပေါင်းရင်းမြစ်များ

Matìyò 12:32

Ŋwìə̀ bɨrɨ waʼ ɨnû rɨbɔ̀ŋ wə̀d mɔʼɔ we nɨ gha ɨŋgam rɨbɔ̀ŋ ɨmbə̀ʼ ə Wan Wə̀d, àyɨə chəi wɨ̀ bɨrɨ waʼ mbɨ wə̀d we nɨ gha ɨŋgam rɨbɔ̀ŋ ɨmbə̀ʼ Əzwî ə Ŋwiə̀, kɨ̀ à kɨ ɨŋga ɨsɨg wɔ̂, kɨ̀ ɨŋga ɨsɨg we nɨ bɨrɨ yeʼe.

Matìyò 22:29

Yeso nyaʼa wììrɨ̀ əmbɨ mɨ̀mə̌d ni, “Mbə fə fèbə̀, ɨmbə̀ʼ ɨghəm nɨ chəi mbə̀ kyerɨ ənû ze nɨ yeʼ ɨŋga Ə̀ŋwàʼnɨ̀ ə Ŋwiə̀, kɨ̀ bè kyerɨ ɨka Ŋwiə̀.

Mk 10:42

Əne Yeso nyaʼa tɔŋ mə̀mə̀ə̀nɨ̀-ɨnû mbe mɨ̀jìm, ghà əmbɨ mɨ̀mə̌d ni, “Mbə kyerɨ ni bə̂d mbe nɨə tùmbɨ̀ə̀ bə̂d mbe nɨ kaʼi mɨ̀Jû mbɨə nyèm ɨnû nyemɨ ɨgwɨ mɨ̀mə̌d. Mbə bə̀ kyerɨ ni bə̂d kyeŋ rəbɔʼ mɨ̀mə̌d ə berɨ ɨka nɨ tumbɨ mɨ̀mə̌d ənɨ ɨnû jìm.

Mk 12:24

Yeso nyaʼa wììrɨ̀ əmbɨ mɨ̀mə̌d ni, “Əton nɨ mbə̀ febə yɨ ni chəi mbə̀ kyerɨ Ə̀ŋwàʼnɨ̀ ə Ŋwiə̀ kɨ̀ bè kyerɨ ɨka Ŋwiə̀.

Lk 16:8

“Mbǎʼ ə̀fàʼì we nyaʼa yiirɨ wə̀d kòb we nɨ nyaʼə nəŋgɨ ɨghɨ məd. Wɨ̀ nyaʼa yiirɨ əməd ɨmbə̀ʼ ɨchî nɨ wɨ̀ nyaʼa berɨ ɨwe, ɨmbə̀ʼ ɨghəm nɨ bə̂d rɨŋga ɨsɨg wɔ̂ ə berɨ ɨwe əku nɨ fàʼ mbɨ ə bə̂d mbe nɨ yeʼ ɨghabɨ mɨ̀mə̌d chè mbe nɨ yeʼ ɨŋga ɨzeŋɨ zeŋɨ.”

Lk 21:36

Mbə̀ chub ɨkyèʼe ənɨ mɨ̀nyùmə̀ jìm, kɔŋgɨ ə Ŋwiə̀ ni mbə̀ berɨ ɨka nɨ nod ɨnû jìm mbe nɨ bɨrɨ ghɨ̀. Mbə̀ bə̀ kɔŋgɨ ni mbə mbe tɨ̀ mbə təm ɨfě Wan Wə̀d.”

Jn 5:29

əne jwɨ̀ rɨŋga mbə mɨ̀sì. Bə̂d mbe nɨ nyaʼə ghɨ̀ ɨnû chɔ̀m bɨrɨ zwemə jɨg ɨ̀tènɨ̀, àyɨə mbe nɨ nyaʼə ghɨ̀ ɨnû rɨbɔ̀ŋ bɨrɨ zwemə Ŋwìə̀ zɨ̀ ɨsaʼi ɨgwɨ mɨ̀mə̌d.

Ɨ̀fàʼì 24:15

Mə wɨə nùŋ ɨkɔndɨ wòmə̀ wə̀d we nɨ Ŋwiə̀ nyaʼa kaʼi, ɨchî nɨ mɨ̀mə̌d ə bə̀ wòmə̀. Ɨkɔndɨ we yɨ ni bə̂d mbe nɨ ɨnû mɨ̀mə̌d kuʼnɨ mbɨ mbe nɨ chəi ɨnû mɨ̀mə̌d kùʼnɨ̀ bɨrɨ zwemə.

Ɨ̀fàʼì 5:41

Bə̂d tom mbe nyaʼa sàŋ mə̀saʼ əbeŋ mbe yènə̀ ghaʼə ni Ŋwìə̀ fə zə əwən ni mbə kuʼ nɨ zə ŋgəʼ bə̀ berɨ tɨ̀nìd ətu ɨmbə̀ʼ ə Yeso.

2 Tès 1:5

Ɨnû mbɔ̂ jìm ə chwi ni Ŋwìə̀ bɨrɨ saʼ bə̂d ɨchî nɨ kuʼnɨ. Əne Ŋwìə̀ bɨrɨ zə ni mbə kuʼ nɨ nyɨ ɨŋga ənû ɨfɔ̀n əməd. Mbə mbɨə zəə ŋgəʼ ɨmbə̀ʼ ənû ɨfɔ̀n rəŋgu ze.

Mə̀Hibrù 11:35

À yɨ ɨbenɨ nyaʼa ghɨ ni məyi nɨŋ mbə ɨfurɨ mbe nɨ nyaʼa kwɨ wɨrɨ zwemə. Mbɨ nyaʼa chə mbɨ mɔʼɔ ə nəb ndəŋ, àyɨə mbe nyaʼa ton ni tɨ mbɨ chɨ əwən sàŋɨ̀, ɨmbə̀ʼ mbə mɨ kwɨ, mbə bɨrɨ wɨrɨ zwemə əne jɨg ɨ̀tènɨ̀ we nɨ bɔŋɨ chè.

Ɨnû 3:4

Àyɨə bə̂d mɔʼɔ rɨpiî mbɨ ə Sadìs nɨ chəi mbɨ kɨrɨ tab tə ngywɨ. Mbɨ bɨrɨ yen mbɨ num ɨŋga ngywɨ̌ tɨ rɨ̀fɨ, ɨmbə̀ʼ ɨghəm nɨ mbɨ kàŋ kùʼ nɨ ghɨ əne.