Lk 20:14 - Meta’

¹⁴ Àyɨə ənɨ bə̂d mbe nɨ nyaʼa yim mbeŋ ze nyaʼa zə wan we, mbɨ nyaʼa ghà mbənə mbənə ni, 'À yɨ əjɨnəb məd wɔ̂. Tɨ̀ zwiirɨ əməd ɨmbə̀ʼ ɨghɨ məd sɨ yeʼ mba.'

Ikan feg

¹⁴ Anyumə̀ ne bəd mbe ya bàd gha à ya ŋwan ìwi mbaʼ mben, mbi ya ghàm mbɔb mbɔb gha, ‹À ya kwàʼ àjəgnəb məd gho̰, tì zwèti aməd, jəg mben›

Lk 20:14 ပူးပေါင်းရင်းမြစ်များ

Matìyò 16:7

Mbɨ nyaʼa kɔ ghǎ mbənə mbənə ni, “Ɨ wɨə ghà əne ɨmbə̀ʼ ɨghəm nɨ chəi tɨ̀ kəʼ nɨŋ ŋgə̀ŋ.”

Matìyò 21:25

À kɨə Ŋwìə̀ nyaʼa naʼ ɨka əmbɨ Jɔ̌n ni wɨ̀ nàʼ mɨnib kɨ̀ à kɨ̀ ə bə̂d ə?” Mbɨ nyaʼa zu əne kɔ tàŋɨ mbənə mbənə ghàə̀ ni, “Tɨ̀ mɨ ghà ni, 'À yɨə Ŋwiə̀,' wɨ̀ bɨrɨ biirɨ ɨ na ni, 'À nɨə yeʼ əne, njɨ chəi mbə̀ nyaʼa ben əməd ɨmbə̀ʼ ə yè ə?'

Matìyò 21:34

Nyùmə̀ nɨ mbɨ nyaʼə kab rɨtam vaìn nyaʼa kùʼ, əne wɨ̀ nyaʼa tom mbi bə̂d ə̀fàʼì ni mbɨ wo nɨŋ əzi rɨ əbà ənɨ rɨtam vaìn te.

Lk 19:47

Ɨ wɨə nyaʼə chwi ɨnû ɨŋga mbàn Ŋwìə̀ ɨni jìm, àyɨə bə̂d kyeŋ mbe rɨ ə mbàn Ŋwìə̀ mbɨ məchwiə̀ rɨ̀kə̌ fɔrɨ bə̂d mbe nɨ nyaʼə chà mɨ̀Jû nyaʼa kə̀b ni njɨ mbə zwiirɨ əməd,

Lk 20:13

Wə̀d we nɨ nyaʼa berɨ mbeŋ ze nyaʼa ghà ni, 'Mə kɨə wo ghɨ̀ ye ə? Mə bɨrɨ tom mɨ wan nɨ mə̀ ghaʼi kwàʼ rɨŋgəʼ, ɨghə̀m mbɨ bɨrɨ wumnɨ əməd.'

Lk 20:15

Mbɨ nyaʼa ghà əne chɨ̀ əməd rɨŋga mbeŋ ze màʼ ɨsɨg zwiirɨ. “Mbə kɔn əzən ni wə̀d we nɨ berɨ mbeŋ ze kɨə wo ghɨ ye mbɨ mɨ̀mə̌d ə?

Lk 20:19

Məchwiə̀ rɨ̀kə̌ mbɨ ə bə̂d kyeŋ mbe rɨ ə mbàn Ŋwìə̀ mbɨə nyaʼa kə̀b ni njɨ mbə gywɨ̀ ə Yeso ənɨ nyùmə̀ we, àyɨə ɨ mbɨ nyaʼə bɔə ni bə̂d bɨrɨ bu əchɔb. Ɨ mbɨə nyaʼa kəb gywɨ̀ əməd ɨmbə̀ʼ ɨghəm nɨ mbɨ nyaʼa kyerɨ ni ɨ wɨə nyaʼə ghà ənû ə mɨgɨ ze ɨmbə̀ʼ əwən.

Lk 20:5

Mbɨ nyaʼa zu əne, kɔ ghambɨ mbənə mbənə ghàə̀ ni, “Tɨ̀ mɨ ghà ni, 'À yɨə Ŋwiə̀,' wɨ̀ bɨrɨ biirɨ ɨ na ni, 'À nɨə yeʼ əne, njɨ chəi mbə̀ nyaʼa ben əməd ɨmbə̀ʼ ə ye ə?'

Lk 22:2

bə̂d kyeŋ mbe rɨ ə mbàn Ŋwìə̀ mbɨ məchwiə̀ rɨ̀kə̌ nyaʼa kɔ kə̀b ɨnə̂njɨ̀ nɨ zwiirɨ ə Yeso ənjìm ənjìm. Mbɨ nyaʼa kəb zwiirɨ əməd ənjìm ənjìm ɨmbə̀ʼ ɨghəm nɨ ɨ mbɨə nyaʼə bɔə ni bə̂d bɨrɨ bu əchɔb.

Ɨ̀fàʼì 2:23

Ŋwìə̀ nyaʼa fə bè kyerɨ i, əne wɨ̀ nyaʼa nùŋ ni mbɨ bɨrɨ gywɨ ə Yeso wɔ̂ nàʼ ɨ nən, mbə ghɨ̀ ni bə̂d nɨə ghɨ̀ ɨnû rɨbɔ̀ŋ kòmbɨ̀ əməd əzed ə baʼnɨ, zwiirɨ.

Ɨ̀fàʼì 3:15

Mbə nyaʼa zwiirɨ wə̀d we nɨə nàʼ ɨ̀tènɨ̀, àyɨə Ŋwiə̀ nyaʼa zwemnɨ əməd. Tɨ̀ yɨ mɨ̀zərɨmbin ənɨ ənû zɔ̂.

Rm 8:17

Tɨ̀ mɨ yeʼ bɔn, əne yɨ ni tɨ̀ yɨ mə̀jɨnəb Ŋwiə̀ nɨ fɔtɨ ənû əjɨnəb mbɨ Kristo. Əne yɨ ənɨ tɨ̀ zə ŋgəʼ mbɨ məd ɨmbə̀ʼ bɨ berɨ ɨwumnɨ we nɨ Ŋwìə̀ bɨrɨ naʼ ɨ bɔ.

Mə̀Hibrù 1:2

Àyɨə ɨŋga nyùmə̀ wɔ̂ nɨ sɨ nwìə̀, wɨ̀ fə ghàm ɨ na ənjìm i Wan we nɨ wɨ̀ nyaʼa nuŋ ənɨ əjɨnəb ɨgwɨ ɨghɨjìm. Wɨ̀ nyaʼa bə̀ chè ənjìm məd tekɨ ɨsɨg.