Lk 2:7 - Meta’

⁷ Wɨ̀ nyaʼa gywɨ i wan mbaŋə̀ rɨtu, nib ɨŋga tɨbabɨ ngywɨ̌, əne nùŋ ɨŋga fɨ̀kùʼù nɨ mbɨə jə ə nyam, ɨmbə̀ʼ ɨghəm nɨ chə nyaʼa i rɨmbin əmbɨ mɨ̀mə̌d ɨŋga nəb ze nɨ bə̂d ɨghanɨ nyaʼə pè niə chwɨ ɨkab.

Ikan feg

⁷ Wì ya fɔ̀d ŋwan mbaŋà, nib ane iba ndwi, zì inga fikuʼì ne mbe jə nyam icheg ne chəyi atog nəb mɔ̀ʼɔ ya yaʼi inɔb ni chughi inga.

Lk 2:7 ပူးပေါင်းရင်းမြစ်များ

Matìyò 1:25

Wɨ̀ nyaʼa nɨŋ əne, àyɨə chəi wɨ̀ nyaʼa ni mbɨ məd pè ənɨ Mèri nyaʼa gywɨ wan mbaŋə̀ we. Ənɨ wɨ̀ nyaʼa gywɨ, Jòsêf nyaʼa chù əməd ni Yeso.

Matìyò 13:55

Ɨmbə̀ʼ wɔ̂ yɨə wan kabɨndà ə? Ɨmbə̀ʼ ɨkum ɨŋgɔb məd yɨə Mèri ə? Ɨmbə̀ʼ bɔŋgɔb məd yɨə Jems mbɨ Jòsêf mbɨ Saimòn fɔrɨ ə Judàs ə?

Matìyò 8:20

Yeso nyaʼa ghà ɨ bɔ ni, “Kyerɨ ni mɨ̀seŋə ə berɨ tə rɨbɨgɨ, tɨnən bə̀ berɨ tə kàn, àyɨə chəi Wan Wə̀d berɨ əsɨ nɨ nuŋ e ətu əŋgu.”

Lk 10:34

Əne wɨ̀ nyaʼa wò əsɨ mbaŋə̀ ze, sò ɨna məd ənɨ mɨnoʼ, zɔʼ ənɨ mɨwud, kod. Wɨ̀ nyaʼa ghɨ̀ əne, nɨŋ əməd nuŋ ɨgun i jàkas, nɨŋ wò ɨŋga nəb nɨ bə̂d ɨghanɨ ə pè ni əŋgu, nə̀ŋgɨ əməd.

Lk 2:6

Ənɨ mbɨ nyaʼa əŋgu, nyùmə̀ nyaʼa kùʼ əmbɨ Mèri nɨ gywɨ i wan.

Lk 2:8

À nyaʼa ɨzimɨ we, mənə̂ŋgɨ̀-njɨ̀g mɔʼɔ mbɨə nyaʼa ɨkaŋ ɨwum əbà əbeŋ ze nə̀ŋgɨə tə njɨ̀g.

Jn 1:14

Ɨŋgam we nyaʼa bèŋ ənɨ ə wə̀d mɨ̀sɔŋɨchù, chub əkaʼ na. Tɨ̀ nyaʼa zə ɨwumnɨ məd nɨ yeʼ ɨwumnɨ we nɨ wɨ̀ nyaʼa berɨ ɨchî nɨ wɨ̀ mei Wan we mɔʼ nɨ Mbǎʼ berɨ. Ɨ̀chɔ̀m mbɨ rəsìʼ nyaʼa swi ɨŋga məd.

2 Kɔrèn 8:9

Mbə kyerɨ ɨ̀chɔ̀m we nɨ Ə̀nùŋɨ̀sɨg Yeso Kristo nyaʼa ghɨ̌, nɨ ka à bè yeʼi ni wɨ̀ nyaʼa berɨ mbɔ̂n, àyɨə wɨ̀ nyaʼa bèŋ ənɨ wə̀d ɨkwaŋ ɨmbə̀ʼ əwən, ɨmbə̀ʼ ənjìm ɨchî nɨ wɨ̀ kwaŋɨ, mbə mbe tɨ̀ mbə berɨ mbɔ̂n.

Gàlesìyà 4:4

Àyɨə ənɨ ə nyùmə̀ nyaʼa fə kuʼu, Ŋwìə̀ nyaʼa tom i Wan. Mbɨ nyaʼa gywɨ əməd ɨghabɨ ə wə̀d mɨ̀sɔŋɨchù. Wɨ̀ nyaʼa bə̀ kwi ɨŋga rɨ̀kə̌,