Lk 2:51 - Meta’

⁵¹ Wɨ̀ nyaʼa ghɨ əne, swiʼi mbɨ mɨ̀mə̌d mbɨ wò ə Nazàret. Wɨ̀ nyaʼa pè zuunɨ mɨ̀mə̌d. Ɨŋgɔb məd nyaʼa yim ɨnû mbɔ̂ jìm ɨŋga i fîŋ.

Ikan feg

⁵¹ Ane, Yeso ya bə̀ndì ghò a Nazarèd tì inɔb. Wì yaya zùgrə awɔb. Ngɔb məd ya zug inug mbo̰ ijìm nyìmi inga fìŋ.

Lk 2:51 ပူးပေါင်းရင်းမြစ်များ

Matìyò 12:46

Ənɨ Yeso nyaʼə kɨrɨ ghàm əmbɨ mɨnɔ̂n bə̂d mbe, ɨŋgɔb məd mbɨ ə bɔŋgɔb məd nyaʼa wò pè təm ɨsɨg. Mbɨ nyaʼa kə̀b ghàmbɨ̀ mbɨ məd.

Matìyò 3:15

Yeso nyaʼa wììrɨ̀ ɨ bɔ ni, “Sɨ zɨə yeʼ əne tɨ̀nîn, ɨmbə̀ʼ ɨghəm nɨ zɨə kùʼ ni tɨ̀ ghɨ ɨnû jìm ɨchî nɨ Ŋwìə̀ kəbɨ.” Ənɨ wɨ̀ nyaʼa ghà əne, Jɔ̌n nyaʼa zu benɨ, əne nàʼ mɨnib ɨ bɔ.

Mk 1:9

À nyaʼa ənɨ ə nyùmə̀ we, Yeso nyaʼa nɔ̀ʼ rɨ ə Nazàret ə Galiliî wò əsɨ Jɔ̌n, əne Jɔ̌n nyaʼa nàʼ mɨnib ɨ bɔ ɨŋga ɨgyɨ̂ Jodàn.

Mk 6:3

Ɨmbə̀ʼ wɔ̂ yɨə kabɨndà we nɨ yeʼ wan Mèri ə? Ɨmbə̀ʼ bɔŋgɔb məd yɨə Jems mbɨ Josès mbɨ Judàs fɔrɨ ə Saimòn ə? Chə wa i njàbɨ rɨ məd əgha mbɨ na ə?” Mbɨ nyaʼa biirɨ əne ton əməd.

Lk 18:37

Mbɨ nyaʼa ghà ɨ bɔ ni, “Yeso rɨə Nazàret wɨə chèə̀.”

Lk 2:19

Àyɨə Mèri nyaʼa yim ɨnû mbe jìm ɨŋga i fîŋ, sɨə kɔndɨə.

Lk 2:39

Ənɨ Jòsêf mbɨ Mèri nyaʼa ghɨ ɨnû jìm mbe nɨ nyaʼa ɨŋga rɨkə Ə̀nùŋɨ̀sɨg, mbɨ nyaʼa bə̀ndɨ̀ wò ə Nazàret nɨ yeʼ əsɨ ze nɨ mbɨ nyaʼə chub əŋgu. Nazàret wɨə nyaʼa ɨŋga əba əbeŋ ze rɨ ə Galiliî.

Lk 4:16

Yeso nyaʼa wò ə Nazàret, nɨ yeʼ əsɨ ze nɨ wɨ̀ nyaʼa kwi əŋgu. À nyaʼa ɨgwɨ əni əkwɨ mɨ̀Jû, wɨ̀ nyaʼa wò ɨŋga nəb ə̀kàtɨ̀ ze rɨ əsɨ ze, ɨchî nɨ wɨ̀ nyaʼa mɨ̀ə̀ ghɨ̀ə̀. Wɨ̀ nyaʼa nɔ̀ʼ təm rətiə ɨ foŋ ɨŋgam Ŋwiə̀,

Lk 4:23

Wɨ̀ nyaʼa ghà əmbɨ mɨ̀mə̌d ni, “Mə kyerɨ ni mbə bɨrɨ gha ɨŋgam maʼi wɔ̂ ɨ num ni, 'Wə̀d ɨfuʼ, vɨ e ɨnyod!' Bə ghɨ̀ ɨnû mbe nɨ tɨ̀ zu ni à nyaʼa ghɨ̀ ə Kàpenàhom ɨŋga əsɨ zɔ̂ nɨ mbɨ gywɨ əwe.”

Efesùs 5:21

Mbə zuunɨ ə mbənə mbənə ɨmbə̀ʼ chwi ni mbə̀ mbɨə wumnɨ ə Kristo.

1 Pità 2:21

À yɨ ɨmbə̀ʼ ɨkwɨ ŋgəʼ wɔ̂ nɨ Ŋwiə̀ nyaʼa tɔŋ əwən ni mbə̀ yeʼ mbi bə̂d. Mbə̀ kyerɨ ni Kristo nyaʼa bə̀ zə ŋgəʼ ɨmbə̀ʼ əwən. Əne wɨ̀ nyaʼa chwi ənweenɨ ɨ nən ɨmbə̀ʼ mbə sɨə beenɨ əbɔʼ tɨkyerɨ-ɨwu ɨməd.