Lk 19:13 - Meta’

¹³ Bɔŋ wɨ̀ nyaʼə sɨə nɔ̀ʼə̀, wɨ̀ nyaʼa tɔŋ mbi bə̂d ə̀fàʼì wum, ghàpɨ̀ ɨkab gôl wum əmbɨ mɨ̀mə̌d ɨ mɔʼ mɔʼ. Wɨ̀ nyaʼa ghɨ̀ əne ghà əmbɨ mɨ̀mə̌d ni, 'Mbə̀ ghɨ ɨwin ənɨ ɨkab wɔ̂ pè ənɨ mə bəndɨ.'

Ikan feg

¹³ Bɔŋ wì ya se ghò, wì ya kàrì ìmbi bəd àfàʼì ìghum, ghàpì ikab gol ìghum inɔb. Wì ya ghàpì ane, si ghà inɔb gha, ‹Mbə̀ niŋ ikab gho̰ ghò ghì iywin angu pè ane aneg ne mə̀ biri kurə›.

Lk 19:13 ပူးပေါင်းရင်းမြစ်များ

Matìyò 25:16

Wə̀d ə̀fàʼì we nɨ nyaʼa nɨŋ ɨ̀bàm ɨkab gôl tân nyaʼa wò ghɨ̀ ɨwin, jɨg njìm ɨ̀bàm cherə tân.

Matìyò 25:20

Wə̀d ə̀fàʼì we nɨ nyaʼa nɨŋ ɨ̀bàm ɨkab gôl mbe tân, nyaʼa wò nyɨ mbɨ ɨ̀bàm cherə tân, pè ghà ɨ bɔ ni, 'Masà, à nyaʼa nàʼ ɨ̀bàm ɨkab gôl ɨ num tân. Zə, mə fə jɨg njìm ɨ̀bàm cherə tân.'

Matìyò 25:22

“Wə̀d ə̀fàʼì we nɨ nyaʼa nɨŋ ɨ̀bàm ɨkab gôl mbe be nyaʼa wò nyɨ ghà ɨ bɔ ni, 'Masà, à nyaʼa nàʼ ɨ̀bàm ɨkab gôl ɨ num ɨbe. Zə, mə fə jɨg njìm ɨ̀bàm cherə be.'

Matìyò 25:24

“Wə̀d ə̀fàʼì we nɨ nyaʼa nɨŋ ə̀bàm ɨkab ə gôl ze əmɔʼ nyaʼa wò nyɨ ghà ɨ bɔ ni, 'Masà! Mə kəʼ kyerɨ ni e fîŋ ə kà, bə̀ kyerɨ ni à wɨə kwə̀ŋ ɨghɨ rɨ əsɨ ze nɨ chəi à konɨ, bə̀ fetɨ rɨ əsɨ ze nɨ chəi à jaŋ əghɨ əŋgu.

Lk 19:12

Wɨ̀ nyaʼa ghà ni, “Kǔm kyeŋ mɔʼɔ nyaʼa wò ɨŋga əbeŋ ə mɔʼɔ əsa əgha ni mbɨ zɔʼ əməd ənɨ ɨfɔ̀n bɔŋ wɨ̀ wɨrɨ bə̀ndɨ̀.

Lk 19:14

Àyɨə bə̂d əbeŋ məd nyaʼa bàn əməd. Əne mbɨ nyaʼa chà bə̂d əbɔʼ məd ni mbɨ ghà ni, 'Chəi tɨ̀ kə̀b ni mbaŋə̀ zɔ̂ yeʼ ɨfɔ̂n ɨgwɨ na.'

Jn 12:26

Wə̀d mɔʼɔ mɨ kəb fàʼ ɨ num, wɨ̀ berɨ beenɨ əbɔʼ num, ɨmbə̀ʼ əsɨ ze nɨ mə yeʼ əŋgu, mɨ wə̀d ə̀fàʼì bɨrɨ bɨ yeʼ əŋgu. Mɨ Mbǎʼ bɨrɨ wumnɨ wə̀d mɔʼɔ we nɨə faʼ ɨ num.‍”

Gàlesìyà 1:10

Mə̀ kɨə kə̀bə̀ ni bə̂d gha ni mə bɔ̀ŋ, kɨ̀ ni Ŋwìə̀ gha ni mə bɔ̀ŋ ə? Kɨ̀ mə̀ kɨə kə̀b ghɨ ni fîŋ rɨ bə̂d bɔŋ ə? Mə mɨ yeʼə kɨrɨ kəb nɨ ghɨ ni bə̂d gha ni mə bɔ̀ŋ, njɨ ka mɔ̌ yɨ əmɨ wə̀d ə̀fàʼì Kristo.

Jems 1:1

À yɨə mɔ̌ Jems, nɨ mə̀ yeʼ wə̀d ə̀fàʼì Ŋwìə̀ mbɨ wɨ Ə̀nùŋɨ̀sɨg Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n mɨnəbɨ mɨ̀Jû mbe wum chɔ̀b rɨ̀be nɨ jaŋ ɨŋga ɨsɨg jìm. Mə chàʼrɨ̀ əwən.

2 Pità 1:1

À yɨə mɔ̌ Saimon Pità, nɨ mə yeʼ wə̀d ə̀fàʼì fɔrɨ wə̀d tom Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n mbe nɨ ə ɨbenɨ yeʼ əndəŋ əndəŋ mbɨ wa ənjìm a Ŋwìə̀ Yeso Kristo nɨə chɨ̀ə̀ bə̂d rəŋgəʼ. Məd wɨə ghɨ̀ ɨnû nɨ kùʼnɨ̀.