Lk 18:32 - Meta’

³² Mbɨ bɨrɨ yim əməd nàʼ əmbɨ bə̂d mbe nɨ kaʼi mɨ̀Jû. Bə̂d nɨ kaʼi mɨ̀Jû bɨrɨ baʼrɨ əməd, naʼ tɨ̀nìd ətu ɨ bɔ bə̀ chèd mad ənɨ məd.

Ikan feg

³² Mbi biri nàʼ aməd abə bəd ne kayi mə̀Ju. Mbi biri chəʼ aməd, zɔ̀mbɔ aməd, ched timad igun məd, te aməd bə̀ zwète aməd.

Lk 18:32 ပူးပေါင်းရင်းမြစ်များ

Matìyò 16:21

Ɨ kɔ rɨ ənɨ ə nyùmə̀ we, Yeso nyaʼa kɔ ghǎ əmbɨ mbi mə̀mə̀ə̀nɨ̀-ɨnû ni tə berɨ wò ə Jèrusalèm pè jeŋgɨ zə ŋgəʼ ɨŋga rɨkyerɨ-ɨbɔ bə̂d kyeŋ mbe rɨŋga əbeŋ, ɨŋga rɨkyerɨ-ɨbɔ bə̂d kyeŋ mbe rɨ ə mbàn Ŋwìə̀ bə̀ fɔrɨ ɨŋga rɨkyerɨ-ɨbɔ məchwiə̀ rɨ̀kə̌. Mbɨ bɨrɨ zwiirɨ əməd. À sɨ ɨgwɨ ɨni tad, Ŋwìə̀ zwemnɨ əməd.

Matìyò 20:19

Mbɨ bɨrɨ ghɨ əne, nàʼ əməd əmbɨ ə bə̂d mbe nɨ kaʼi mɨ̀Jû ni mbɨ baʼrɨ əməd, te əməd ənɨ ə ŋgwad, bə̀ kòmbɨ̀ əməd əzed ə baʼnɨ. Àyɨə ɨni nɨə pè ɨtad, Ŋwìə̀ zwemnɨ əməd.”

Matìyò 22:6

Ə̀bùʼ ə bə̂d ə nyaʼa gywɨ̀ bə̂d ə̀fàʼì mbe som kwàʼ ɨchî rɨbɔ̀ŋ, zwiirɨ.

Matìyò 26:67

Ənɨ mbɨ nyaʼa ghà əne, mbɨ nyaʼa ched mad ənɨ ɨfě məd bə̀ som əməd. Mbɨ mɔʼɔ nyaʼa bə̀ nìbrɨ̀ əməd,

Matìyò 27:2

Mbɨ nyaʼa taŋ əne, kod əməd, nɨŋ wò nàʼ əmbɨ Pailèt nɨ nyaʼə gɔmnà.

Mk 14:65

Bə̂d mɔʼɔ nyaʼa kɔ ched mad ɨgwɨ məd. Mbɨ nyaʼa bə̀ kod əghə əməd, som əməd, ghà ɨ bɔ ni, “Kaŋ wə̀d we nɨ som e!” Mənə̂ŋgɨ̀ mbàn Ŋwìə̀ nyaʼa bə̀ nɨŋ əməd som.

Mk 15:1

Ɨtuʼ nyaʼa mɨ chɨg i chɨgɨ, bə̂d kyeŋ mbe rɨ ə mbàn Ŋwìə̀ mbɨ ə bə̂d kyeŋ mbe rɨŋga əbeŋ mbɨ məchwiə̀ rɨ̀kə̌ bə̀ fɔrɨ mə̀saʼ əbeŋ mɨ̀jìm nyaʼa yim ɨfetɨ əne taŋ ənû nɨ mbɨ bɨrɨ ghɨ̀ mbɨ Yeso. Mbɨ nyaʼa taŋ əne, kod əməd, nɨŋ wò nàʼ əmbɨ Pailèt.

Lk 18:33

Mbɨ bɨrɨ te əməd ənɨ ə ŋgwad, zwiirɨ əməd. Ɨni nɨə pe tad, wɨ̀ wɨrɨ zwemə.”

Lk 23:1

Ɨnɔ̂n bə̂d we jìm nyaʼa nɨŋ ə Yeso mbɨ wò ɨfě Pailèt.

Lk 23:11

Herɔ̀d mbɨ mbi mɨ̀sɔgyɨ̀ nyaʼa tìbrɨ̀ əməd bə̀ baʼrɨ əməd. Mbɨ nyaʼa bə̀ zɨ̀ ngywɨ̌ nɨ kaŋ bɔŋ ɨgwɨ məd, wɨrɨ chà əməd əmbɨ Pailèt.

Lk 23:35

Bə̂d nyaʼa təmbɨ ɨban ɨban ɨ neŋ, àyɨə bə̂d mbe nɨ nyaʼə tekɨ ɨnû ɨŋga əbeŋ mɨ̀Jû mbɨə nyaʼə baʼrɨ əməd ghàə̀ ni, “Ɨ wɨə nyaʼə chɨ̀ə̀ bə̂d cherə rəŋgəʼ, wɨ̀ bə jwɨ̀ i rəŋgəʼ əwù ze nɨ wɨ̀ yeʼ Wə̀d we nɨ Ŋwìə̀ zɔʼɔ, mbɨ we nɨ Ŋwìə̀ chɔʼɔ!”

Jn 18:22

Ənɨ wɨ̀ nyaʼa gha ənû zɔ̂, wə̀d mɔʼɔ rəbɔʼ mbe nɨ nyaʼə nəŋgɨ ə mbàn Ŋwìə̀, nɨ nyaʼa təm ɨban ɨban, nyaʼa zwi əbɔ ɨfě ɨ bɔ biirɨ ni, “À kɨ ɨchî nɨ à berɨ wiirɨ ɨŋgam əmbɨ ətu ɨgwɨ ə bə̂d mbàn Ŋwìə̀ ə?”

Jn 18:28

Ɨtuʼ nyaʼa mɨ chɨg i chɨg ɨ, bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa nɨŋ ə Yeso rɨ əkwɨ Kaifàs wò mbɨ məd ə tɔʼ gɔmnà. Chəi mbɨ nyaʼa nyɨ ɨŋga tɔʼ ze, ɨmbə̀ʼ ɨghəm nɨ mbɨ nyaʼa kəb chub ɨzeŋɨ zeŋɨ ɨmbə̀ʼ jɨg Əchwɨ̂ ə Che-ɨgun.

Jn 18:30

Mbɨ nyaʼa wììrɨ̀ ɨ bɔ ni, “À mɨ yeʼ nɨ chəi wɨ̀ kəʼ gù ənû, njɨ chəi tɨ̀ nɨŋ əməd yeʼe naʼ ɨ ne.”

Jn 18:32

Ənû zɔ̂ ə nyaʼa ghɨ̀ ɨmbə̀ʼ ənû ze nɨ Yeso nyaʼa ghǎ de ɨchî nɨ wɨ̀ berɨ chè bɔŋ kwɨ ə jwɨ ənɨ rəsìʼ.

Jn 18:35

Pailèt nyaʼa wììrɨ̀ ni, “Mɔ̌ wa kɨə Jû ə? À yɨ mbe bə̂d mbɨ ə bə̂d kyeŋ mbe rɨ ə mbàn Ŋwìə̀ naʼ əwe ɨ num. À gu ənû ə ye ə?”

Ɨ̀fàʼì 2:23

Ŋwìə̀ nyaʼa fə bè kyerɨ i, əne wɨ̀ nyaʼa nùŋ ni mbɨ bɨrɨ gywɨ ə Yeso wɔ̂ nàʼ ɨ nən, mbə ghɨ̀ ni bə̂d nɨə ghɨ̀ ɨnû rɨbɔ̀ŋ kòmbɨ̀ əməd əzed ə baʼnɨ, zwiirɨ.

Ɨ̀fàʼì 3:13

Ŋwìə̀ Abràham, Ŋwìə̀ Aizìk mbɨ Ŋwìə̀ Jakɔ̂b, Ŋwìə̀ mba mɨ̀mbǎʼ rəŋwe nyaʼa wumnɨ i wə̀d ə̀fàʼì Yeso we nɨ mbə̀ nyaʼa yimɨ nàʼ ni mbɨ zwiirɨ. Mbə nyaʼa bə̀ ton əməd ɨfě Pailèt ənɨ wɨ̀ nyaʼa fə nuŋ ɨŋga i fîŋ ni tə bɨrɨ saŋ əməd wɨ̀ wò i.