Lk 18:31 - Meta’

³¹ Yeso nyaʼa nɨŋ mə̀mə̀ə̀nɨ̀-ɨnû mbe wum chɔ̀b rɨ̀be mbɨ tindɨ ɨban ɨban. Əne wɨ̀ nyaʼa ghà əmbɨ mɨ̀mə̌d ni, “Mbə̀ zə, tɨ̀ yɨ əni kɔʼə wò ə Jèrusalèm, əne ɨnû jìm mbe nɨ bə̂d ɨ̀kə̀n Ŋwiə̀ nyaʼa ŋwaʼnɨ ɨmbə̀ʼ Wan Wə̀d bɨrɨ jwɨ ənɨ rəsìʼ.

Ikan feg

³¹ Yeso ya kàrì bədtɔm məd mbe ìghum chɔ̀b ibe ghò iban, si ghà inɔb gha, “Tì ya anìŋ kɔ̀ʼɔ ghò a Jèrusalèm. Inug ijìm mbe ne bədkə̀n Ŋwiye ya ŋwàʼrì imbə̀ʼ Ŋwan Wə̀d biri dù.

Lk 18:31 ပူးပေါင်းရင်းမြစ်များ

Matìyò 16:21

Ɨ kɔ rɨ ənɨ ə nyùmə̀ we, Yeso nyaʼa kɔ ghǎ əmbɨ mbi mə̀mə̀ə̀nɨ̀-ɨnû ni tə berɨ wò ə Jèrusalèm pè jeŋgɨ zə ŋgəʼ ɨŋga rɨkyerɨ-ɨbɔ bə̂d kyeŋ mbe rɨŋga əbeŋ, ɨŋga rɨkyerɨ-ɨbɔ bə̂d kyeŋ mbe rɨ ə mbàn Ŋwìə̀ bə̀ fɔrɨ ɨŋga rɨkyerɨ-ɨbɔ məchwiə̀ rɨ̀kə̌. Mbɨ bɨrɨ zwiirɨ əməd. À sɨ ɨgwɨ ɨni tad, Ŋwìə̀ zwemnɨ əməd.

Matìyò 27:63

Mbɨ nyaʼa pè ghà ɨ bɔ ni, “Masà, tɨ̀ fə wɨrɨ kɔndɨ ənû ze nɨ wə̀d mɨ̀ghab we nyaʼa ghǎ ənɨ wɨ̀ nyaʼa kɨrɨ i ɨkǎ. Wɨ̀ nyaʼa ghà ni, 'Ɨni mɨ chè ɨtad, mə bɨrɨ wɨrɨ zwemə.'

Mk 8:9

À yɨə nyaʼə ɨghabɨ ə bə̂d chuʼ rɨ̀kwè nɨ nyaʼa əŋgu. Ənɨ mbɨ nyaʼa fə jɨgɨ màànɨ̀, wɨ̀ nyaʼa ghà ni mbɨ sɨ wò əwən.

Lk 10:30

Yeso nyaʼa wììrɨ̀ ɨ bɔ ni, “Mbaŋə̀ mɔʼɔ zɨə nyaʼə swiʼi rɨ ə Jèrusalèm wò ə Jerikò. Wɨ̀ nyaʼa pè feŋ ɨŋga tɨkyerɨ-ɨbɔ mɨjɨ. Mɨjɨ mbe nyaʼa fe ɨghɨ məd jìm bə̀ som əməd wɨ̀ sɨə wo kwɨ. Əne mbɨ nyaʼa saŋ əməd nòd əwən.

Lk 9:22

Wɨ̀ nyaʼa ghà ni, “Wan Wə̀d berɨ jeŋgɨ zə ŋgəʼ, bə̂d kyeŋ mbe rɨŋga əbeŋ, bə̂d kyeŋ mbe rɨ ə mbàn Ŋwìə̀ mbɨ məchwiə̀ rɨ̀kə̌ bɨrɨ ton əməd. Mbɨ bɨrɨ zwiirɨ əməd. À sɨ ɨgwɨ ɨni tad, Ŋwìə̀ zwemnɨ əməd.”

Lk 9:51

Ənɨ ɨni nyaʼa sɨə tiinə nɨ Ŋwìə̀ nyaʼa wo nɨŋ ə Yeso ɨkaŋ, wɨ̀ nyaʼa nuŋ ɨŋga i fîŋ ni tə berɨ wo ə Jèrusalèm.