Lk 18:12 - Meta’

¹² Mə wɨə chubə rɨjɨg ɨghəm be ɨŋga kàb. Mə wɨə ghàpɨ̀ ɨghɨjìm mbe nɨ mə berɨ ɨsɨ wum, nàʼ əsɨ ə fibɨ̀ ɨ ne.'

Ikan feg

¹² Mə ya chùghə njèg chàʼrà Ŋwiye aghəm abe inga ìkàb. Mə ya nàʼà aba aghi amɔʼ inga iba ìghum.›

Lk 18:12 ပူးပေါင်းရင်းမြစ်များ

Matìyò 5:20

Mə ghà ɨ nən ni kɨrɨ ənɨ ɨnû chɔ̀m mbe nɨ mbə̀ə ghɨ̀ə̀ mbɨ che mbɨ məchwiə̀ rɨ̀kə̌ bə̀ chè mbɨ mɨ̀Farisiî, njɨ chəi mbə̀ bɨrɨ nɔ nyɨ ɨŋga ənû ɨfɔ̀n rɨkaŋ.

Matìyò 6:1

“Mbə̀ we əwən ni tɨ mbə̀ ghɨ ə ɨnû mbe nɨ kuʼnɨ ɨfě bə̂d, àmei ɨmbə̀ʼ mbɨ zə əwən. Mbə mɨ ghɨ əne, njɨ chəi ə Mbǎʼ we nɨ yeʼ ɨkaŋ bɨrɨ chɔʼ ə ə̀fàʼì.

Matìyò 6:16

“Ənɨ mbə̀ chub rɨ jɨg, tɨ mbə̀ ghɨ ə ɨghabɨ ə bə̂d nɨə kə̀nə̀, ɨchî nɨ ɨbekɨ bə̂d ə ghɨ̀ə̀. Ɨ mbɨə ŋgɨ̀ndɨ̀ tə rɨfě ɨmbə̀ʼ bə̂d zə ni ɨ mbɨə chubə rɨ jɨg. Mə ghà rəsìʼ ɨ nən ni mbɨ fə berɨ ə ɨchɔʼ ə̀fàʼì.

Matìyò 6:5

“Ənɨ mbə̀ə kɔ̀ŋgɨ̀ ə Ŋwiə̀, tɨ mbə̀ ghɨ ə ɨghabɨ ɨbekɨ bə̂d. Ɨ mbɨə ghaʼə nɨ təm ɨŋga nəb tɨ ə̀kàtɨ̀ bə̀ fɔrɨ ɨban ɨnə̂njɨ̀ bɔŋ kɔŋgɨ ə Ŋwiə̀. Ɨ mbɨə ghɨ̀ əne àmei ɨmbə̀ʼ bə̂d zə mɨ̀mə̌d. Mə ghà rəsìʼ ɨ nən ni mbɨ fə berɨ ə ɨchɔʼ ə̀fàʼì.

Matìyò 9:14

Mə̀mə̀ə̀nɨ̀-ɨnû Jɔ̌n we nɨ nyaʼə nàʼ mɨnib nyaʼa wò əsɨ Yeso pè biirɨ ɨ bɔ ni, “Əton nɨ mbǎ mbɨ mɨ̀Farisiî ə chubə rɨ jɨg, àyɨə chəi mbe mə̀mə̀ə̀nɨ̀-ɨnû ə chubə rɨ jɨg kɨ ni yè ə?”

Lk 11:42

“Ŋgəʼ kyeŋ bɨrɨ nyɨ ɨgwɨ nən mbə̀nə mɨ̀Farisiî! Zɨ̀ bɨrɨ nyɨ ɨmbə̀ʼ ɨghəm nɨ mbə mbɨə ghàpə̀ tɨtiirɨ te nɨ mbɨə tɔŋ ənɨ mint bə̀ ghapɨ ə rue mbɨ tɨkwɨrɨ mbòb jìm ɨsɨ wum, əne nàʼ əsɨ ə fibɨ̀ əmbɨ ə Ŋwiə̀, àyɨə mbə mbɨə waʼ ənû nɨ ghɨ ɨnû nɨ kuʼnɨ mbɨ ənû nɨ ghaʼ ə Ŋwiə̀. Njɨ mbə ghɨ ɨnû mbɔ̂ jìm nɨ chəi mbə̀ waʼ mbɨ mɔʼɔ.

Lk 17:10

À yɨ əndəŋ əndəŋ mbɨ nən. Ənɨ mbə̀ fə ghɨ̀ ɨnû jìm mbe nɨ mbɨ gha ɨ nən, mbə̀ gha ni, 'Tɨ̀ yɨ àmei bə̂d ə̀fàʼì. Əne tɨ̀ fə ghɨ̀ yeʼ ɨnû mbe nɨ tɨ̀ berɨ nɨ ghɨ̀.'”

Rm 3:27

Əne tɨ̀ kɨə wɨrɨə goŋ ɨgɔ̂ ɨmbə̀ʼ ə ye ə? Chə wɨrɨ i ənû ə mɔʼɔ nɨ tɨ̀ rɨ goŋ ɨgɔ̂ ɨmbə̀ʼ əzɨ əwən. Əton ə kɨ ni yè ə? À kɨ ɨmbə̀ʼ ɨghəm nɨ tɨə nùŋ rɨkə ə? Chə̂! À yɨ ɨmbə̀ʼ ɨghəm nɨ tɨ̀ benɨ.

1 Kɔrèn 1:29

Wɨ̀ nyaʼa ghɨ̀ əne ɨmbə̀ʼ tɨ wə̀d mɨ̀sɔŋɨchù goŋ i ɨgɔ̂ ɨfě Ŋwiə̀.

Gàlesìyà 1:14

Mə wɨə nyaʼə wò ɨmbì ənɨ ənû ə Ŋwiə̀ mɨ̀Jû chè mɨ̀Jû nɔnɔʼ nɨ nyaʼa tum rɨ̀ghə̀m. Mə nyaʼa kàŋ jeŋgɨ zɨ̀ ətu nɨ ghɨ ɨnû mbe nɨ mba mɨ̀mbǎʼ rəŋwe nyaʼə ghɨ̀ə̀.

Efesùs 2:9

Chəi Ŋwìə̀ nyaʼa chɨ əwən rəŋgəʼ ɨmbə̀ʼ ɨchî nɨ mbə̀ nyaʼa ghɨ ənû ə mɔʼɔ, əne tɨ wə̀d mɔʼɔ goŋ i ɨgɔ̂.

1 Timotì 4:8

Ənû nɨ ghɨ ɨnû mbe nɨ bɨrɨ ghɨ ni ɨnyod kaanɨ ə bɔ̀ŋ, àyɨə ənû nɨ ghɨ mbe nɨ chwi ni à wɨə wumnɨ ə Ŋwiə̀ ə bɔ̀ŋ chè ənɨ ɨnû jìm, ɨmbə̀ʼ ɨghəm nɨ Ŋwìə̀ fə kàʼ ɨ̀tènɨ̀ rɨ mì ɨ ne tɨ̀nîn bə̀ fɔrɨ ənɨ ə nyùmə̀ we nɨ bɨrɨ yeʼe.