Lk 17:16 - Meta’

¹⁶ pè gù ɨban ɨwu Yeso, nàʼ məben-əwe ɨ bɔ. Mbaŋə̀ ze yɨə nyaʼə wə̀d rɨ ə Sàmàriyà.

Ikan feg

¹⁶ Wì ya pè gùg imbìghè abə Yeso se nàʼà məyakà ibo. Wə̀d we ya yaʼ wə̀d a Sàmarìyà.

Lk 17:16 ပူးပေါင်းရင်းမြစ်များ

Matìyò 10:5

Yeso nyaʼa tom bə̂d mbɔ̂ wum chɔ̀b rɨ̀be ghà əmbɨ mɨ̀mə̌d ni, “Tɨ mbə̀ wo əwən əkaʼ bə̂d mbe nɨ kaʼi mɨ̀Jû, kɨ̀ bè wò nyɨ ɨŋga əsɨ ə mɔʼɔ ə Sàmàriyà.

Matìyò 2:11

Mbɨ nyaʼa wò nyɨ ɨŋga nəb ze nɨ fɨtəmɨ fe kəʼ təm ɨgun, əne zə wan we nɨ nyaʼa mbɨ ɨŋgɔb məd Mèri. Mbɨ nyaʼa zə əne, chìndɨ̀ ɨtu ɨnywɨ ə si, wumnɨ əməd. Mbɨ nyaʼa bə̀ zà mbə ɨ̀bàmɨ̀, chɨ̀ ə gôl fɔrɨ ə frankɨnsèns mbɨ ə myrrh nèʼ wan we əŋgu.

Mk 5:33

Əyi we nyaʼa kyerɨ ənû ze nɨ nyaʼa ghɨ̌ ənɨ məd, əne wɨ̀ nyaʼa wò mbɨ ɨbɔɔ yènə̀ bindɨə, pè chìndɨ̀ ɨtu ɨnywɨ ɨfě Yeso, ghà rəsìʼ jìm ɨ bɔ.

Lk 17:17

Yeso nyaʼa biirɨ ni, “Ɨmbə̀ʼ à yɨə mbaŋə̀ wum nɨ mə kəʼ ghɨ̀ əpabɨ ə mì rɨ ɨgwɨ mɨ̀mə̌d ə? Mbɨ əbuə mbi ə?

Lk 5:8

Ənɨ Saimon Pità nyaʼa zə əne, wɨ̀ nyaʼa gù ə si ɨfě Yeso ghà ni, “Nɔʼ e rɨ ɨban num, kyɨ Ə̀nùŋɨ̀sɨg, ɨmbə̀ʼ ɨghəm nɨ mɔ̌ yɨə wə̀d nɨə ghɨ̀ ɨnû rɨbɔ̀ŋ.”

Jn 4:9

Əyi məSàmàriyà we nyaʼa ghà ɨ bɔ ni, “Àwɔ̀ yɨə Jû, mɔ̌ yɨ əyi Sàmàriyà. À kɨə ghàə̀ ni mə̀ naʼ mɨnib ɨ ne ɨmbə̀ʼ ə yè ə?” (Wɨ̀ nyaʼa ghà əne ɨmbə̀ʼ ɨghəm nɨ chəi mɨ̀Jû nyaʼə fɔtɨ ɨghɨ mbɨ məSàmàriyà.)

Jn 5:23

Wɨ̀ fə ghɨ̀ əne ɨmbə̀ʼ bə̂d mɨjìm wumnɨ Wan ɨchî nɨ mbɨə wumnɨ ə Mbǎʼ. Kaʼ wə̀d we nɨ chəi wɨə wumnɨ ə Wan, wɨə bə̀ wumnɨ i Mbǎʼ we nɨ nyaʼa tom Wan.

Jn 8:48

Bə̂d mbe nyaʼa biirɨ əmbɨ Yeso ni, “Tɨ̀ rɨ wa kùʼ a nɨ gha ni àwɔ̀ yɨ rɨ ə Sàmàriyà fɔrɨ ni əzwî rɨbɔ̀ŋ ə zɨ ɨŋga nè ə?”

Ɨ̀fàʼì 1:8

Àyɨə mbə bɨrɨ berɨ ɨka ənɨ Əzwî ə Zeŋɨ ə fə nyɨ ɨgwɨ nən. Əne mbə bɨrɨ sɨ yeʼ bə̂d nɨə ghà ɨnû ɨmbə̀ʼ əmɨ ɨŋga Jèrusalèm, ɨŋga ɨsɨ jìm mbe rɨ ə Jùdeyà, bə̀ fɔrɨ ɨŋga ɨsɨ jìm mbe rɨ ə Sàmàriyà, əne əne wò pè ɨnwǐ ɨsɨg.”

1 Kɔrèn 14:25

Ɨnû mbe nɨ yeʼ ənə̀mə ɨŋga fîŋ məd bɨrɨ jwɨ əsaŋ. Əne wɨ̀ bɨrɨ gundɨ ə si wumnɨ ə Ŋwiə̀ ghà ni, “À yɨ rəsìʼ ni Ŋwìə̀ wɨ mbɨ nən.”

Ɨnû 19:10

Mə nyaʼa zu əne gundɨ ə si ɨfě bɔ ɨmbə̀ʼ wumnɨ əməd, àyɨə wɨ̀ nyaʼa ghà ɨ num ni, “Tɨrə̀ ghɨ e əne! Mɔ̌ yɨə wə̀d ə̀fàʼì mbɨ ne bə̀ fɔrɨ mbɨ mbe bɔŋgɔb mbe nɨə ghà rəsìʼ ɨmbə̀ʼ ə Yeso. Wumnɨ ə Ŋwiə̀!” Mə wɨə ghà əne ɨmbə̀ʼ ɨghəm nɨ rəsìʼ ɨmbə̀ʼ ə Yeso yɨ əghɨ ze nɨə ghɨ̀ ni bə̂d ɨ̀kə̀n ghà ɨkə̂n Ŋwiə̀.

Ɨnû 4:10

bə̂d kyeŋ mbe ɨwum be chɔ̀b rɨkwè gundɨ ə si ɨfě məd we nɨ chub ɨgun ətən ɨfɔ̀n, wumnɨ əməd we nɨ ten i koŋ. Mbɨ màʼrɨ̀ tə rɨdəm mɨfɔ̀n ə si ɨfě ətən ɨfɔ̀n ze, kwerɨ ɨkyî ghà ni,

Ɨnû 5:14

Ɨghɨ mbe ɨkwè nɨ yeʼ ɨkǎ nyaʼa wììrɨ̀ ni, “À yɨ əne!” Bə̂d kyeŋ mbe nyaʼa gundɨ ə si wumnɨ ə Ŋwiə̀ bə̀ wumnɨ Wan njɨ̀g.