Lk 16:22 - Meta’

²² Wə̀d ɨkwaŋ we nyaʼa kwɨ, əne mbɨ̀aŋgɨrə̀ nyaʼa beʼ əməd wò nùŋ ɨban ə Abràham. Wə̀d mbɔ̂n we nyaʼa bə kwɨ mbɨ tweŋɨ.

Ikan feg

²² Nyùmə̀ ya kòʼ, Lazaròs, wə̀d ifum we, wì ku. Mbè angirə̀ ya yeʼe bèʼì aməd ghò a asiŋi chɔm iban Abràham. Wə̀d ikab we ya bə̀ ku, mbi twəŋi aməd.

Lk 16:22 ပူးပေါင်းရင်းမြစ်များ

Matìyò 18:10

“Mbə̀ zə ni tɨ mbə̀ təənɨ ə wan kwa mɔʼɔ rəbɔʼ mbɔ̂ nɨ ben əmɨ. Mə ghà ɨ nən ni, ɨkaŋ, mbɨ̀aŋgɨrə̀ mɨ̀mə̌d mbɨə zə ɨfě mɨ Mbǎʼ we nɨ yeʼ ɨkaŋ ənɨ mɨ̀nyùmə̀ jìm.

Matìyò 24:31

Tàŋ mɨ ghàm rɨ̀kǎ, wɨ̀ tom mbi mbɨ̀aŋgɨrə̀ ɨba ɨsɨg mbe kwè ni mbɨ fetɨ mbi bə̂d mbe nɨ wɨ̀ chɔʼɔ, kɔ rɨ ənɨ ɨbu ɨsɨg fibɨ̀ wò pè ənɨ wɨ cherə.

Matìyò 8:11

Mə ghà ɨ nən ni bə̂d mɨ̀nɔnɔʼ bɨrɨ yeʼe rɨ əbà ze nɨ nyùmə̀ ə jwɨ̀ rəŋgu bə̀ yeʼe rɨ əbà ze nɨ nyùmə̀ ə nyɨ ɨkòb, pè chub ɨgun ə tebrə̀ ɨŋga ənû ɨfɔ̀n rɨkaŋ ɨ jɨg mbɨ Abràham mbɨ Aizìk fɔrɨ ə Jakɔ̂b.

Mk 8:36

Njìm ze nɨ wə̀d bɨrɨ jɨg kɨə ye əwù ze nɨ wɨ̀ berɨ ɨsɨg wɔ̂ jìm əne sam i ɨ̀tènɨ̀ ə?

Lk 12:20

Àyɨə Ŋwiə̀ nyaʼa ghà ɨ bɔ ni, 'Àwɔ̀ yɨ əneŋ! Mə bɨrɨ nɨŋ e ɨ̀tènɨ̀ ɨzimɨ wɔ̂. Əne à kɨə we bɨrɨ berɨ ɨghɨjìm mbe nɨ à tekɨ nùŋ ə?'

Lk 16:21

Ɨ wɨə nyaʼə kə̀bə̀ ni njɨ tə jɨg ɨghɨ mbe nɨə feŋgɨ rɨ ɨgun ə tebrə̀ wə̀d mbɔ̂n we. Bu rɨ nyaʼə wò nerə mɨchɔʼɔ məd mbe.

Jn 1:18

Chəi wə̀d mɔʼɔ kweʼ zə ə Ŋwiə̀. Àmei Wan we mɔʼ, nɨ yeʼ ɨban ə fîŋ Ŋwìə̀, nɨ fə ghɨ̌ ni bə̂d kyerɨ əməd.

Jn 13:23

Ə̀mə̀ə̀nɨ̀-ɨnû Yeso mɔʼɔ, nɨ yeʼ we nɨ wɨ̀ nyaʼa ghaʼi, nyaʼa chub ɨban məd.

Jn 21:20

Pità nyaʼa bèŋ zə ə̀mə̀ə̀nɨ̀-ɨnû we nɨ Yeso nyaʼa ghaʼi, nɨ nyaʼə beenɨ əbɔʼ mɨ̀mə̌d. Ə̀mə̀ə̀nɨ̀-ɨnû wɔ̂ yɨ we nɨ nyaʼa tiinɨ ɨban ə Yeso ənɨ mbɨ nyaʼə jɨgə əne biirɨ ɨ bɔ ni, “Ə̀nùŋɨ̀sɨg, à kɨə we nɨ bɨrɨ fen əwe ə?”

Mə̀Hibrù 1:14

Ɨmbə̀ʼ mbɨ̀aŋgɨrə̀ mɨ̀jìm yɨ ɨzwî nɨə fàʼə̀, nɨ Ŋwìə̀ nyaʼa tom ni mbɨ weerɨ bə̂d mbe nɨ bɨrɨ jwɨ̀ rəŋgəʼ ə?

Mə̀Hibrù 2:14

Əne ɨchî nɨ bɔn mbe berɨ nyamnyod mbɨ ənəm, məd ziə nyaʼa bə̀ yeʼ wə̀d mɨ̀sɔŋɨchù, ɨmbə̀ʼ ənjìm ɨvɨ məd, wɨ̀ bɨrɨ nimnɨ əməd we nɨ berɨ ɨka ɨgwɨ ɨvɨ, əne yɨə Debɨ̀rə̀.

Jems 1:11

Nyùmə̀ wɨə teə mbɨ əzuʼ ə ka ka. Əzuʼ ze ə zɨə ghɨ̀ ni ɨghɨ nəŋə. Ɨghɨ mbe nɨə nəŋə, tɨ̀kwě feŋgɨ. Tɨ̀kwě te nɨ nyaʼa kaŋ bɔ̀ŋ fə wɨrɨ bèŋ bə i. À yɨə bə̀ əndəŋ əndəŋ ni wə̀d mbɔ̂n bɨrɨ nim ɨchî nɨ wɨə beenɨ əbɔʼ mbi ɨnû.

1 Pità 2:24

Kristo ziə nyaʼa beʼ mba ɨnû rɨbɔ̀ŋ ɨŋga i ɨnyod ənɨ wɨ̀ nyaʼa əzed ə baʼnɨ. Wɨ̀ nyaʼa ghɨ əne ɨmbə̀ʼ tɨ rɨ̀ wɨrɨ ghɨ a ɨnû rɨbɔ̀ŋ. Tɨ̀ sɨə chub àmei ɨchî nɨ kuʼnɨ. Ɨna mbe nɨ nyaʼa ɨgwɨ məd fə ghɨ mbə bɔtɨ.

Ɨnû 14:13

Ŋwìə̀ zɨ əbɔrəbɔd ɨgun ə bə̂d mbe nɨ kwɨ ənɨ mbɨ yeʼ ənɨ ɨfɔtɨ mbɨ Ə̀nùŋɨ̀sɨg! Əzwî ə ghà ni, “Ee, à yɨə kàŋ əne. Mbɨ bɨrɨ zwiirɨ tɨ ənɨ ɨ̀fàʼì mbe nɨ mbɨə fàʼə̀, ɨmbə̀ʼ ɨghəm nɨ ɨnû mbe nɨ mbɨ fə ghɨ̌ bɨrɨ beenɨ əbɔʼ mɨ̀mə̌d!”