Lk 13:34 - Meta’

³⁴ “Wəi! Jèrusalèm, Jèrusalèm! À wɨə zwiirɨə bə̂d ɨ̀kə̀n Ŋwiə̀ bə̀ tumbɨə mbe nɨ Ŋwìə̀ tom əsɨ nən ənɨ əti! À kɨ ɨghəm səʼə nɨ mə̀ fə kweʼ kə̀b ni njɨ mə fetɨ mbe bɔn ɨchî nɨ ɨŋgɔŋgub ə fetɨ mbi bɔn əton ti rɨbabɨ̀, àyɨə chəi à ben nɨ mə̀ ghɨ əne!

Ikan feg

³⁴ Wəyì! Jèrusalèm, Jèrusalèm, àghò ni zweti bədkə̀n Ŋwiye bə̀ tùmbi bəd mbe ne Ŋwiye cha ine ane ateg, zwèti. Mə fə kirə ika aghəm ndan ndàn ni feti ìmbe bəd icheg ne ngɔb ngub we fète ìmbi bɔn aton ìti tibabrì, chəyi àghò bḛ.

Lk 13:34 ပူးပေါင်းရင်းမြစ်များ

Matìyò 22:3

Wɨ̀ nyaʼa tom mbi bə̂d ə̀fàʼì ni mbɨ wo tɔŋ bə̂d mbe nɨ wɨ̀ kəʼ won ənɨ ɨnamɨ we. Bə̂d ə̀fàʼì mbe nyaʼa wò tɔŋə, àyɨə chəi mbɨ nyaʼa yeʼe.

Matìyò 22:6

Ə̀bùʼ ə bə̂d ə nyaʼa gywɨ̀ bə̂d ə̀fàʼì mbe som kwàʼ ɨchî rɨbɔ̀ŋ, zwiirɨ.

Lk 15:28

Aŋgɔb kyeŋ we nyaʼa sə ɨtəm, əne ton ni chəi tə bɨrɨ nyɨ ə nəb. Mbǎʼ məd nyaʼa jwɨ̀ wò buʼ ɨbɔ ɨ bɔ,

Lk 19:44

Mbɨ bɨrɨ tum əwe ə si, àwɔ̀ mbɨ mbe bɔn mbe nɨ yeʼ ɨŋga e ɨkam, əne zwiirɨ əwən. Chəi mbɨ bɨrɨ saŋ ɨti ɨgwɨ wɨ cherə, ɨmbə̀ʼ ɨghəm nɨ chəi à nyaʼa kyerɨ nyùmə̀ we nɨ Ŋwìə̀ nyaʼa yeʼe ɨmbə̀ʼ weerɨ əwe.”

Lk 23:28

Àyɨə Yeso nyaʼa bèŋ nèŋ mɨ̀mə̌d ghà ni, “Bɔn məyi rɨ ə Jèrusalèm, tɨ mbə̀ chweŋ ə mɨsɨ ɨmbə̀ʼ əmɨ, mbə̀ chweŋ mɨsɨ yeʼ ɨmbə̀ʼ ə ɨnyod fɔrɨ ɨmbə̀ʼ mbə bɔn.

Ɨ̀fàʼì 7:52

À kɨə wə̀d ɨ̀kə̀n Ŋwìə̀ wi nɨ chəi mbə mɨ̀mbǎʼ rəŋwe nyaʼa nwendɨ tɨkyerɨ-ɨwu məd ə? Mbɨ nyaʼa zwiirɨ bə̂d mbe nɨ nyaʼa be ghà ni Wə̀d we nɨə ghɨ̀ ɨnû nɨ kùʼnɨ̀ bɨrɨ yeʼe. Tɨ̀nîn mbə fə fèn əməd mbɨ zwiirɨ.

Ɨ̀fàʼì 7:59

Ənɨ mbɨ nyaʼə tumbɨ ə Stɨfɨ̀n əne, wɨ̀ nyaʼa kɔ̀ŋgɨ̀ ə Ŋwiə̀ ghà ni, “Ə̀nùŋɨ̀sɨg Yeso, nɨŋ mɨ əzwî!”

Ɨ̀fàʼì 8:1

Sɔ̂l nyaʼa ben ni mbɨ zwiirɨ ə Stɨfɨ̀n. Àmei əni ze nɨ mbɨ nyaʼa zwiirɨ ə Stɨfɨ̀n, mbɨ nyaʼa kɔ nwèndɨ̀ tɨkyerɨ-ɨwu bə̂d Kristo ə Jèrusalèm kwàʼ ənɨ ɨkǎ. Bə̂d Kristo mbe mɨjìm nyaʼa jàŋ wò ɨŋga ɨba ɨbeŋ mbe rɨ ə Jùdeyà fɔrɨ ə Sàmàriyà. Àmei bə̂d tom nyaʼa ten ə Jèrusalèm.

Ɨnû 11:8

Ɨvɨ mɨ̀mə̌d bɨrɨ nokɨ ɨgun ɨnə̂njɨ̀ ɨŋga əbeŋ ə kyeŋ ze nɨ mbɨ nyaʼa kombɨ Ə̀nùŋɨ̀sɨg mɨ̀mə̌d əzed ə baʼnɨ. Bə̂d mbɨə tɔŋ əsɨ ze ənɨ ɨnə̂njɨ̀ cherə ni Sodòm fɔrɨ ə Ɨjìpt.