Lk 12:37 - Meta’

³⁷ Ŋwìə̀ zɨ əbɔrəbɔd ɨgun ə bə̂d ə̀fàʼì mbe nɨ ənɨ mbǎʼ ə̀fàʼì mɨ̀mə̌d yeʼe, wɨ̀ pè zə mɨ̀mə̌d ɨkyèʼe. Mə ghà rəsìʼ ɨ nən ni wɨ̀ bɨrɨ zɨ i ngywɨ̌ ə̀fàʼì, ghà ni mbɨ chub ə si, əne nàʼ ɨghɨjɨg əmbɨ mɨ̀mə̌d.

Ikan feg

³⁷ Ŋwiye biri zì àbɔrɔ̀bɔd igun bəd àfàʼì mbe ne ìwɔb mbaʼ àfàʼì kùrə pè kɔ̀ti awɔb ikyèʼi. Mə gha tesiʼ inən gha, ìwɔb mbaʼ àfàʼì biri zì ndwi àfàʼì, ghà inɔb gha mbe chughi aseg, wì si nàʼ tijəg inɔb.

Lk 12:37 ပူးပေါင်းရင်းမြစ်များ

Matìyò 24:42

Əne mbə̀ chub ɨkyèʼe, ɨmbə̀ʼ ɨghəm nɨ chəi mbə̀ kyerɨ əni ze nɨ ə Ə̀nùŋɨ̀sɨg bɨrɨ wɨrɨ yeʼe.

Lk 12:36

əne chub ɨghabɨ ə bə̂d nɨə wòmə̀ ni ə mbǎʼ ə̀fàʼì yeʼe tɨ ənɨ əchwɨ̂ ɨnamɨ, ɨmbə̀ʼ wɨ̀ mɨ pè goŋgɨ ɨchû nəb, mbə fiʼ ɨ bɔ əwu əwən.

Lk 12:43

Ŋwìə̀ zɨ əbɔrəbɔd ɨgun ə wə̀d ə̀fàʼì we nɨ ənɨ mbǎʼ ə̀fàʼì məd bəndɨ, wɨ̀ pè zə əməd ənɨ wɨə fàʼə̀.

Lk 17:8

Ka wɨ̀ wa bɨrɨ ghà i ɨ bɔ yeʼ ni, 'Tekɨ mbɨ ɨghɨjɨg rɨ ɨkwirɨ, bə̀ tekɨ e ɨnyod yeʼe nàʼ ɨghɨjɨg mbe ɨ num pè ənɨ mə fə jɨg bə̀ nɔ. Mə nɨə fə jɨg bə nɔ, à sɨ bə̀ wò jɨg e bə̀ nɔ e ə?'

Lk 21:36

Mbə̀ chub ɨkyèʼe ənɨ mɨ̀nyùmə̀ jìm, kɔŋgɨ ə Ŋwiə̀ ni mbə̀ berɨ ɨka nɨ nod ɨnû jìm mbe nɨ bɨrɨ ghɨ̀. Mbə̀ bə̀ kɔŋgɨ ni mbə mbe tɨ̀ mbə təm ɨfě Wan Wə̀d.”

Lk 22:27

We nɨ yeʼ wɨ kyeŋ kɨ wi ə? À kɨ we nɨ chubɨ jɨg, kɨ̀ we nɨə nàʼ ɨghɨjɨg ə? Kaʼ à wa kɨ i we nɨ chubɨ jɨg ə? Mə wɨ əkaʼ nən ɨghabɨ ə wə̀d ə̀fàʼì.

Jn 12:26

Wə̀d mɔʼɔ mɨ kəb fàʼ ɨ num, wɨ̀ berɨ beenɨ əbɔʼ num, ɨmbə̀ʼ əsɨ ze nɨ mə yeʼ əŋgu, mɨ wə̀d ə̀fàʼì bɨrɨ bɨ yeʼ əŋgu. Mɨ Mbǎʼ bɨrɨ wumnɨ wə̀d mɔʼɔ we nɨə faʼ ɨ num.‍”

1 Kɔrèn 2:9

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ənû ze nɨ chəi ɨghə kweʼ zə, kɨ̀ ə̀tǒŋ ə kweʼ zu, kɨ̀ nɨ wə̀d kweʼ kɔndɨ ɨŋga i fîŋ, yɨ əze nɨ Ŋwìə̀ fə tekɨ nùŋ əmbɨ ə bə̂d mbe nɨ ghaʼ əməd.”

Fìlipì 1:21

ɨmbə̀ʼ ɨghəm nɨ mə mɨ yeʼ ɨkǎ, à yɨ ɨmbə̀ʼ wumnɨ ə Kristo mə mɨ kwɨ, əze ə bɔŋɨ chè.

Fìlipì 1:23

Ɨnû mbɔ̂ be mbɨ ɨgwɨ num. Zɨə kàŋ se nɨ chɔʼ əzɨ ə fibɨ̀. Ənû nɨ mə̀ kaŋ kə̀b yɨ ni mə̀ saŋ ɨsɨg wɔ̂ wò chubɨ mbɨ Kristo. Əze yɨ ənû nɨ bɔŋ chè.

2 Pità 1:11

Əne Ŋwìə̀ bɨrɨ naʼ ɨka jìm ɨ nən nɨ nyɨ ɨŋga ənû ɨfɔ̀n rɨ mì a Ə̀nùŋɨ̀sɨg Yeso Kristo we nɨə chɨ̀ əwa rəŋgəʼ.

2 Pità 3:14

Əne kyɨə bɔŋgɔb nɨ mə̀ ghaʼi kwàʼ rɨŋgəʼ, ɨchî nɨ mbɨə wòm ɨnû mbɔ̂, mbə̀ kywɨ ənywɨ zə ni mbə̀ chub ɨzeŋɨ zeŋɨ ɨmbə̀ʼ tɨ Ŋwìə̀ zə i ɨgu ənû mɔʼɔ ɨgwɨ nən. Mbə̀ bə zə ni mbə̀ chub ənɨ əbɔrəbɔd mbɨ ə Ŋwiə̀.

Ɨnû 14:13

Ŋwìə̀ zɨ əbɔrəbɔd ɨgun ə bə̂d mbe nɨ kwɨ ənɨ mbɨ yeʼ ənɨ ɨfɔtɨ mbɨ Ə̀nùŋɨ̀sɨg! Əzwî ə ghà ni, “Ee, à yɨə kàŋ əne. Mbɨ bɨrɨ zwiirɨ tɨ ənɨ ɨ̀fàʼì mbe nɨ mbɨə fàʼə̀, ɨmbə̀ʼ ɨghəm nɨ ɨnû mbe nɨ mbɨ fə ghɨ̌ bɨrɨ beenɨ əbɔʼ mɨ̀mə̌d!”

Ɨnû 16:15

Ə̀nùŋɨ̀sɨg Yeso ə ghà ni, “Mbə̀ zə, mə bɨrɨ yeʼe ɨghabɨ ɨjɨ! Ŋwìə̀ zɨ əbɔrəbɔd ɨgun ə wə̀d we nɨ chub ɨkyèʼe bə̀ tekɨ ti ngywɨ̌ nùŋ ɨmbə̀ʼ tɨ wɨ̀ yen i tɨ̀sɔ̀ʼ ɨkyerɨ, ətu əməd ə bə̀ nìd ɨmbə̀ʼ ɨchî nɨ bə̂d ə nèŋ əməd!”

Ɨnû 3:21

Mə bɨrɨ ben ni wə̀d we nɨ baŋ ɨnû rɨbɔ̀ŋ chub ɨgun ətən ɨfɔ̀n ɨban num, àmei ɨchî nɨ mə̀ nyaʼa bə baŋ mbɨ bə̂d pə̀n əne chub ɨban mɨ Mbǎʼ ɨgun ətən ɨfɔ̀n əməd.

Ɨnû 7:17

ɨmbə̀ʼ ɨghəm nɨ Wan njɨ̀g we nɨ təm ɨŋga mɨgharə̀ ətən ɨfɔ̀n ze bɨrɨ nəŋgɨ mɨ̀mə̌d ɨghabɨ ənə̂ŋgɨ̀-njɨ̀g; wɨ̀ bɨrɨ kə̀ŋ mɨ̀mə̌d wò ənɨ mɨ̀jwɨ̀-əmboŋ mɨnib nɨə nàʼ ɨ̀tènɨ̀. Ŋwìə̀ bɨrɨ fu mɨsɨ jìm tɨ ənɨ əghə mɨ̀mə̌d.”