Lk 11:41 - Meta’

⁴¹ Àyɨə mbə̀ naʼ ɨghɨ mbe nɨ yeʼ ɨŋga toʼ bə̀ nàʼ mbe nɨ yeʼ ɨŋga ɨkaŋ əmbɨ ə bə̂d ɨkwaŋ, əne ɨghɨjìm bɨrɨ zeŋ ɨ nən.

Ikan feg

⁴¹ Ane, mbə̀ naʼa ighi ijìm ne yaʼi inga ìtən itoʼ fɔrɔ inga ìmbən ikaŋ abə bəd ne chəyi àzɔb. Mbə̰ mə̀ ghì ane, ìmbən ighi ijìm biri si zen icheg ne mə̀nɔ̀ʼɔ̀ chwi.

Lk 11:41 ပူးပေါင်းရင်းမြစ်များ

Matìyò 26:11

Bə̂d ɨkwaŋ mbɨ əkaʼ nən ɨghəm jìm, àyɨə chəi əmɨ mbɨ nən ɨghəm jìm.

Matìyò 5:42

Wə̀d mɔʼɔ mɨ nɔn əghɨ rɨ ne, naʼ ɨ bɔ. Wə̀d mɔʼɔ mɨ kə̀b chɔʼ əghɨ rɨ ne, tɨrə̀ ton e.

Mk 7:19

Əne yɨ ɨmbə̀ʼ ɨghəm nɨ kaʼ ə zɨə nyɨ i ɨŋga fîŋ. Ə zɨə nyɨə yeʼ ɨŋga fɨbum, əne chèə̀ jwɨ̀ə̀.” (Ɨchî nɨ wɨ̀ nyaʼa ghà ənû zɔ̂, əne wɨ̀ fə sob ni ɨghɨjɨg jìm ə kùʼ nɨ tɨ̀ bə̂d jɨg.)

Lk 12:33

Mbə̀ fendɨ mbə ɨghɨ, nàʼ ɨkab we əmbɨ ə bə̂d ɨkwaŋ. Mbə berɨ tɨtagɨ nɨ ka tɨ bɨrɨ nun i. Mbə̀ bə̀ nùŋ ə mbɔ̂n ɨkaŋ əsɨ ze nɨ chəi zɨ̀ bɨrɨ mì, nɨ chəi ənɨ tɨ̀ ɨjɨ tindɨ ɨban bə̀ fɔrɨ ənɨ chəi ənɨ tɨ̀ ɨsəʼɨ chə̀kɨ̀.

Lk 16:9

Yeso nyaʼa wò ɨmbì ghà ni, “Mə ghà ɨ nən ni mbə̀ nɨŋ mbɔ̂n ze nɨ mbə̀ berɨ ɨchî rɨbɔ̀ŋ ghɨ̀ mbə mɨ̀sə̀ʼ əŋgu, ɨmbə̀ʼ ənɨ mbɔ̂n ze mi i, mbɨ nɨŋ əwən ɨŋga ɨkwɨ mbe nɨ tən i koŋ.

Lk 18:22

Ənɨ Yeso nyaʼa zu ənû zɔ̂, wɨ̀ nyaʼa ghà ɨ bɔ ni, “À kɨrɨ kwaŋ əghɨ ə mɔʼɔ. Ndə̀ wo fèndɨ̀ ɨghɨjìm mbe nɨ à berɨ, ghàpɨ̀ ɨkab we əmbɨ ə bə̂d ɨkwaŋ, əne à bɨrɨ berɨ mbɔ̂n ɨkaŋ. À mɨ ghɨ̀ əne, à yeʼe beenɨ əbɔʼ num.”

Lk 19:8

Sàkiò nyaʼa nɔ̀ʼ təm rətiə ghà əmbɨ Ə̀nùŋɨ̀sɨg ni, “Masà, zə, mə bɨrɨ naʼ əba rɨ ənɨ mbɨ ɨghɨ əmbɨ ə bə̂d ɨkwaŋ. Mə mɨ fə fɨ̀g wə̀d mɔʼɔ, mə bɨrɨ wì ɨghəm kwè.”

Ɨ̀fàʼì 10:15

Gɨ̂ ze nyaʼa wɨrɨ ghà ɨ bɔ ənɨ ɨghəm nɨ pè be ni, “Tɨrə̀ tɔŋ e əghɨ ze nɨ Ŋwiə̀ fə zeŋnɨ ni à yɨ əghɨ ni rɨka zeŋ i.”

Ɨ̀fàʼì 11:29

Əne bə̂d Kristo mbe rɨ ə Antiɔ̀k nyaʼa ben ni wə̀d mɔʼ mɔʼ rəbɔʼ nən cha əghɨ ze nɨ tɨ̀ wɨ̀ chà, ɨmbə̀ʼ weerɨ bɔŋgɔb mbe nɨ nyaʼə chub ə Jèrusalèm.

Ɨ̀fàʼì 24:17

“Ənɨ ɨghəm ɨwu nyaʼa fə chè nɔnɔʼ, mə nyaʼa wɨrɨ wò ə Jèrusalèm ɨmbə̀ʼ naʼ ɨkab əmbɨ ə bə̂d ɨkwaŋ mbe nɨ yeʼ ɨŋga mɨ əbeŋ bə̀ nàʼ ɨghɨ ə̀fà əmbɨ ə Ŋwiə̀.

2 Kɔrèn 8:12

ɨmbə̀ʼ ɨghəm nɨ wə̀d mɨ berɨ fîŋ chɔ̀m nɨ wèèrɨ̀, Ŋwìə̀ bɨrɨ nɨŋ əghɨ ze nɨ wɨ̀ naʼa ɨchî nɨ wɨ̀ berɨ ɨghɨ, kaʼi ɨchî nɨ chəi wɨ̀ berɨ ɨghɨ.

Efesùs 4:28

Tɨ wə̀d we nɨə jɨə rəbə jɨ i. Wɨ̀ kɔ faʼ ənɨ mbi ɨbɔ, berɨ ɨghɨ ɨchî nɨ kuʼnɨ, ɨmbə̀ʼ bɨ weerɨ bə̂d ɨkwaŋ.

Tayitùs 1:15

Ɨnû jìm ə zeŋ əmbɨ ə bə̂d mbe nɨ fîŋ tɨ mɨ̀mə̌d zeŋɨ, àyɨə chəi mbɨ zeŋɨ əmbɨ ə bə̂d mbe nɨ chəi fîŋ tɨ mɨ̀mə̌d bə zeŋ. Chəi mbɨ bə zeŋ əmbɨ mbe nɨ chəi mbɨ nuŋ fîŋ ɨgun ə Kristo, ɨmbə̀ʼ ɨghəm nɨ ɨbə fə nyɨ ɨŋga tɨkɔndɨ tɨ mɨ̀mə̌d bə̀ nyɨ ɨŋga fîŋ tɨ mɨ̀mə̌d.

Mə̀Hibrù 13:16

Tɨ̀ mbə̀ waʼ ə ənû nɨ ghɨ ɨ̀chɔ̀m. Tɨ mbə̀ bɨ waʼ ə ənû nɨ ghapɨ ɨghɨ mbe nɨ mbə̀ berɨ, ɨmbə̀ʼ ɨghəm nɨ tɨkwɨrɨ ɨghɨ ə̀fà tɔ̂ ə bɔ̀ŋ əmbɨ ə Ŋwiə̀.

Mə̀Hibrù 6:10

Ŋwìə̀ wɨə ghɨ̀ àmei ɨnû nɨ kuʼnɨ. Kaʼ məd bɨrɨ neb i ɨnû mbe nɨ mbə̀ fə ghɨ. Kaʼ məd bɨrɨ bɨ neb i ɨghaʼi we nɨ mbɨə chwi ɨ bɔ ənɨ mbə̀ nyaʼə weerɨ bə̂d məd bə̀ kɨrɨ wò ɨmbì wèèrɨ̀ə̀.

Jems 1:27

Ənû ə Ŋwìə̀ ze nɨ Ŋwiə̀ Mbǎʼ ben ni zɨə zeŋ, nɨ chəi ənû rɨbɔ̀ŋ ɨŋga, yɨ nɨ nəŋgɨ mɨchɨ bə̀ fɔrɨ nɨ nəŋgɨ mɨku əyi mbe nɨə zəə ŋgəʼ. À yɨə bə ni tɨ wə̀d ben i ɨnû rɨŋga ɨsɨg chəkɨ i əməd.