Lk 11:29 - Meta’

²⁹ Ənɨ mɨnɔ̂n bə̂d mbe nyaʼə sɨə nɔʼrɨə wò ɨmbì, Yeso nyaʼa kɔ ghǎ ni, “Ɨghəm bə̂d wɔ̂ rɨ̀nîn wɨə ghɨ̀ ɨnû rɨbɔ̀ŋ. Ɨ wɨə kə̀bə̀ ni mə̀ ghɨ ənû ə yiirɨ, àyɨə chəi ənû ə yiirɨ nɨ mə̀ bɨrɨ ghɨ̀ chè rɨ ənɨ ənû ə yiirɨ ze nɨ nyaʼa ghɨ ənɨ ə Jonà.

Ikan feg

²⁹ Icheg ne inɔ̰ bəd we yaya yètè, Yeso ya chè imbìghè ni gha, “Aŋa ya ikəri bəd tibɔ̀ŋ. Mbi ya kə̀bə̀ ni bàd ayeti anug. Ane, chəyi aneni ndəŋ ne mə̀ biri chwi inɔb chèyi ane ayeti anug ne ya du abə Jonà.

Lk 11:29 ပူးပေါင်းရင်းမြစ်များ

Matìyò 3:7

Àyɨə ənɨ wɨ̀ nyaʼa zə mɨ̀Farisiî nɔnɔʼ mbɨ mɨ̀Sadusiî nɔnɔʼ nɨ nyaʼə yeʼe ni wɨ̀ naʼ mɨnib əmbɨ mɨ̀mə̌d, wɨ̀ nyaʼa ghà əmbɨ mɨ̀mə̌d ni, “Mbə yɨə jɔ tɨ rɨbɔ̀ŋ! À kɨə we patɨ əwən ni mbə̀ norə tɨ ənɨ ə ŋgəʼ ze nɨə yeʼe ə?

Mk 8:38

Ətu ə wə̀d mɔʼɔ mɨ yeʼə nìd ɨmbə̀ʼ əmɨ fɔrɨ ɨmbə̀ʼ mɨ ɨŋgam ɨŋga ɨghəm bə̂d wɔ̂ nɨ chəi wɨə wumnɨ ə Ŋwiə̀, nɨ wɨə bə̀ ghɨ̀ yeʼ ɨnû rɨbɔ̀ŋ, njɨ ətu ə Wan Wə̀d ə bɨrɨ bɨ nìd ɨmbə̀ʼ əməd ənɨ ə nyùmə̀ we nɨ wɨ̀ wɨrɨ yeʼe mbɨ mbi mbɨ̀aŋgɨrə̀ zeŋɨ mbɨ ɨka we nɨ Mbǎʼ naʼ ɨ bɔ ni wɨ̀ tumbɨ ɨsɨg.”

Lk 11:16

Mbɨ mɔʼɔ nyaʼa kəb ni njɨ mbə kwàʼnɨ̀ əməd, əne mbɨ nyaʼa ghà ni wɨ̀ ghɨ ənû ə yiirɨ nɨ chwi ni à yɨə Ŋwìə̀ naʼ ɨka ɨ bɔ.

Lk 11:50

Əne mbɨ bɨrɨ biirɨ ənəm ə bə̂d ɨ̀kə̀n Ŋwiə̀ mɨ̀jìm mbe nɨ mbɨ nyaʼa zwiirɨ tɨ ənɨ ɨsɨg nyaʼa kɔ tɨ əmbɨ ɨghəm bə̂d wɔ̂ rɨ̀nîn.

Lk 12:1

À nyaʼa ənɨ ə nyùmə̀ we, ɨnɔ̂n bə̂d chuʼ mbɨ ə chuʼ nyaʼa wò fetɨ. Mbɨ nyaʼa fetɨ əne, mbɨ mɔʼɔ sɨə tə̀ʼrɨ̀ə̀ mbɨ cherə. Yeso nyaʼa bè kɔ ghǎ əmbɨ mbi mə̀mə̀ə̀nɨ̀-ɨnû ni, “Mbə̀ we əwən ɨmbə̀ʼ ɨfuʼ mɨ̀Farisiî we nɨə ghɨ̀ ni ŋgə̀ŋ kɔʼ. Əne yɨ mə̀ gha ni mbə̀ we ɨmbə̀ʼ ɨbekɨ ɨnû mɨ̀mə̌d.

Lk 9:41

Yeso nyaʼa wììrɨ̀ ni, “Chəi ɨghəm bə̂d wɔ̂ tɨ̀nîn berɨ ɨbenɨ. Ɨ mbɨə ghɨ̀ ɨnû nɨ chəi mbɨ kuʼnɨ. Mə kɨə wo chubɨ mbɨ nən, kɨ̀ bè yim fîŋ mbɨ nən ənɨ əgha nɨ sa rɨ ye ə?” Ənɨ wɨ̀ nyaʼa ghɨ̀ əne, wɨ̀ nyaʼa ghà əmbɨ mbaŋə̀ ze ni, “Nɨŋ e wan yeʼe əgha.”

Jn 2:18

Ənɨ wɨ̀ nyaʼa ghɨ̀ əne, bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa biirɨ ɨ bɔ ni, “Ənû ə yiirɨ ze nɨ tɨ̀ à ghɨ̀ ɨ chwi ɨ na ni à berɨ ɨka nɨ ghɨ ənû zɔ̂ kɨ əzi ə?”

Jn 6:30

Ənɨ wɨ̀ nyaʼa gha əne, mbɨ nyaʼa biirɨ ɨ bɔ ni, “À kɨ ənû ə yiirɨ zi nɨ tɨ̀ à ghɨ̀ ɨmbə̀ʼ tɨ̀ zə ben ənû ze nɨ àwɔ̀ ə ghà ə? À kɨ ənû zi nɨ à bɨrɨ ghɨ̀ ə?

Jn 8:44

Mbə yɨə bɔn Debɨ̀rə̀ we nɨ yeʼ ə mbǎʼ. Mbə mbɨə kə̀b ghɨ àmei ɨnû mbe nɨ ə mbǎʼ kəbɨ. Məd yɨə nyaʼə ə̀zwììrɨ̀-bə̂d tɨ ənɨ ɨsɨg nyaʼa kɔ. Chəi wɨ̀ berɨ ənû ə mɔʼɔ nɨ ghɨ̀ mbɨ rəsìʼ, ɨmbə̀ʼ ɨghəm nɨ chəi məd ə ghà rəsìʼ. Ənɨ wɨ̀ gha mɨghab, ɨ wɨə ghɨ̀ àmei ənû ze nɨ yeʼ ɨŋga fîŋ məd, ɨmbə̀ʼ ɨghəm nɨ məd yɨə wə̀d mɨghab fɔrɨ mbǎʼ mɨghab.

1 Kɔrèn 1:22

Mɨ̀Jû mbɨə kə̀b zə ɨnû yiirɨ nɨ chwi ni ənû ze nɨ tɨə ghàə̀ yɨ ənû rəsìʼ. Bə̂d mbe nɨ kaʼi mɨ̀Jû mbɨə kəbə ni tɨ̀ gha ɨnû mbe nɨ berɨ ɨwe ɨŋga,