Kòlosè 4:8 - Meta’

⁸ Mə fə tom əməd ɨ nən ɨmbə̀ʼ ənû zɔ̂, ni mbə̀ kyerɨ ɨchî nɨ tɨ yeʼe. Mə bə̀ tom əməd ni wɨ̀ timbɨ əwən.

Ikan feg

⁸ Aton ne mə̀ tɔmi aməd inən ya gha wì biri ghì mbə kyeri icheg ne tì yaʼi, bə̀ nə̀ri ìtən fìŋ.

Kòlosè 4:8 ပူးပေါင်းရင်းမြစ်များ

1 Kɔrèn 4:17

Əzɔ̂ yɨ əton nɨ mɨə tom ə Timotì əsɨ nən. Məd yɨ mɨ wan nɨ mə̀ ghaʼi kwàʼ rɨŋgəʼ. Məd wɨə fàʼ əmbɨ Ə̀nùŋɨ̀sɨg ənɨ i fîŋ jìm. Məd bɨrɨ nɔɔrɨ mbə ɨtu ɨmbə̀ʼ ɨnû mbe nɨ mə̀ nyaʼə ghɨ̀ ənɨ mə̀ nyaʼa ben ə Kristo Yeso, nɨ yeʼ ɨnû mbe nɨ mɨə chwi ɨsɨ jìm ɨŋga rɨfetɨ bə̂d Kristo rɨjìm.

2 Kɔrèn 1:4

Məd wɨə nəərɨ əwa ənɨ mɨ̀nyùmə̀ jìm mbe nɨ tɨ̀ yeʼ əŋgəʼ, ɨmbə̀ʼ mbǎ mbe tɨ̀ rɨ bə̀ nəərɨ bə̂d mbe nɨ yeʼ ɨŋga tɨkwɨrɨ ŋgəʼ jìm. Tɨ̀ nəərɨ mɨ̀mə̌d ɨchî nɨ Ŋwìə̀ ə bə̀ nəərɨ əwa.

2 Kɔrèn 12:18

Mə nyaʼa buʼ ɨbɔ əmbɨ Taitùs ni wɨ̀ yeʼe əsɨ nən. Mə nyaʼa bə̀ tom ə wə̀d Kristo cherə mbɨ məd. Taitùs wa nyaʼa nyèm əwən ɨmbə̀ʼ jɨg əwən ə? Tɨ̀ rɨ wa nyaʼa faʼ a ənɨ əzwî ə mɔʼ ə? Tɨ̀ rɨ wa nyaʼa ghɨ a ɨnû ənɨ ɨnə̂njɨ̀ mɔʼ ə?

2 Kɔrèn 2:7

Àyɨə rɨ̀nîn, mbə berɨ waʼ ɨnû rɨbɔ̀ŋ məd bə̀ nəərɨ əməd ɨmbə̀ʼ tɨ wɨ̀ kən əku, njɨ ə̀kə̀nɨ̀ ze ə bɨrɨ ghɨ̀ ni ɨbenɨ məd wɨrɨ bɔd.

Efesùs 6:22

Mə wɨə tom əməd əsɨ nən ɨmbə̀ʼ ənû zɔ̂ ni mbə̀ kyerɨ ɨchî nɨ tɨ̀ yeʼə. Mə wɨə bə̀ tom əməd ni wɨ̀ timbɨ əwən.

Fìlipì 2:28

Əne mə wɨə kàŋə̀ ghaʼə nɨ wɨrɨ cha əməd, ɨmbə̀ʼ ənɨ mbə̀ zə əməd, ɨghaʼi bɨrɨ swi ɨŋga tə fîŋ. Chəi mə bɨrɨ wɨrɨ nwìʼ ɨnyod ɨmbə̀ʼ əwən.

Kòlosè 2:2

Əton yɨ ni mə wɨə kəb nəərɨ fîŋ tɨ mɨ̀mə̌d ni mbɨ ghaʼ mbə bɔŋgɔb əne chub ənɨ ənû mɔʼ, ɨmbə̀ʼ mbɨ berɨ mbɔ̂n ze nɨ bɨrɨ ghɨ ni mbɨ berɨ ɨwe bə̀ jeŋgɨ kyerɨ ɨnû mbe nɨ yeʼ ənə̀mə ɨmbə̀ʼ ə Ŋwiə̀. Ɨnû mbe nɨ yeʼ ənə̀mə yɨə Kristo ziə.

1 Tèsàlonikà 2:11

Mbə kyerɨ ə ni tɨ̀ wɨə fàʼə̀ mbɨ nən ɨchî nɨ mbǎʼ ə fàʼə̀ mbɨ mbi bɔn.

1 Tèsàlonikà 3:2

Tɨ̀ nyaʼa tom wa aŋgɔb Timotì ni wɨ̀ yeʼe ghɨ tə fîŋ kaanə bə̀ tìmbɨ̀ əwən ɨchî nɨ mbə nuŋ fîŋ ɨgun ə Kristo. Məd wɨə fàʼ əmbɨ ə Ŋwiə̀ mbɨ na ɨchî nɨ tɨə ghà ɨkə̂n chɔ̀m ɨmbə̀ʼ ə Kristo.

1 Tèsàlonikà 3:5

À yɨ əton nɨ ɨchî nɨ chəi ənɨ tɨ mə nyaʼa wɨrɨ nyìʼ wò ɨmbì, mə nyaʼa tom ə Timotì əsɨ nən ni wɨ̀ yeʼe zə ni mbə mbɨə kɨrɨ nuŋ fîŋ ɨgun ə Kristo ə. Mə nyaʼa ghɨ̀ əne ɨmbə̀ʼ ɨghəm nɨ mə̀ wɨə nyaʼə bɔə ni ɨghə̀m ənumbɨ bə̂d fə numbɨ əwən əne ghɨ̀ ə̀fàʼì ze nɨ tɨ̀ nyaʼa faʼ ə chè ətu ə̀kǒ.

1 Tèsàlonikà 4:18

Əne mbə nəərɨ wə̀d mɔʼ mɔʼ mbɨ ɨŋgam wɔ̂.

1 Tèsàlonikà 5:11

Əne mbə̀ timbɨ mbə bɔŋgɔb, ghɨ̀ ni ɨbenɨ wə̀d mɔʼ mɔʼ təm kàànɨ. Mbə̀ ghɨ əne àmei ɨchî nɨ mbə̀ə ghɨ̀ rɨ̀nîn.

1 Tèsàlonikà 5:14

Mba bɔŋgɔb, tɨ̀ wɨə buʼ ɨ bɔ ɨ nən ni mbə̀ patɨ mɨgwed, nɔɔrɨ ɨka mbe nɨə bɔ ɨnû, weerɨ mbe nɨə kəb ə̀wèèrɨ̀, bə nyiʼə ghàm əmbɨ ə wə̀d jìm.

2 Tès 2:17

Wɨ̀ nəərɨ əwən bə̀ nàʼ ɨka ɨ nən ni mbə̀ ghɨ ənû chɔ̀m jìm bə̀ ghà ɨŋgam chɔ̀m jìm.