Kòlosè 4:17 - Meta’

¹⁷ Mbə̀ gha əmbɨ Akipùs ni wɨ̀ maanɨ ə̀fàʼì ze nɨ Ə̀nùŋɨ̀sɨg zɨ ɨŋga tɨkyerɨ-ɨbɔ məd.

Ikan feg

¹⁷ Mbə̀ gha abə Akipùs gha wì kirə ika ni mànì àfàʼì ze ne Anɔŋisəg zi ibo ikye abo.

Kòlosè 4:17 ပူးပေါင်းရင်းမြစ်များ

Matìyò 25:17

Əne bə̂, we nɨ nyaʼa nɨŋ ɨ̀bàm ɨkab gôl be, nyaʼa bə̀ jɨg njìm ɨ̀bàm cherə be.

Ɨ̀fàʼì 1:17

Judàs yɨə nyaʼə wɨ mɔʼɔ rəbɔʼ na. Yeso nyaʼa chɔʼ əməd ni wɨ̀ faʼ ə̀fàʼì zɔ̂ nɨ tɨə fàʼə̀.

Ɨ̀fàʼì 14:23

Ənɨ mbɨ nyaʼa fə chɔʼ bə̂d mbe nɨə chà tɨfetɨ bə̂d Kristo te ɨ mɔʼ mɔʼ, mbɨ nyaʼa kɔŋgɨ ə Ŋwiə̀, chub rɨ jɨg, zɨ̀ mɨ̀mə̌d ɨŋga tɨkyerɨ-ɨbɔ Ə̀nùŋɨ̀sɨg we nɨ mbɨ nuŋ tə fîŋ ɨgwɨ məd.

Ɨ̀fàʼì 20:28

Əne mbə̀ nəŋgɨ ə ɨnyod mbənə mbənə, bə̀ nəŋgɨ bə̂d Kristo mɨ̀jìm mbe nɨ Əzwî ə Zeŋɨ ə fə nuŋ əwən ni mbə̀ nəŋgɨ. Mbə̀ nəŋgɨ ɨfetɨ bə̂d Ŋwiə̀ we nɨ wɨ̀ fə ghɨ̌ ənɨ wi ənjìm ənəm ze nɨ Wan məd nyaʼa chəmnɨ.

Efesùs 4:11

À yɨə məd nyaʼa naʼ mɨneʼe əmbɨ ə bə̂d; wɨ̀ nyaʼa ghɨ̀ mbɨ mɔʼɔ ənɨ ə bə̂d tom, ghɨ̀ mbɨ mɔʼɔ ənɨ ə bə̂d ɨ̀kə̀n, ghɨ̀ mbɨ mɔʼɔ ənɨ ə bə̂d mbe nɨə jàŋ ɨkə̂n chɔ̀m, ghɨ̀ mbɨ mɔʼɔ ənɨ ə bə̂d nɨə nəŋgɨə bə̀ chwi ɨnû əmbɨ ə bə̂d Ŋwiə̀.

1 Timotì 4:14

Tɨrə̀ waʼ e ɨneʼe we nɨ à berɨ, nɨ Əzwî ə Zeŋɨ ə nyaʼa naʼ ɨ ne ənɨ ə nyùmə̀ we nɨ bə̂d ɨ̀kə̀n Ŋwiə̀ nyaʼa gha ɨnû ɨmbə̀ʼ əwe, bə̂d nɨə chà ɨfetɨ bə̀ zab mbə ɨbɔ ɨgwɨ ne.

1 Timotì 4:16

We əwe ɨmbə̀ʼ e nyamnyod bə̀ we əwe ɨmbə̀ʼ ɨnû mbe nɨ àwɔ̀ ə chwiə. Yim ɨnû mbe nɨ mə̀ gha ɨ ne ɨmbə̀ʼ ɨghəm nɨ à mɨ ghɨ̀ əne, àwɔ̀ mbɨ ə bə̂d mbe nɨə zu ɨnû mbe nɨ àwɔ̀ ə ghàə̀ bɨrɨ jwɨ̀ rəŋgəʼ.

1 Timotì 4:6

À mɨ ghà ɨnû mbɔ̂ nɨ mə gha ɨ ne əmbɨ ə bə̂d Kristo bə̀ beenɨ əbɔʼ mɨŋgam mbe nɨə ghɨ̀ ni ɨbenɨ kaanə bə̀ beenɨ əbɔʼ rəsìʼ we nɨ à nyaʼa fə zu, njɨ à bɨrɨ kaŋ yeʼ wə̀d ə̀fàʼì Kristo Yeso chɔ̀m.

1 Timotì 6:20

Àwɔ̀ Timotì, jeŋgɨ yim ɨnû mbe nɨ Ŋwiə̀ zɨ ɨŋga te rɨkyerɨ-ɨbɔ. Tɨrə̀ zɨ e ətu ənɨ mɨŋgam mbe nɨ chəi mbɨ berɨ ənû nɨ ghɨ̀ mbɨ ə Ŋwiə̀. Tɨrə̀ zɨ e ətu ənɨ mɨŋgam əko mɔʼɔ mbe nɨ bə̂d ə taŋ ɨgun, nɨ mbɨə ghà ni à yɨ ɨwe, àyɨə kaʼ à yɨ i ɨwe.

2 Timotì 1:6

Ɨchî nɨ à ben ə Kristo əni, mə wɨə kə̀bə̀ ni à nɔɔrɨ ɨneʼe we nɨ yeʼ ɨŋga ne, nɨ Ŋwìə̀ nyaʼa naʼ ɨ ne ənɨ ə nyùmə̀ we nɨ mə nyaʼa zab mbɨ ɨbɔ ɨgwɨ ne.

2 Timotì 2:2

Nɨŋ ɨnû mbe nɨ à nyaʼa zu ənɨ mə̀ nyaʼə gha ɨfě mɨ̀zərɨmbin nɔnɔʼ, əne zɨ̀ ɨŋga rɨkyerɨ-ɨbɔ bə̂d mbe nɨ tɨ̀ wə̀d zɨ fîŋ ɨgwɨ mɨ̀mə̌d, ɨmbə̀ʼ mbɨ bə̀ chwi əmbɨ ə bə̂d cherə.

Filemɔ̀n 1:2

Tɨ̀ wɨə bə̀ ŋwàʼnɨ̀ ɨ ne, àwɔ̀ Afìà, nɨ yeʼ a njàbɨ. Tɨ̀ wɨə bə̀ ŋwàʼnɨ̀ ɨ ne, àwɔ̀ Akipùs, nɨ yeʼ ə sɔgyɨ̀ Kristo ɨghabɨ ə mbǎ. Tɨ̀ wɨə bə̀ ŋwàʼnɨ̀ əmbɨ ə bə̂d mɨ̀jìm mbe nɨ yeʼ ɨŋga ɨfetɨ bə̂d Kristo we nɨə nyɨ ɨŋga e nəb.