Kòlosè 4:11 - Meta’

¹¹ Yeso we nɨ mbɨə tɔŋ ənɨ Jostùs wɨə bə chàʼrɨ̀ əwən. Mbɔ̂ mei mɨ̀Jû mbe nɨ yeʼ əbɔʼ bə̂d mbe nɨə fàʼə̀ mbɨ num ɨmbə̀ʼ ənû ɨfɔ̀n ə Ŋwiə̀. Mbɨ fə kàŋ kəŋgɨ əmɨ kwàʼ ɨchî chɔ̀m.

Ikan feg

¹¹ Josùwà we ne mbe kàrà ane Jostùs we bə̀ chàʼrà awən. À ya məyi mbɔb mətad yaʼi mə̀Ju mbe ne fàʼà ane anug ìfɔ̀n Ŋwiye abɔ̀ʼ inum. Mbɔb fə wètì amə kwàʼ icheg chɔm.

Kòlosè 4:11 ပူးပေါင်းရင်းမြစ်များ

Ɨ̀fàʼì 10:45

Ənû ze ə nyaʼa chè mɨ̀Jû mbe nɨ nyaʼa ben ə Kristo, əne yɨ mbe nɨ nyaʼa nɔʼ rɨ ə Jopà beenɨ əbɔʼ Pità. Mbɨ nyaʼa yiirɨ ɨmbə̀ʼ ɨghəm nɨ mbɨ nyaʼa zə ni Ŋwìə̀ fə bə̀ nàʼ i ɨneʼe we nɨ yeʼ Əzwî ə Zeŋɨ əmbɨ ə bə̂d mbe nɨ kaʼi mɨ̀Jû,

Ɨ̀fàʼì 11:2

Əne ənɨ Pità nyaʼa kɔʼ wò ə Jèrusalèm, mɨ̀Jû mbe nɨ nyaʼə kə̀bə̀ ni mbɨ ne bə̂d mbe nɨ kaʼi mɨ̀Jû nyaʼa chuʼ əməd

Rm 16:3

Mbə̀ chaʼrɨ ə Priskà mbɨ Àkwilà. Mɔ̌ mbɨ mɨ̀mə̌d mbɨə fàʼ əmbɨ Kristo Yeso.

Rm 4:12

Abràham yɨə bə̀ ə mbǎʼ kyeŋ əmbɨ ə bə̂d mbe nɨ mbɨ ne mɨ̀mə̌d. Ka àmei ni mbɨ fə ne mɨ̀mə̌d, à yɨə bə̂ ni ɨ mbɨə beenɨ əbɔʼ ɨbenɨ we nɨ a mbǎʼ kyeŋ Abràham nyaʼa berɨ bɔŋ mbɨ nyaʼa sɨə ne əməd.

2 Kɔrèn 6:1

Ɨchî nɨ tɨə fàʼ ɨnɔ̂n mbɨ ə Ŋwiə̀, əne tɨ̀ wɨə buʼ ɨbɔ ɨ nən ni tɨ mbə̀ ben ə ni ɨ̀chɔ̀m we nɨ Ŋwiə̀ ghɨ ənɨ ə nən che ətu ə̀kǒ.

Efesùs 2:11

Mbə̀ kɔndɨ ni à nyaʼa ənɨ ə nyùmə̀ mɔʼɔ, “Bə̂d mbe nɨ mbɨ nyaʼa ne mɨ̀mə̌d” mbɨə nyaʼə tɔŋə mbə̀n bə̂d mbe nɨ kaʼi bɔn tɔb si mɨ̀Jû ni, “Bə̂d nɨ chəi mbɨ ne mɨ̀mə̌d,” nɨ yeʼ ɨkwɨ we nɨ bə̂d ə ghɨ̀ ənɨ ɨbɔ.

Fìlipì 4:3

Mə wɨə bə̀ gha ɨ ne, àwɔ̀ nɨə fàʼə̀ mbɨ num ənɨ e fîŋ jìm, ni à weerɨ məyi mbɔ̂ ghɨ̀ mbɨ chub ənɨ əbɔrəbɔd, ɨmbə̀ʼ ɨghəm nɨ mɨ̀mə̌d, Klemèn mbɨ ə bə̂d cherə fə fàʼ rɨkǎ mbɨ num nɨ ghà ɨkə̂n chɔ̀m. Tɨkum tɨ mɨ̀mə̌d tɨ ɨŋga ə̀ŋwàʼnɨ̀ ze nɨ mbɨ ŋwaʼnɨ rɨkum bə̂d mbe nɨ bɨrɨ jɨg ɨ̀tènɨ̀.

Kòlosè 4:7

Taikikùs nɨ yeʼ aŋgɔb nɨ mə̀ ghaʼi kwàʼ rɨŋgəʼ bɨrɨ gha ɨnû jìm ɨ nən ɨmbə̀ʼ əmɨ. Məd wɨə fàʼ ənɨ i fîŋ jìm. Məd yɨə bə wum aŋgɔb ə̀fàʼì ɨchî nɨ tɨə fàʼ əmbɨ Ə̀nùŋɨ̀sɨg.

1 Tèsàlonikà 3:2

Tɨ̀ nyaʼa tom wa aŋgɔb Timotì ni wɨ̀ yeʼe ghɨ tə fîŋ kaanə bə̀ tìmbɨ̀ əwən ɨchî nɨ mbə nuŋ fîŋ ɨgun ə Kristo. Məd wɨə fàʼ əmbɨ ə Ŋwiə̀ mbɨ na ɨchî nɨ tɨə ghà ɨkə̂n chɔ̀m ɨmbə̀ʼ ə Kristo.

1 Tèsàlonikà 3:7

Mbɨ bɔŋgɔb, ɨchî nɨ mbə̀ nuŋ fîŋ ɨgun ə Kristo ə zɨə nəərɨ əwa ənɨ tɨə zə ɨkwɨ ŋgəʼ jìm bə̀ fɔrɨ ənɨ mbɨə nwèndɨ̀ ta rɨkyerɨ-ɨwu.

Tayitùs 1:10

Mə wɨə ghà əne ɨmbə̀ʼ ɨghəm nɨ bə̂d mɨ̀nɔnɔʼ mbɨ əŋgu nɨ chəi mbɨə zuunɨə bə̂d kyeŋ, màànɨ̀ mɨ̀Jû mbe nɨə ghàə̀ ni mbɨ ne bə̂d. Ɨ mbɨə ghà ɨŋgam nɨ chəi wɨə yim mɨnib. Ɨ mbɨə bə̀ tambɨ ə bə̂d.

Filemɔ̀n 1:1

À yɨə mɔ̌ Pɔ̂l, nɨ mə̀ yeʼ wə̀d ndəŋ ɨmbə̀ʼ ə Kristo Yeso mbɨ Timotì nɨ yeʼ wa aŋgɔb, ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ ɨ ne, àwɔ̀ Filemòn, nɨ yeʼ aŋgɔb nɨə fàʼə̀ mbɨ na. Tɨ̀ ghaʼ əwe kwàʼ rɨŋgəʼ.

Filemɔ̀n 1:24

Mbɨ bɔŋgɔb mbe nɨ mɨə fàʼə̀ mbɨ mɨ̀mə̌d əne yɨə Mak, Àristakùs, Demàs mbɨ Luk bə̀ chàʼrɨ̀ əwe.