Kòlosè 3:17 - Meta’

¹⁷ Əne ɨnû jìm mbe nɨ mbə̀ə ghɨ̀ə̀, kɨ̀ ənɨ mbe nɨ mbə̀ə ghàə̀, mbə ghɨ ənɨ ɨkum Ə̀nùŋɨ̀sɨg Yeso. Mbə mɨə ghɨ̀ə̀ əne, mbə bɨrɨ yeʼə chè ənjìm məd nàʼə̀ məben-əwe əmbɨ Ŋwiə̀ Mbǎʼ.

Ikan feg

¹⁷ Inga ìmbən inug ijìm, kə̀ mbə̰ kə ghàmà kə̀ fàʼà, mbə̀ ya ghìyə̀ inug ijìm məyi ane ikum Anɔŋisəg Yeso. Mbə̀ ya ghìyə̀ ane chè anjìm Anɔŋisəg Yeso nàʼà məyakà abə Ŋwiye ne yaʼi Mbaʼ ne ghi mbə yaʼ ane ifɔti tì məd.

Kòlosè 3:17 ပူးပေါင်းရင်းမြစ်များ

Matìyò 28:19

Əne mbə̀ wo əmbɨ ə bə̂d mɨ̀jìm ɨŋga ɨbeŋ jìm, ghɨ̀ ni mbɨ yeʼ mbɨ mə̀mə̀ə̀nɨ̀-ɨnû. Mbə̀ nàʼ mɨnib əmbɨ mɨ̀mə̌d ənɨ ɨkum Mbǎʼ, ənɨ wɨ Wan bə̀ fɔrɨ ənɨ wɨ Əzwî ə Zeŋɨ.

Ɨ̀fàʼì 19:17

Mɨ̀Jû mɨ̀jìm mbɨ ə bə̂d mɨ̀jìm mbe nɨ kaʼi mɨ̀Jû nɨ nyaʼə chub ə Efesùs nyaʼa zu ənû zɔ̂. Mbɨ nyaʼa zu əne bɔ kwàʼ rɨŋgəʼ. Əne mbɨ nyaʼa nàʼ ɨwumnɨ kyeŋ əmbɨ Ə̀nùŋɨ̀sɨg Yeso.

Ɨ̀fàʼì 4:30

Tɨ̀ mɨə ghɨ̀ əne, à sem e əbɔ ghɨ ni tɨ̀ vɨ bə̂d əwɔn bə̀ ghɨ̀ ɨnweenɨ-ɨnû fɔrɨ ɨnû yiirɨ ənɨ ɨkum Yeso, e wə̀d ə̀fàʼì nɨ zeŋɨ.”

Rm 1:8

Ənû rɨtu yɨ ni, mə wɨə nàʼə̀ məben-əwe əmbɨ mɨ Ŋwiə̀ ənjìm ə Yeso Kristo ɨmbə̀ʼ mbə̀n mɨjìm. Mə wɨə ghɨ̀ əne ɨmbə̀ʼ ɨghəm nɨ bə̂d rɨŋga ɨsɨg jìm mbɨə zu ɨchî nɨ mbə̀ nuŋ fîŋ ɨgun ə Ŋwiə̀.

1 Kɔrèn 10:31

Əne, kɨ̀ à jɨg, kɨ̀ à nɔ, kɨ̀ à ghɨ ənû ə mɔʼɔ, ghɨ ɨnû mbe jìm ɨmbə̀ʼ wumnɨ ə Ŋwiə̀.

Efesùs 1:17

Mə wɨə kɔ̀ŋgɨ̀ ə Ŋwiə̀ nɨ yeʼ Mbǎʼ a Ə̀nùŋɨ̀sɨg Yeso Kristo, nɨ yeʼ Mbǎʼ nɨ ɨwumnɨ jìm yeʼ wɨ məd, ni wɨ̀ naʼ e Əzwî ɨ nən ɨmbə̀ʼ mbə̀ berɨ ɨwe. Mə wɨə bə̀ kɔ̀ŋgɨ̀ə̀ ni wɨ̀ chwi wi rəsìʼ ɨ nən ɨmbə̀ʼ mbə̀ jeŋgɨ kyerɨ əməd.

Efesùs 5:20

Mbə̀ kɨə nàʼə̀ məben-əwe əmbɨ ə Ŋwiə̀ nɨ yeʼ Mbǎʼ. Mbə̀ kɨə ghɨ̀ əne ənɨ mɨ̀nyùmə̀ jìm bə̀ fɔrɨ ɨmbə̀ʼ ɨghɨjìm. Mbə̀ ghɨ əne ənɨ ɨkum a Ə̀nùŋɨ̀sɨg Yeso Kristo.

Fìlipì 1:11

Àmei Yeso Kristo we tɨ wɨ̀ ghɨ̀ ni mbə̀ ghɨ ɨnû ɨchî nɨ kuʼnɨ, ɨmbə̀ʼ bə̂d wumnɨ ə Ŋwiə̀ bə̀ yiirɨ əməd.

Fìlipì 2:11

Wə̀d jìm bɨrɨ ben əsaŋ əsaŋ ni Yeso Kristo yɨ Ə̀nùŋɨ̀sɨg, ɨmbə̀ʼ bə̂d mɨ̀jìm wumnɨ ə Ŋwìə̀ Mbǎʼ.

Kòlosè 1:12

bə̀ sɨə nàʼ məben-əwe əmbɨ Mbǎʼ we nɨ ghɨ ni mbə kuʼ nɨ berɨ əbà rɨ ənɨ ɨghɨ mbe nɨ wɨ̀ nuŋ əmbɨ mbi bə̂d ɨŋga əsɨ ze nɨ ɨzeŋɨ zeŋɨ ə teə.

Kòlosè 2:7

Mbə̀ sɔɔrɨ mbə ɨghaŋ mbɨ jeŋgɨ nyɨ ɨŋga məd, nùŋ ə ɨ̀tènɨ̀ àmei ɨgwɨ məd bə̀ ghɨ̀ ni ə ɨbenɨ kaanɨ ɨchî nɨ mbɨ nyaʼa chwi ɨ nən. Mbə̀ naʼ məben-əwe ɨ bɔ ɨghəm jìm ɨmbə̀ʼ ɨnû jìm mbe nɨ wɨə ghɨ̀ ənɨ ə nən.

Kòlosè 3:15

Mbə̀ saŋ ə ni əbɔrəbɔd ze nɨ Kristo ə nàʼə̀ ə tumbɨ tə fîŋ. À yɨ ɨmbə̀ʼ əbɔrəbɔd zɔ̂ nɨ Ŋwìə̀ nyaʼa tɔŋ əwən ni mbə̀ yeʼe fɔtɨ ɨŋga nyamnyod mɔʼ. Mbə naʼ məben-əwe əmbɨ ə Ŋwiə̀ ənɨ mɨ̀nyùmə̀ jìm.

Kòlosè 3:23

Kɨ̀ à kɨ ɨkwɨ ə̀fàʼì wi, mbə̀ faʼ ənɨ tə fîŋ rɨjìm, ɨghabɨ ni mbə mbɨə fàʼ yeʼ əmbɨ Ə̀nùŋɨ̀sɨg, kaʼi əmbɨ ə bə̂d.

1 Tèsàlonikà 1:1

À yɨə mɔ̌ Pɔ̂l mbɨ Sailàs fɔrɨ ə Timotì ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ ɨ nən mbə̀n bə̂d Kristo mbe nɨ yeʼ ɨŋga ɨfetɨ we rɨ ə Tèsàlonikà, nɨ mbə̀ yeʼ bə̂d Ŋwiə̀ Mbǎʼ fɔrɨ bə̂d Ə̀nùŋɨ̀sɨg Yeso Kristo. Ŋwìə̀ ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən.

1 Tèsàlonikà 5:18

bə̀ nàʼ məben-əwe əmbɨ ə Ŋwiə̀ ɨmbə̀ʼ ɨnû jìm. Mbɔ̂ yɨ ɨnû mbe nɨ Ŋwiə̀ kəbɨ rɨ nən ɨchî nɨ mbə̀ yeʼ ənɨ fɔtɨ mbɨ Kristo Yeso.

2 Tès 2:17

Wɨ̀ nəərɨ əwən bə̀ nàʼ ɨka ɨ nən ni mbə̀ ghɨ ənû chɔ̀m jìm bə̀ ghà ɨŋgam chɔ̀m jìm.

Mə̀Hibrù 1:5

À kɨ əmbɨ aŋgɨrə̀ wi nɨ Ŋwìə̀ nyaʼa kweʼ gha ɨ bɔ ni, “Àwɔ̀ yɨ mɨ Wan, tə̀chɔ̀ŋ mə fə sɨ e Mbǎʼ ə”? Kɨ̀ à kɨ̀ əmbɨ aŋgɨrə̀ wi nɨ wɨ̀ nyaʼa gha ɨ bɔ ni, “Mə bɨrɨ yeʼ Mbǎʼ məd, məd bɨrɨ yeʼ mɨ Wan ə”?

Mə̀Hibrù 13:15

Əne tɨ̀ che ənjìm məd wò ɨmbì nàʼ əghɨ ə̀fà nɨ yiirɨ ə Ŋwìə̀, əne yɨ ni, tɨ̀ nɨŋ mba mɨchû mbe nɨ ben ni məd yɨ Ə̀nùŋɨ̀sɨg wumnɨ əməd əŋgu.

1 Pità 2:5

Mbə yeʼe ɨghabɨ əti nɨ yeʼ ɨka ɨmbə̀ʼ mbɨ nɨŋ əwən bɔm nəb əzwî əŋgu. Mbə mɨ ghɨ̀ əne, mbə bɨrɨ yeʼ bə̂d mbàn Ŋwìə̀ zeŋɨ, əne chè ənjìm ə Yeso Kristo naʼ ɨghɨ ə̀fà əzwî mbe nɨ Ŋwiə̀ benɨ.

1 Pità 2:9

À yeʼ ɨmbə̀ʼ əwən, mbə̀ yɨ ɨnəbɨ nɨ Ŋwiə̀ nyaʼa chɔʼɔ. Mbə yɨə bə̂d mbàn Ŋwìə̀ nɨə fàʼ əmbɨ ɨfɔ̀n kyeŋ. Mbə yɨ əbeŋ nɨ zeŋɨ. Mbə yɨə bə̂d Ŋwiə̀ ɨmbə̀ʼ gha ɨnû yiirɨ mbe nɨ wɨ̀ fə ghɨ̌. À yɨə məd nyaʼa tɔŋ əwən rɨŋga ɨsɨ firɨ əne zɨ̀ ɨŋga əsɨ ə zeŋɨ ze nɨ wɨ̀ naʼ əmbɨ ə bə̂d.

1 Pità 4:11

Wə̀d mɔʼɔ mɨ yeʼə ghà ɨŋgam Ŋwiə̀, wɨ̀ gha àmei ənû ze nɨ Ŋwìə̀ gha ɨ bɔ. Wɨ̀ mɔʼɔ mɨ yeʼə fàʼə̀, wɨ̀ faʼ àmei ənɨ ɨka we nɨ Ŋwìə̀ naʼ ɨ bɔ, ɨmbə̀ʼ ənɨ ɨnû jìm, bə̂d mbe tɨ̀ mbɨ yiirɨ ə Ŋwiə̀ ənjìm ə Yeso Kristo. Ɨwumnɨ jìm mbɨ ɨka jìm yɨ wɨ məd koŋ koŋ. À yɨ əne.

1 Jɔn 2:23

Wə̀d we nɨ ton Wan fə bə̀ ton ə Mbǎʼ. We nɨ ben Wan fə bə̀ ben ə Mbǎʼ.

1 Jɔn 3:18

Mbɨ bɔn nɨ mə̀ ghaʼi kwàʼ rɨŋgəʼ, tɨ rɨ̀ ghaʼ a bə̂d àmei ənɨ ɨŋgam bə̀ fɔrɨ ənɨ ɨchù. Tɨ̀ berɨ chwi ənɨ ta rɨghɨrɨ-ɨnû bə̀ fɔrɨ ənɨ rəsìʼ we nɨ tɨə ghàə̀ ni tɨ̀ ghaʼ mɨ̀mə̌d.