Kòlosè 3:16 - Meta’

¹⁶ Ɨŋgam ɨmbə̀ʼ ə Kristo kaŋ tèn ɨŋga tə fîŋ kwàʼ ɨchî chɔ̀m. Mbə chwi ɨnû, bə̀ kəərɨ mbə bɔŋgɔb ənɨ ɨwe jìm. Mbə̀ kwerɨ mɨ̀sâm, kwerɨ mɨkyî nɨ yiirɨ ə Ŋwiə̀ bə̀ kwerɨ mɨkyî nɨ nɔʼ rɨ əmbɨ Əzwî naʼ əmbɨ ə Ŋwiə̀. Mbə̀ ghɨ əne mbɨ ɨghaʼi kyeŋ ɨŋga tə fîŋ.

Ikan feg

¹⁶ Mbə̀ taŋ nyìmi ìngam Kristo inga ìtən fìŋ kwàʼ icheg chɔm. Mbə̀ ya chwìte ìngam we abə bəd bə̀ kə awən mbə̰ mbə̰ ane iwe we ne Ŋwiye nàʼi inən. Mbə̀ ya ghìyə̀ ane ane tikyèg te ne du inga Àŋwàʼrì Ŋwiye tì tikyèg te ne bəd mbe zə̀ʼə̀ ne ghùmnə Ŋwiye fɔrɔ tikyèg te ne Azwighi Ŋwiye ze nàʼà. Mbə̀ ya zə̀ʼə̀ ane, nàʼà məyakà abə Ŋwiye.

Kòlosè 3:16 ပူးပေါင်းရင်းမြစ်များ

Matìyò 26:30

Ənɨ mbɨ nyaʼa fə kwerɨ ɨkyî, mbɨ nyaʼa jwɨ̀ wò ɨkaŋ Ɨwum mɨ̀Olìf.

Lk 2:51

Wɨ̀ nyaʼa ghɨ əne, swiʼi mbɨ mɨ̀mə̌d mbɨ wò ə Nazàret. Wɨ̀ nyaʼa pè zuunɨ mɨ̀mə̌d. Ɨŋgɔb məd nyaʼa yim ɨnû mbɔ̂ jìm ɨŋga i fîŋ.

Jn 15:7

Mbə mɨ chub ənɨ ənû ə mɔʼ mbɨ num, mɨ ɨŋgam bə̀ chub ɨŋga nən, mbə bɨrɨ biirɨ ənû ə mɔʼɔ ze nɨ mbə̀ kəbɨ, əne mɨ Mbǎʼ bɨrɨ ghɨ ənû ze ɨ nən.

Rm 10:17

Əne ɨbenɨ wɨə yeʼe tɨ ənɨ ɨnû mbe nɨ bə̂d ə zuə, ɨnû mbe nɨ bə̂d ə zuə mbɨə yeʼe ənjìm ɨnû mbe nɨ mbɨ ghà ɨmbə̀ʼ ə Kristo.

Rm 15:14

Mbɨ bɔŋgɔb, mə kàŋ kyerɨ ɨmbə̀ʼ əwən ni ɨ̀chɔ̀m ə swi ɨŋga tə fîŋ, ni mbə kyerɨ ɨnû jìm mbɨ ni mbə mbe tɨ̀ mbə kəərɨ mbə bɔŋgɔb.

1 Kɔrèn 14:15

Əne, mə̀ kɨə wò ghɨ ye ə? Mə bɨrɨ kɔŋgɨ ə Ŋwiə̀ ənɨ mɨ əzwî bə̀ kɔ̀ŋgɨ̀ əməd ɨŋga mɨ fîŋ. Mə bɨrɨ kwerɨ mɨkyî nɨ yiirɨ ə Ŋwiə̀ ənɨ mɨ əzwî bə̀ kwerɨ mɨkyî nɨ yiirɨ əməd ɨŋga mɨ fîŋ.

1 Kɔrèn 14:26

Mbɨ bɔŋgɔb, tɨ̀ gha ni yè ə? Ənɨ mbə̀ bomnɨ, wə̀d mɔʼɔ naʼ ɨkyî, wɨ cherə chwi ənû, wɨ cherə gha ənû ze nɨ Ŋwìə̀ gha ɨ bɔ, wɨ cherə gham ɨŋgam rɨsɔ̀ʼɔ̀, wɨ cherə toʼrɨ ɨŋgam we. Mbə̀ sɨə ghɨ̀ ɨnû jìm ɨmbə̀ʼ mbə̀n mɨjìm təm kàànɨ̀.

Efesùs 1:17

Mə wɨə kɔ̀ŋgɨ̀ ə Ŋwiə̀ nɨ yeʼ Mbǎʼ a Ə̀nùŋɨ̀sɨg Yeso Kristo, nɨ yeʼ Mbǎʼ nɨ ɨwumnɨ jìm yeʼ wɨ məd, ni wɨ̀ naʼ e Əzwî ɨ nən ɨmbə̀ʼ mbə̀ berɨ ɨwe. Mə wɨə bə̀ kɔ̀ŋgɨ̀ə̀ ni wɨ̀ chwi wi rəsìʼ ɨ nən ɨmbə̀ʼ mbə̀ jeŋgɨ kyerɨ əməd.

Efesùs 5:17

Əne tɨ mbə̀ ghɨ ə ɨghabɨ ɨneŋ, àyɨə mbə̀ kywɨ ənywɨ nɨ kyerɨ ənû ze nɨ Ə̀nùŋɨ̀sɨg kəbɨ.

Efesùs 5:19

Mbə̀ kwerɨ mɨkyî əkaʼ nən ənɨ mɨ̀sâm, kwerɨ mɨkyî nɨ yiirɨ ə Ŋwiə̀ bə̀ kwerɨ mɨkyî nɨ nɔʼ rɨ əmbɨ Əzwî. Mbə̀ kwerɨ mɨkyî yiirɨ Ə̀nùŋɨ̀sɨg ɨŋga tə fîŋ.

Efesùs 5:26

ɨmbə̀ʼ ɨfetɨ we chub ɨzeŋɨ zeŋɨ ɨchî nɨ wɨ̀ nyaʼa so ənɨ mɨnib bə̀ sò ənɨ ɨŋgam Ŋwiə̀.

Kòlosè 1:28

Tɨ̀ wɨə ghà ənû ɨmbə̀ʼ ə Kristo əmbɨ ə wə̀d jìm. Tɨ̀ wɨə nɨŋ ɨwe we nɨ Ŋwìə̀ naʼ ɨ na patɨə mɨ̀mə̌d bə̀ chwi ɨnû əmbɨ wə̀d jìm, ɨmbə̀ʼ tɨ nɨŋ wə̀d jìm we nɨ fə kwi kàànɨ ɨchî nɨ wɨ̀ yeʼ ənɨ ɨfɔtɨ mbɨ Kristo wò ɨfě Ŋwiə̀.

Kòlosè 1:9

À yɨ əton nɨ tɨ əni ze nɨ tɨ̀ nyaʼa zu ɨmbə̀ʼ əwən, chəi tɨ̀ kɨrɨ sob nɨ kɔŋgɨ ə Ŋwiə̀ ɨmbə̀ʼ əwən. Tɨ̀ wɨə kɔŋgɨə ni Əzwî əməd ə ghɨ mbə̀ jeŋgɨ kyerɨ ɨnû mbe nɨ wɨ̀ kəbɨ. Mbə ɨtu bɨrɨ zeŋ mbə kyerɨ ɨnû mbe ənjìm ɨwe we nɨ Əzwî ə nàʼə̀.

Kòlosè 4:6

Ɨŋgam we nɨə jwɨ rɨ ənɨ mbə mɨchû berɨ mɨə nə̀m ɨghabɨ ni mbɨ fə nùʼ ənɨ fɨ̀ŋgwaŋ. Mə kə̀b ni mbə̀ kyerɨ ɨchî nɨ wiirɨ ɨŋgam əmbɨ wə̀d jìm.

1 Tèsàlonikà 1:8

Kaʼ àmei ni ɨŋgam Ŋwiə̀ fə jàŋ rɨ nən wò ɨŋga ɨbeŋ mbe rɨ ə Màsèdonià fɔrɨ ə Àkàiyà, ənû ɨmbə̀ʼ ɨbenɨ we nɨ mbə̀ nuŋ ɨgun ə Ŋwiə̀ fə bə̀ jàŋ ɨsɨ jìm. Chəi ənû ə mɔʼɔ nɨ tɨ rɨ wɨrɨ ghà ɨmbə̀ʼ əzɨ əwən,

1 Tèsàlonikà 4:18

Əne mbə nəərɨ wə̀d mɔʼ mɔʼ mbɨ ɨŋgam wɔ̂.

2 Tès 3:15

Tɨ mbə̀ nɨŋ əməd ɨghabɨ ni à yɨə wə̀d pə̀n, àyɨə mbə̀ patɨ əməd ɨchî nɨ mbə̀ə patɨ aŋgɔb nɨ ben ə Kristo.

1 Timotì 6:17

À yeʼ ɨmbə̀ʼ bə̂d mbɔ̂n mbe nɨ yeʼ ɨŋga ɨsɨg wɔ̂, gha əmbɨ mɨ̀mə̌d ni tɨ mbɨ nɔ ə ɨnyod, kɨ̀ bè nùŋ tə rɨkɔndɨ ɨgun mbɔ̂n ze nɨə che i che. Mbɨ nuŋ rɨkɔndɨ yeʼ ɨgun ə Ŋwìə̀ we nɨə nàʼ ɨghɨ ɨ na ə̀bù-ə̀bù. Ɨ wɨə nàʼ ɨmbə̀ʼ tɨ chub ɨchî chɔ̀m.

2 Timotì 3:15

À nyaʼa fə kyerɨ ɨŋgam Ŋwiə̀ tɨ ənɨ à nyaʼə wan kwa. Ɨŋgam we fə kəərɨ əwe ɨmbə̀ʼ à berɨ ɨwe jwɨ rəŋgəʼ ɨchî nɨ à nuŋ fîŋ ɨgun ə Kristo Yeso.

Tayitùs 3:6

Ŋwìə̀ nyaʼa che ənjìm ə Yeso Kristo nɨə chɨ̀ əwa rəŋgəʼ əne naʼ Əzwî ə Zeŋɨ ze ɨ na ə̀bù-ə̀bù.

Jems 1:5

Wə̀d mɔʼɔ rəbɔʼ nən mɨ kwaŋ ɨwe, wɨ̀ nɔn rɨ əmbɨ ə Ŋwiə̀. Məd wɨə nàʼ ɨghɨ əmbɨ ə bə̂d mɨ̀jìm əbu əbu. Ɨ wɨə bə̀ nàʼ ənɨ ə fîŋ chɔ̀m. Wɨ̀ bɨrɨ naʼ ɨwe ɨ bɔ.

Jems 3:17

Ɨwe we nɨ Ŋwiə̀ ə nàʼə̀ wɨə ghɨ̀ə̀ ni tɨ̀ chub zeŋɨ zeŋɨ, chub ənɨ əbɔrəbɔd, berɨ ɨbɔtɨ fîŋ, zwetɨ ɨnû nɨ bə̂d ə ghàə̀, diirɨ bə̂d bə̀ ghɨ̀ ɨ̀chɔ̀m. Ɨ wɨə bə̀ ghɨ̀ ni tɨ rɨ̀ ghɨ a ɨghə mbɨ ni tɨ rɨ̀ ghɨ a ɨbekɨ ɨnû.

Jems 5:13

Wə̀d mɔʼɔ rəbɔʼ nən wɨə wa ə ŋgəʼ ə? Wɨ̀ kɔŋgɨ ə Ŋwiə̀. Wə̀d mɔʼɔ rəbɔʼ nən wɨə wa ghaʼrɨ əwi ə? Wɨ̀ kwerɨ ɨkyî yiirɨ ə Ŋwiə̀.

1 Jɔn 2:14

Mbɨ bɔn, mə wɨə ŋwàʼnɨ̀ ɨ nən ɨmbə̀ʼ ɨghəm nɨ mbə̀ kyerɨ ə Mbǎʼ. Mɨ̀mbǎʼ, mə wɨə ŋwàʼnɨ̀ ɨ nən ɨmbə̀ʼ ɨghəm nɨ mbə̀ kyerɨ məd we nɨ nyaʼa i əŋgu bɔŋ Ŋwìə̀ nyaʼa sɨə tekɨ ɨsɨg. Ŋgwàʼ bə̂d, mə wɨə ŋwàʼnɨ̀ ɨ nən ɨmbə̀ʼ ɨghəm nɨ mbə̀ berɨ ɨka, ɨŋgam Ŋwiə̀ wɨ ɨŋga nən, mbə̀ fə bə̀ baŋ wə̀d rɨ̀bɔ̀ŋ.

1 Jɔn 2:24

Ɨnû mbe nɨ mbə̀ nyaʼa zu tɨ ənɨ mbə̀ nyaʼa ben ə Kristo, mbə̀ nuŋ ɨŋga tə fîŋ. Mbə mɨ nùŋ ɨnû mbe, mbə bɨrɨ yeʼ ənɨ ɨfɔtɨ mbɨ ə Wan fɔrɨ mbɨ ə Mbǎʼ.

1 Jɔn 2:27

À yeʼ ɨmbə̀ʼ əwən, Əzwî ze nɨ Kristo nyaʼa cha ɨ nən ə fə ten i ɨŋga nən, əne chəi ənɨ tɨ̀ wə̀d mɔʼɔ wɨrɨ chwi ənû ɨ nən. Əzwî ə zɨə chwi ɨnû jìm ɨ nən. Ɨnû mbe nɨ zɨə chwiə yɨ ɨnû rəsìʼ, nɨ chəi mɨghab ɨŋga. Mbə̀ ghɨ ɨnû mbe əne chubɨ ənɨ ɨfɔtɨ mbɨ Kristo.

2 Jɔn 1:2

Mə ghaʼ əwən ɨmbə̀ʼ ɨghəm nɨ tɨ̀ kyerɨ rəsìʼ, əne rəsìʼ we bɨrɨ ten i ɨŋga na koŋ.

Ɨnû 14:3

Bə̂d mbe chuʼ ɨkɨ fibɨ̀ mbɨ ɨwum kwè chɔ̀b rɨ̀kwè nyaʼa təm ɨfě ətən ɨfɔ̀n, ɨfě ɨghɨ ɨkwè mbe nɨ yeʼ ɨkǎ fɔrɨ ɨfě bə̂d kyeŋ mbe nyaʼə kwerɨ ɨkyî fi. Chəi wə̀d mɔʼɔ nɨ tɨ̀ wɨ̀ nyaʼa kwembɨ ɨkyî we chè rɨ ənɨ ə bə̂d mbe chuʼ ɨkɨ fibɨ̀ mbɨ ɨwum kwè chɔ̀b rɨ̀kwè nɨ Ŋwìə̀ nyaʼa choʼ mɨ̀mə̌d rɨ ɨgwɨ ə si.

Ɨnû 15:3

Ɨ mbɨə nyaʼə kwerɨ ɨkyî we nɨ wə̀d ə̀fàʼì Ŋwìə̀ Mose nyaʼa kwerɨ. Ɨ mbɨə nyaʼə bə̀ kwerɨ we nɨ Wan njɨ̀g nyaʼa bə kwerɨ. Ɨkyî we yɨ ni, “Ə̀nùŋɨ̀sɨg Ŋwìə̀kɔʼ! Ɨnû mbe nɨ àwɔ̀ ghɨ̀ə̀ mbɨ chè əbɔ. Mbe mɨchî ə kàŋ kùʼ. À yɨə bə̀ mɨchî rəsìʼ. Àwɔ̀ yɨ ɨfɔ̀n ɨgwɨ ɨbeŋ jìm!

Ɨnû 19:10

Mə nyaʼa zu əne gundɨ ə si ɨfě bɔ ɨmbə̀ʼ wumnɨ əməd, àyɨə wɨ̀ nyaʼa ghà ɨ num ni, “Tɨrə̀ ghɨ e əne! Mɔ̌ yɨə wə̀d ə̀fàʼì mbɨ ne bə̀ fɔrɨ mbɨ mbe bɔŋgɔb mbe nɨə ghà rəsìʼ ɨmbə̀ʼ ə Yeso. Wumnɨ ə Ŋwiə̀!” Mə wɨə ghà əne ɨmbə̀ʼ ɨghəm nɨ rəsìʼ ɨmbə̀ʼ ə Yeso yɨ əghɨ ze nɨə ghɨ̀ ni bə̂d ɨ̀kə̀n ghà ɨkə̂n Ŋwiə̀.

Ɨnû 5:9

Mbɨ nyaʼa kwerɨ ɨkyî fi ghà ni, “Àwɔ̀ ə kàŋ kùʼ nɨ nɨŋ ə̀ŋwàʼnɨ̀ ze, kyeʼrɨ mɨneŋ mbe, fiʼi, ɨmbə̀ʼ ɨghəm nɨ mbɨ nyaʼa kyem əwe, əne ənjìm ənəm ze nɨ à nyaʼa chəmnɨ, à fə choʼ bə̂d nàʼ əmbɨ ə Ŋwiə̀ rɨŋga mɨnəbɨ jìm, rɨŋga mɨŋgam jìm, rɨŋga ɨsɨ jìm bə̀ fɔrɨ rɨŋga ɨbeŋ jìm.