Kòlosè 3:11 - Meta’

¹¹ Əne chəi wɨrɨ i ɨkwepɨ əkaʼ bə̂d nɨ kaʼi mɨ̀Jû mbɨ mɨ̀Jû, chəi wɨrɨ i ɨkwepɨ əkaʼ bə̂d mbe nɨ mbɨ ne mbɨ mbe nɨ chəi mbɨ ne mɨ̀mə̌d, chəi wɨrɨ i ɨkwepɨ əkaʼ bə̂d əgyeŋ nɨ kɨrɨ ɨŋga ɨzimɨ, chəi wɨrɨ i ɨkwepɨ əkaʼ ɨ̀bòʼò mbɨ ə bə̂d nɨ yeʼ ənɨ ə ɨghəm. Kristo yɨ ɨnû jìm. Məd wɨ ɨŋga bə̂d mɨjìm mbe nɨ yeʼ ənɨ ənû ə mɔʼ mbɨ məd.

Ikan feg

¹¹ Ane, mbə̰ ya si bəd imɔʼ amad anìŋ. Chəyi ywìrè yi icha mɔ̀ʼɔ ane mə̀Ju tì bəd ne kayi mə̀Ju, kə̀ ane bəd ne mbi ŋweri tì bəd ne chəyi mbi ŋweri. Chəyi ywìrè yi wə̀d mɔ̀ʼɔ ne tì mbi kàrì ane wə̀dnàb kə̀ wə̀d ne yaʼi izimi. Chəyi ywìrè yi ifeg kə̀ wə̀d ne yaʼi yi ane ìwi ighəm. Tiku bəd ìto̰ tijìm ya se ane anug amɔʼ icheg ne mbi yaʼi ane ifɔti tì Kristo imbə̀ʼ icheg ne à ya məd beri aku bəd azo̰ ajìm.

Kòlosè 3:11 ပူးပေါင်းရင်းမြစ်များ

Jn 14:23

Yeso nyaʼa wììrɨ̀ ɨ bɔ ni, “Wə̀d mɔʼɔ mɨ ghaʼ əmɨ, wɨ̀ bɨrɨ zu mɨ ɨŋgam bə̀ nùŋ. Mɨ Mbǎʼ bɨrɨ ghaʼ əməd, əne mɔ̌ mbɨ mɨ Mbǎʼ bɨrɨ wo əsɨ məd pè chubɨ mbɨ məd.

Jn 15:5

“Mɔ̌ yɨ əzed ə vaìn. Mbə yɨ rɨtəb vaìn. Wə̀d we nɨ chub ənɨ ənû ə mɔʼ mbɨ num, mə bɨrɨ bɨ chub ənɨ ənû ə mɔʼ mbɨ məd, əne məd bɨrɨ kɔ rɨtam nɔnɔʼ. Chəi ənɨ tɨ̀ mbə ghɨ̀ ənû ə mɔʼɔ ənɨ ə ɨghəm nɨ chəi əmɨ əŋgu.

Jn 17:23

mə yeʼ ənɨ ənû ə mɔʼ mbɨ mɨ̀mə̌d, àwɔ̀ bə yeʼ ənɨ ənû ə mɔʼ mbɨ num, ɨmbə̀ʼ mɨ̀mə̌d mɨjìm bə yeʼ ənɨ ənû ə mɔʼ. Mbɨ mɨ ghɨ əne, ɨsɨg we tɨ̀ wɨ kyerɨ ni à yɨ àwɔ̀ nyaʼa tom əmɨ fɔrɨ ni à ghaʼ mɨ̀mə̌d ɨchî nɨ à ghaʼ əmɨ.

Ɨ̀fàʼì 15:17

Mə bɨrɨ ghɨ əne, ɨmbə̀ʼ ə̀bùʼ ə bə̂d mɨ̀jìm wɨrɨ kəb Ə̀nùŋɨ̀sɨg. Bə̂d mɨjìm mbe nɨ kaʼi mɨ̀Jû nɨ mbɨə tɔŋ ənɨ mbɨ bə̂d bɨrɨ bɨ kəb əmɨ.

Ɨ̀fàʼì 28:2

Bə̂d əbeŋ ze nyaʼa ghɨ̀ ɨkwɨ chɔ̀m mɔʼɔ ənɨ ə na nɨ chəi tɨ̀ kweʼ zə. Mbɨ nyaʼa nɨŋ mbà mɨjìm kwàʼ ɨchî chɔ̀m. Mbɨ nyaʼa bə̀ nepɨ ɨwid ɨ na ɨmbə̀ʼ ɨghəm nɨ mbə̀ŋ zɨə nyaʼə nɔə, ɨfə bə̀ kɔə.

Ɨ̀fàʼì 28:4

Ənɨ bə̂d əbeŋ mbe nyaʼa zə rɨndum ze nɨ nyaʼə nəŋ ənɨ əbɔ ə Pɔ̂l, mbɨ nyaʼa ghà mbənə mbənə ni, “Mbaŋə̀ zɔ̂ berɨ yeʼ wə̀d nɨə zwiirɨ ə bə̂d! Ka à bè yeʼi ni wɨ̀ fə nod ɨvɨ ɨŋga rɨ̀bàà, chəi ŋwìə̀-əyi we nɨə saʼə bə̂d bɨrɨ ben i ni wɨ̀ chub ɨkǎ.”

Rm 1:14

Mə yɨə wə̀d njɔ̌ əmbɨ ə bə̂d mbe nɨ kyerɨ ənû fɔrɨ əmbɨ mbe nɨ chəi mbɨ kyerɨ ənû. Mə yɨə bə̀ wə̀d njɔ əmbɨ ə bə̂d ɨwe bə̀ fɔrɨ əmbɨ ɨneŋ.

Rm 10:12

ɨmbə̀ʼ ɨghəm nɨ chəi ɨkwepɨ əkaʼ mɨ̀Jû mbɨ ə bə̂d mbe nɨ kaʼi mɨ̀Jû. Àmei Ə̀nùŋɨ̀sɨg we mɔʼ nɨ yeʼ Ə̀nùŋɨ̀sɨg ɨgwɨ ə bə̂d mɨjìm. Àmei məd ə bə̀ zɨ̀ əbɔrəbɔd əbu əbu ɨgwɨ ə bə̂d mɨjìm mbe nɨə kɔ̀ŋgɨ̀ əməd.

Rm 3:22

Ŋwiə̀ fə ghɨ̀ ni bə̂d mɨ̀jìm mbe nɨ benɨ təm kùʼnɨ̀ ɨfě məd ənjìm ɨchî nɨ mbɨ ben ə Yeso Kristo. Chəi ɨkwepɨ əkaʼ bə̂d,

Rm 3:29

Ŋwìə̀ wa kɨə mei wɨ mɨ̀Jû ə? Ka məd wa kɨə bə i Ŋwìə̀ bə̂d mbe nɨ kaʼi mɨ̀Jû ə? Ee, məd yɨə bə̀ ə Ŋwìə̀ bə̂d mbe nɨ kaʼi mɨ̀Jû,

1 Kɔrèn 12:13

Tɨ̀ nyaʼa nɨŋ mɨnib ənjìm Əzwî ze ə mɔʼ. Əne tɨ̀ fə fɔtɨ sɨə nyamnyod mɔʼ. Ŋwìə̀ nyaʼa zɨ̀ Əzwî ze ə mɔʼ ɨŋga ta fîŋ, kɨ̀ tɨ̀ yɨ mɨ̀Jû kɨ̀ bə̂d nɨ kaʼi mɨ̀Jû, kɨ̀ tɨ̀ yɨ ɨ̀bòʼò kɨ̀ bə̂d nɨ yeʼ ənɨ ə ɨghəm.

1 Kɔrèn 14:11

Mə mɨ ton kyerɨ əmɨ ɨŋgam əbeŋ we nɨ wə̀d mɔʼɔ ə ghàmə̀, əne mɔ̌ yɨə wə̀d rɨ̀sɔ̀ʼɔ̀ ɨ bɔ, məd yɨə bə̀ ə wə̀d rɨ̀sɔ̀ʼɔ̀ ɨ num.

1 Kɔrèn 7:19

Mbɨ mɨ fə nè wə̀d kɨ̀ chəi mbɨ kɨrɨ ne əməd, ka əze yɨ i ənû ə mɔʼɔ. Ənû nɨ kuʼnɨ yɨ ni mbɨ nuŋ tɨkə rɨ Ŋwiə̀.

Gàlesìyà 2:20

əne kaʼi mɔ̌ yeʼ ɨkǎ. Wə̀d we nɨ yeʼ ɨkǎ yɨə Kristo we nɨ yeʼ ɨŋga num. Ɨ̀tènɨ̀ we nɨ mə berɨ tɨ̀nîn yɨ ɨmbə̀ʼ ɨchî nɨ mə̀ nuŋ fîŋ ɨgun ə Wan Ŋwìə̀ we nɨ nyaʼa ghaʼ əmɨ əne nàʼ i ɨnyod ənɨ əghɨ ə̀fà ɨmbə̀ʼ əmɨ.

Gàlesìyà 5:6

Ɨchî nɨ tɨ̀ yeʼ ənɨ ɨfɔtɨ mbɨ Kristo, əne chəi ənû nɨ mbɨ ne wə̀d kɨ̀ ənû nɨ chəi mbɨ ne wə̀d ə berɨ ənû ə mɔʼɔ nɨ ghɨ̀. Ənû ə kyeŋ yɨ nɨ chwi ni tɨ̀ fə nuŋ fîŋ ɨgun ə Kristo ɨchî nɨ tɨə ghaʼə bə̂d.

Efesùs 1:23

Ɨfetɨ we yɨə nyamnyod Kristo. Ɨ wɨə swe ɨnû mbe nɨ bu rɨ ənɨ Kristo. Kristo ziə wɨə bə swe ɨnû jìm ɨsɨ jìm.

Efesùs 2:14

Məd ziə nyaʼa ghɨ̀ əbɔrəbɔd ə nyɨ əkaʼ mɨ̀Jû mbɨ ə bə̂d mbe nɨ kaʼi mɨ̀Jû ɨchî nɨ wɨ̀ nyaʼa fɔtɨ əwa ənɨ mbɨ mɔʼ. Əne wɨ̀ fə swe əkən ze nɨ nyaʼə ghabrɨ əwa, əne yɨə pə̀n ze nɨ nyaʼa əkaʼ na.

Efesùs 2:15

Ənɨ wɨ̀ nyaʼa kwɨ əzed ə baʼnɨ, wɨ̀ nyaʼa nimnɨ tɨkə rɨ Mose bə̀ nimnɨ ɨnû mbe nɨ tɨkə nyaʼə kə̀bə̀ ni bə̂d ghɨ ə. Wɨ̀ nyaʼa ghɨ əne ɨmbə̀ʼ nɨŋ tɨnəbɨ tɔ rɨ̀be tekɨ ɨnəbɨ fi mɔʼ. Əze ə nyaʼa ghɨ̀ ni əbɔrəbɔd ə nyɨ əkaʼ tɨnəbɨ tɔ̂ rɨ̀be.

Efesùs 3:17

Mə wɨə bə̀ kɔ̀ŋgɨ̀ə̀ ni ə ɨbenɨ ghɨ ni Kristo chub ɨŋga tə fîŋ fɔrɨ ni mbə̀ ghaʼ ə Ŋwiə̀ bə̀ ghaʼ mbə bɔŋgɔb. Mbə mɨ ghɨ əne, mbə bɨrɨ yeʼ ɨghabɨ əzed nɨ ɨghaŋ nyɨ ə si, bə̀ yeʼ ɨghabɨ ə nəb nɨ mbɨ bɔm ɨgun əchɨ.

Efesùs 3:6

Ənû zɔ̂ nɨ yeʼ ənə̀mə yɨ ni, ənjìm ɨkə̂n chɔ̀m, bə̂d mbe nɨ kaʼi mɨ̀Jû fə sɨ mə̀jɨnəb mbɨ mɨ̀Jû. Mbɨ fə sɨ ɨsɨ ɨnyod tɨ ənɨ ə nyamnyod mɔʼ. Mbɨ fə bə̀ berɨ əbà ənɨ ənû ze nɨ Ŋwìə̀ nyaʼa che ənjìm ə Kristo Yeso kàʼ.

Efesùs 6:8

Mbə kyerɨ ni tɨ mɨ ghɨ̀ ɨ̀chɔ̀m mɔʼɔ, Ə̀nùŋɨ̀sɨg bɨrɨ chɔʼ a ə̀fàʼì, kɨ̀ tɨ kɨ ɨ̀bòʼò kɨ̀ bə̂d nɨ yeʼ ənɨ ə ɨghəm.

Kòlosè 2:10

Ɨ̀tènɨ̀ wɨ ɨŋga nən ɨ swi ɨchî nɨ mbə̀ yeʼ ənɨ ɨfɔtɨ mbɨ Kristo. Məd ə chè ɨzwî jìm mbe nɨ yeʼ ɨkaŋ bə̀ chè ɨzwî jìm mbe nɨ yeʼ ɨŋga ɨsɨg.

1 Jɔn 5:20

Tɨ̀ bə̀ kyerɨ ni Wan Ŋwìə̀ fə yeʼe. Wɨ̀ fə ghɨ̀ ni tɨ̀ kyerɨ ɨnû, ɨmbə̀ʼ tɨ̀ kyerɨ Ŋwìə̀ we nɨ yeʼ wɨ rəsìʼ. Tɨ̀ wɨ ənɨ ɨfɔtɨ mbɨ Ŋwìə̀ we nɨ yeʼ wɨ rəsìʼ. Tɨ̀ wɨə bə̀ ənɨ ɨfɔtɨ mbɨ Wan məd Yeso Kristo. Məd yɨə Ŋwìə̀ rəsìʼ we nɨə ghɨ̀ ni bə̂d jɨg ɨ̀tènɨ̀ rɨ mì.

2 Jɔn 1:9

Wə̀d we nɨ chəi wɨə ghɨ̀ ɨnû mbe nɨ Yeso nyaʼə chwi ɨ na, àyɨə ɨ wɨə wo ɨmbì ghɨ̀ə̀ yeʼ ɨnû mbe nɨ che mbe nɨ wɨ̀ chwiə, chəi məd ənɨ ənû ə mɔʼ mbɨ ə Ŋwiə̀. We nɨə ghɨ̀ ɨnû mbe nɨ Kristo nyaʼə chwiə wɨ ənɨ ənû ə mɔʼ mbɨ Mbǎʼ fɔrɨ mbɨ ə Wan.