Kòlosè 2:6 - Meta’

⁶ Ɨchî nɨ mbə̀ fə ben ni Kristo Yeso yɨ Ə̀nùŋɨ̀sɨg, əne mbə̀ wo ɨmbì chub ənɨ ənû ə mɔʼ mbɨ məd.

Ikan feg

⁶ Icheg ne mbə̀ fə bḛ Yeso Kristo gha məd ya Anɔŋisəg, mbə̀ bə chè imbìghè ni ya fàʼà inug icheg ne məd kə̀bi.

Kòlosè 2:6 ပူးပေါင်းရင်းမြစ်များ

Matìyò 10:40

“Wə̀d mɔʼɔ we nɨ nɨŋ əwən, fə bə̀ nɨŋ əmɨ. Wə̀d mɔʼɔ we nɨ nɨŋ əmɨ, fə bə̀ nɨŋ wə̀d we nɨ nyaʼa tom əmɨ.

Jn 13:20

Mə ghà rəsìʼ ɨ nən ni wə̀d mɔʼɔ we nɨ nɨŋ wə̀d we nɨ mə̀ tomɨ fə bə̀ nɨŋ əmɨ. We nɨ nɨŋ əmɨ, fə bə nɨŋ wə̀d we nɨ nyaʼa tom əmɨ.”

Jn 14:6

Yeso nyaʼa wììrɨ̀ ɨ bɔ ni, “Mɔ̌ yɨə ɨnə̂njɨ̀ fɔrɨ rəsìʼ bə̀ fɔrɨ ɨ̀tènɨ̀. Chəi wə̀d mɔʼɔ nɨ tɨ̀ wɨ̀ wò əsɨ mɨ Mbǎʼ kɨrɨ ənɨ wɨ̀ che ənɨ mɨ njìm.

1 Kɔrèn 1:30

À yɨə Ŋwìə̀ nyaʼa ghɨ̌ ni mbə̀ yeʼ ənɨ ɨfɔtɨ mbɨ Kristo Yeso. Məd yɨ we nɨ Ŋwìə̀ ghɨ ni tɨ̀ che ənjìm məd berɨ ɨwe. Wɨ̀ fə ghɨ̀ ni tɨ̀ təm kùʼnɨ̀. Wɨ̀ fə zeŋnɨ əwa bə̀ choʼ mba ɨtu.

2 Kɔrèn 5:7

Tɨ̀ wɨ ɨkǎ ɨmbə̀ʼ ɨbenɨ, kaʼi ɨmbə̀ʼ ɨghɨ mbe nɨ tɨə zəə.

Gàlesìyà 2:20

əne kaʼi mɔ̌ yeʼ ɨkǎ. Wə̀d we nɨ yeʼ ɨkǎ yɨə Kristo we nɨ yeʼ ɨŋga num. Ɨ̀tènɨ̀ we nɨ mə berɨ tɨ̀nîn yɨ ɨmbə̀ʼ ɨchî nɨ mə̀ nuŋ fîŋ ɨgun ə Wan Ŋwìə̀ we nɨ nyaʼa ghaʼ əmɨ əne nàʼ i ɨnyod ənɨ əghɨ ə̀fà ɨmbə̀ʼ əmɨ.

Gàlesìyà 3:26

Mbə̀n mɨjìm yɨə bɔn Ŋwiə̀ ənjìm ɨchî nɨ mbə̀ nuŋ fîŋ ɨgun ə Kristo Yeso.

Efesùs 4:1

Mɔ̌, nɨ mə̀ yeʼ wə̀d ndəŋ ɨmbə̀ʼ ɨchî nɨ mɨə fàʼ əmbɨ Ə̀nùŋɨ̀sɨg, wɨə buʼ ɨbɔ ɨ nən ni mbə̀ chub ɨchî nɨ kuʼnɨ, nɨ yeʼ ɨchî we nɨ Ŋwiə̀ tɔŋ əwən ni mbə̀ chubɨ.

Fìlipì 1:27

Kɨ̀ à kɨ ənû ə ye ə, mbə mɨchî berɨ kùʼnɨ̀ mbɨ ɨchî nɨ ɨkə̂n chɔ̀m ɨmbə̀ʼ ə Kristo chwi, ɨmbə̀ʼ zɨə mɨ chwi ni mə yeʼe zə əwən kɨ̀ ni tɨ mə̀ yeʼe əmɨ, mə bɨrɨ zu ni mbə fə təm kàànɨ̀ mbɨ ə fîŋ mɔʼ fɔrɨ mbɨ ɨkɔndɨ mɔʼ, bə̀ zu ni mbə mbɨə kywɨ ənywɨ ɨnɔ̂n ɨ zə ni bə̂d nuŋ fîŋ ɨgun Kristo ɨchî nɨ ɨkə̂n chɔ̀m chwiə.

Kòlosè 1:10

Tɨ̀ wɨə kɔ̀ŋgɨ̀ əməd ɨmbə̀ʼ wɨ̀ ghɨ ni mbə̀ chub ɨchî nɨ Ə̀nùŋɨ̀sɨg kəbɨ. Tɨ̀ wɨə bə̀ kɔ̀ŋgɨ̀ə̀ ni mbə̀ sɨə ghɨ̀ ɨnû jìm mbe nɨ bɨrɨ ghɨ ni fîŋ məd bɔŋ ə. Ɨchî nɨ mbə̀ə chubə bɨrɨ ghɨ ni mbə ghɨ ɨ̀chɔ̀m ənɨ tɨkwɨrɨ ɨnə̂njɨ̀ nɔnɔʼ bə̀ ghɨ̀ ni mbə sɨə jeŋgɨə kyerɨ ə Ŋwiə̀ wò ɨmbì.

Kòlosè 3:17

Əne ɨnû jìm mbe nɨ mbə̀ə ghɨ̀ə̀, kɨ̀ ənɨ mbe nɨ mbə̀ə ghàə̀, mbə ghɨ ənɨ ɨkum Ə̀nùŋɨ̀sɨg Yeso. Mbə mɨə ghɨ̀ə̀ əne, mbə bɨrɨ yeʼə chè ənjìm məd nàʼə̀ məben-əwe əmbɨ Ŋwiə̀ Mbǎʼ.

1 Tèsàlonikà 4:1

Mba bɔŋgɔb, ɨ wo ɨmbì, tɨ̀ nyaʼa fə chwi ɨchî nɨ tɨ̀ mbə̀ chubɨ ɨmbə̀ʼ ghɨ ni fîŋ Ŋwìə̀ bɔŋ ə. À yɨ rəsìʼ ni mbə mbɨə chub əne. Tɨ̀nîn tɨ̀ wɨə buʼ ɨbɔ bə̀ ghà ɨ nən ənɨ ɨkum Ə̀nùŋɨ̀sɨg Yeso ni mbə̀ wo ɨmbì ghɨ əne chè ɨchî nɨ mbə̀ nyaʼə bèə̀ ghɨ̀ə̀.

Mə̀Hibrù 3:14

Tɨ̀ bɨrɨ yeʼ ənɨ ənû ə mɔʼ mbɨ Kristo ənɨ tɨ̀ yim ənû ze nɨ tɨ̀ nyaʼa be benɨ wò pè ənɨ ɨnwǐ.

1 Jɔn 2:6

Wə̀d mɔʼɔ we nɨ ghà ni tə wɨ ənɨ ənû ə mɔʼ mbɨ ə Ŋwiə̀ berɨ beenɨ àmei əbɔʼ tɨkyerɨ-ɨwu Yeso Kristo.

1 Jɔn 5:20

Tɨ̀ bə̀ kyerɨ ni Wan Ŋwìə̀ fə yeʼe. Wɨ̀ fə ghɨ̀ ni tɨ̀ kyerɨ ɨnû, ɨmbə̀ʼ tɨ̀ kyerɨ Ŋwìə̀ we nɨ yeʼ wɨ rəsìʼ. Tɨ̀ wɨ ənɨ ɨfɔtɨ mbɨ Ŋwìə̀ we nɨ yeʼ wɨ rəsìʼ. Tɨ̀ wɨə bə̀ ənɨ ɨfɔtɨ mbɨ Wan məd Yeso Kristo. Məd yɨə Ŋwìə̀ rəsìʼ we nɨə ghɨ̀ ni bə̂d jɨg ɨ̀tènɨ̀ rɨ mì.

Jûd 1:3

Mbɨ bɔŋgɔb nɨ mə̀ ghaʼi kwàʼ rɨŋgəʼ, mə wɨə nyaʼə kàŋə̀ kə̀b nɨ ŋwaʼnɨ ɨ nən ɨmbə̀ʼ ɨchî nɨ mba mɨjìm fɔtɨ jwɨ̀ rəŋgəʼ, àyɨə mə nyaʼa zə ni zɨə bɔ̀ŋ ni mə̀ ŋwaʼnɨ tìmbɨ̀ əwən ni mbə̀ zɔŋə wò ɨmbì ɨmbə̀ʼ ɨbenɨ we nɨ Ŋwìə̀ nyaʼa fə zɨ ɨŋga rɨkyerɨ-ɨbɔ mbi bə̂d fən ɨghəm mɔʼ.