Kòlosè 1:24 - Meta’

²⁴ Mə wɨə ghaʼə rɨ̀nîn ɨchî nɨ mɨə zəə ŋgəʼ ɨmbə̀ʼ əwən, ɨmbə̀ʼ ɨghəm nɨ mə wɨə màànɨ̀ ɨchî nɨ Kristo nyaʼa zə ŋgəʼ ɨmbə̀ʼ i nyamnyod. Nyamnyod ze yɨ ɨfetɨ bə̂d məd.

Ikan feg

²⁴ Mə we gyènde amad anìŋ imbə̀ʼ icheg ne Kristo ya zə̰ ngəʼ imbə̀ʼ awən. Mə ya zə̰ ngəʼ fàʼà anìŋ imbə̀ʼ icheg ne Kristo ya zə̰ ngəʼ imbə̀ʼ ìzi nyàmnyɔd, ni ghì gha zì kweg. Nyàmnyɔd məd ze ya ifeti bəd Kristo.

Kòlosè 1:24 ပူးပေါင်းရင်းမြစ်များ

Mk 10:39

Mbɨ nyaʼa wììrɨ̀ ɨ bɔ ni, “Tɨ̀ we tɨ̀ rɨ̀ ghɨ̀ əne.” Yeso nyaʼa sɨ ghà əmbɨ mɨ̀mə̌d ni, “Mbə bɨrɨ zə ŋgəʼ ze nɨ mɨə zəə, bə̀ nɨŋ mɨnib ɨchî nɨ mə bɨrɨ nɨŋ;

Ɨ̀fàʼì 5:41

Bə̂d tom mbe nyaʼa sàŋ mə̀saʼ əbeŋ mbe yènə̀ ghaʼə ni Ŋwìə̀ fə zə əwən ni mbə kuʼ nɨ zə ŋgəʼ bə̀ berɨ tɨ̀nìd ətu ɨmbə̀ʼ ə Yeso.

Rm 5:3

Ka àmei əne, tɨ̀ bɨrɨ bɨ goŋ ɨgɔ̂ ɨmbə̀ʼ ɨchî nɨ tɨə zəə ŋgəʼ, ɨmbə̀ʼ ɨghəm nɨ tɨ̀ kyerɨ ni ɨzə-ŋgəʼ wɨə ghɨ̀ ni bə̂d nyiʼ fîŋ,

Rm 8:17

Tɨ̀ mɨ yeʼ bɔn, əne yɨ ni tɨ̀ yɨ mə̀jɨnəb Ŋwiə̀ nɨ fɔtɨ ənû əjɨnəb mbɨ Kristo. Əne yɨ ənɨ tɨ̀ zə ŋgəʼ mbɨ məd ɨmbə̀ʼ bɨ berɨ ɨwumnɨ we nɨ Ŋwìə̀ bɨrɨ naʼ ɨ bɔ.

1 Kɔrèn 12:27

Tɨ̀nîn, mbə̀ yɨə nyamnyod Kristo, əne wə̀d mɔʼ mɔʼ rəbɔʼ nən yɨ əba rɨ ənɨ ə nyamnyod ze.

2 Kɔrèn 12:15

Mə bɨrɨ kaŋ ghaʼ nɨ naʼ ɨghɨjìm mbe nɨ mə berɨ bə̀ nàʼ mɨ ɨnyod ɨ nən. Mə mɨ ghaʼ əwən əku, mbə wa bɨrɨ ghaʼ əmɨ àmei rɨpiî ə?

2 Kɔrèn 6:10

Bə̂d mɔʼɔ mbɨə ghɨ̀ mbɨ na ɨghabɨ ni tɨ̀ yɨə bə̂d nɨə kə̀nə̀, àyɨə tɨ̀ wɨə ghaʼrɨ əwa ɨghəm jìm. Bə̂d mɔʼɔ mbɨə ghɨ̀ mbɨ na ɨghabɨ ni tɨ yɨə bə̂d ɨkwaŋ, àyɨə tɨ wɨə ghɨ̀ ni bə̂d mɨ̀nɔnɔʼ fuʼ əwən. Bə̂d mɔʼɔ mbɨə neŋ əwa ni tɨ̀ yɨə bə̂d nɨ chəi əghɨ, àyɨə tɨ̀ berɨ ɨghɨjìm.

2 Kɔrèn 7:4

Mɨ fîŋ zɨə kaŋ ɨgwɨ nən. Mə wɨə kàŋə̀ nɔ ɨnyod ɨmbə̀ʼ əwən. Mbə fə tìmbɨ̀ əmɨ kwàʼ ɨchî chɔ̀m. Ɨŋga a ŋgəʼ jìm, ɨghaʼi nɨ chè əbɔ ə swi ɨŋga mɨ fîŋ ɨmbə̀ʼ əwən.

Efesùs 1:23

Ɨfetɨ we yɨə nyamnyod Kristo. Ɨ wɨə swe ɨnû mbe nɨ bu rɨ ənɨ Kristo. Kristo ziə wɨə bə swe ɨnû jìm ɨsɨ jìm.

Efesùs 3:1

À yɨ ɨmbə̀ʼ ənû zɔ̂ nɨ Ŋwìə̀ fɔtɨ bə̂d ənɨ mbɨ mɔʼ nɨ mɔ̌, Pɔ̂l, yeʼ wə̀d ndəŋ ɨmbə̀ʼ mbə̀n mbe nɨ kaʼi mɨ̀Jû. Mə yɨə wə̀d ndəŋ ɨmbə̀ʼ ɨghəm nɨ mə wɨə ghà ɨkə̂n chɔ̀m ɨmbə̀ʼ ə Kristo Yeso.

Efesùs 3:13

Əne mə wɨə buʼ ɨbɔ ni tɨ tə fîŋ bɔd i, ɨmbə̀ʼ ɨghəm nɨ mə wɨə zəə ŋgəʼ ɨmbə̀ʼ əwən. Ɨnû mbɔ̂ jìm yɨ ɨmbə̀ʼ weerɨ əwən.

Fìlipì 3:10

Mə wɨə kəb kyerɨ ə Kristo. Mə wɨə bə̀ kəb kyerɨ ɨka we nɨ Kristo nyaʼa berɨ ənɨ wɨ̀ nyaʼa zwemə. Mə wɨə kə̀b zə ŋgəʼ ɨchî nɨ wɨ̀ nyaʼa zə, bə̀ kə̀b kwɨ ɨchî nɨ wɨ̀ nyaʼa bə kwɨ

Kòlosè 1:18

Məd yɨ ətu rɨ ənɨ nyamnyod məd, əne yɨ ɨfetɨ bə̂d Kristo. Məd yɨ ɨkɔ rɨ ənɨ ɨfetɨ we. Məd yɨə bə ə wan-fə̀d nɨ zwemə tɨ ənɨ ɨvɨ. Əne yɨ ni məd yɨ ə̀chèmbì ənɨ ɨghɨjìm.

2 Timotì 1:8

Əne tɨ e ətu ə nid i nɨ gha ɨmbə̀ʼ a Ə̀nùŋɨ̀sɨg, kɨ̀ nɨ gha ɨmbə̀ʼ ɨchî nɨ mə̀ yeʼ wə̀d ndəŋ ɨmbə̀ʼ əməd. Àyɨə tekɨ ɨnyod nɨ zə ɨkwɨ ŋgəʼ we nɨ mɨə zə ɨmbə̀ʼ ɨkə̂n chɔ̀m. À bɨrɨ ghɨ əne ənjìm ɨka we nɨ Ŋwìə̀ naʼ ɨ ne.

Jems 1:2

Mbɨ bɔŋgɔb, mbə̀ ghaʼrɨ əwən ənɨ mɨ̀nyùmə̀ jìm mbe nɨ tɨkwɨrɨ ɨ̀kwàʼnɨ̀ nɔnɔʼ nyɨ ɨgwɨ nən.