Kòlosè 1:20 - Meta’

²⁰ Zɨə nyaʼa bə̀ bɔ̀ŋ ɨ bɔ ni wɨ̀ chè ənjìm məd màànɨ̀ tàŋ mbɨ ɨghɨjìm, əne yɨ ɨghɨ mbe nɨ yeʼ ɨgwɨ ə si mbɨ mbe nɨ yeʼ ɨkaŋ. Wɨ̀ nyaʼa bə̀ ghɨ̀ ni bə̂d mɨ̀jìm chub ənɨ əbɔrəbɔd. Wɨ̀ nyaʼa ghɨ̀ əne ənjìm ənəm Wan məd ze nɨ wɨ̀ nyaʼa chəmnɨ əzed ə baʼnɨ.

Ikan feg

²⁰ Ŋwiye ya bə̀ chè anjìm Kristo ni niŋ ighi ijìm ane ìwi nyɔd, kə̀ àkə ighi ne yaʼi igun isəg, kə̀ ighi ne yaʼi ikaŋ àbɔ̀ŋɔ. À ya anjìm anəm ze ne Ŋwan məd we ya ku igun azed abaʼri ne Ŋwiye mànì achɔb tì ighi ijìm.

Kòlosè 1:20 ပူးပေါင်းရင်းမြစ်များ

Matìyò 1:21

Wɨ̀ bɨrɨ gywɨ wan mbaŋə̀, à chu əməd ni Yeso, ɨmbə̀ʼ ɨghəm nɨ à yɨə məd bɨrɨ chɨ mbi bə̂d tɨ əton ɨka we nɨ ɨnû rɨbɔ̀ŋ berɨ ɨgwɨ mɨ̀mə̌d.”

Lk 2:14

“Tɨ̀ wumnɨ ə Ŋwìə̀ we nɨ yeʼ ɨkaŋ, əbɔrəbɔd ə nyɨ ɨgwɨ ə bə̂d mbe nɨ wɨ̀ ghaʼi ɨgwɨ ə si!”

Ɨ̀fàʼì 10:30

Kɔneliùs nyaʼa ghà ni, “À nyaʼa ɨghabɨ ə nyùmə̀ wɔ̂, ənɨ ɨni fə chè ɨkwè, mə̀ wɨə nyaʼə kɔ̀ŋgɨ̀ ə Ŋwiə̀ ɨŋga mɨ nəb ənɨ mɨ̀nyùmə̀ mɨ̀tad əziə. Mə̀ nɨ zə, mbaŋə̀ mɔʼɔ nɨ nyaʼa zɨ ngywɨ̌ nɨə teenɨə nyaʼa sàʼ təm ənɨ mɨ ɨfě.

Rm 5:1

Ɨchî nɨ Ŋwìə̀ ben ni tɨ̀ fə təm kùʼnɨ̀ ənjìm a ɨbenɨ, əne tɨ̀ wɨ ənɨ əbɔrəbɔd mbɨ ə Ŋwiə̀ ənjìm a Ə̀nùŋɨ̀sɨg Yeso Kristo.

Efesùs 1:10

Wɨ̀ nyaʼa nuŋ əne, ɨmbə̀ʼ ənɨ nyùmə̀ kuʼu, wɨ̀ bɨrɨ nɨŋ ɨghɨjìm mbe nɨ yeʼ ɨkaŋ mbɨ mbe nɨ yeʼ ɨgwɨ ə si fɔtɨ mbɨ Kristo nɨ yeʼ ətu ɨgwɨ ɨghɨ mbe jìm.

Fìlipì 2:10

Wə̀d mɔʼɔ mɨ tɔŋ ɨkum Yeso, bə̂d mɨ̀jìm ɨkaŋ, ɨgwɨ ə si, mbɨ əton ə si bɨrɨ chìndɨ̀ ɨtu ɨnywɨ ə si.

Kòlosè 1:16

Ŋwiə̀ nyaʼa chè ənjìm məd tekɨ ɨghɨjìm mbe nɨ yeʼ ɨkaŋ mbɨ mbe nɨ yeʼ ɨgwɨ ə si. Wɨ̀ nyaʼa chè ənjìm məd tekɨ ɨghɨ mbe nɨ mbɨə zəə mbɨ mbe nɨ chəi mbɨə zəə. Wɨ̀ nyaʼa bə̀ chè ənjìm məd tekɨ mbɨ̀aŋgɨrə̀, tekɨ ɨzwî mbe nɨə tùmbɨ̀ ɨsɨ mbe rɨ ɨgwɨ si bə̀ tekɨ ɨzwî ka ka mbe nɨə tùmbɨ̀ ɨsɨ mbe rɨ əton ɨkaŋ. Ŋwìə̀ nyaʼa tekɨ ɨghɨjìm ənjìm məd, bə̀ tekɨ ɨghɨjìm ɨmbə̀ʼ mbɨ wumnɨ əməd.

Mə̀Hibrù 2:17

À yɨ əton nɨ wɨ̀ nyaʼa berɨ yeʼ ɨghabɨ mbi bɔŋgɔb ənɨ ɨnû jìm, ɨmbə̀ʼ wɨ̀ yeʼ ətu ɨgwɨ ə bə̂d mbàn Ŋwìə̀. Ɨ wɨə dììrɨ̀ə̀ bə̂d bə̀ fàʼ əmbɨ ə Ŋwiə̀ ənɨ i fîŋ jìm. Ɨ wɨə ghɨ̀ əne ɨmbə̀ʼ Ŋwìə̀ waʼ ɨnû rɨbɔ̀ŋ bə̂d.