Kòlosè 1:17 - Meta’

¹⁷ Ŋwìə̀ nyaʼa tekɨ əməd bɔŋ wɨ̀ nyaʼə sɨə tekɨ ɨghɨjìm. À yɨ ɨŋga məd nɨ ɨghɨjìm fɔtɨ ənɨ mbɨ mɔʼ.

Ikan feg

¹⁷ Məd ya fə yaʼi yi bɔŋ Ŋwiye ya se tàngi ighi ijìm. À ya məd ghi gha ighi ijìm yaʼ icheg ne mbi yaʼi.

Kòlosè 1:17 ပူးပေါင်းရင်းမြစ်များ

Jn 17:5

Əne tɨ̀nîn, kyɨə Mbǎʼ, wumnɨ əmɨ əsɨ ze nɨ à yeʼ əŋgu. Wumnɨ əmɨ ɨchî nɨ à nyaʼə wumnɨə bɔŋ à nyaʼa sɨə tekɨ ɨsɨg.

Jn 8:58

Yeso nyaʼa ghà əmbɨ mɨ̀mə̌d ni, “Mə ghà rəsìʼ ɨ nən ni bɔŋ mbɨ nyaʼa sɨə gywɨ ə Abràham, mə nyaʼa fə sɨ əmɨ əŋgu!”

Ɨ̀fàʼì 17:28

Wə̀d ɨwe mɔʼɔ nyaʼa ghà ni, 'Tɨ̀ wɨ ɨkǎ, bə̀ yènə̀, bə̀ berɨ a ɨ̀tènɨ̀ ənɨ ɨka nɨ nɔʼ rɨ bɔ.' Mbə bə̂d nɨə ŋwàʼnɨ̀ ɨnû nyaʼa bə̀ ghà ni, 'À yɨ rəsìʼ ni tɨ yɨə bə̀ ə bɔn məd.'

1 Kɔrèn 8:6

àyɨə ɨ na, Ŋwìə̀ mei we mɔʼ, nɨ yeʼ Mbǎʼ. Ɨghɨjìm yɨ rɨ ɨ bɔ. Tɨ̀ wɨ ɨka ɨmbə̀ʼ əməd. Tɨ̀ bə̀ berɨ Ə̀nùŋɨ̀sɨg mɔʼ, nɨ yeʼ ə Yeso Kristo. Ŋwìə̀ nyaʼa tekɨ ɨghɨjìm ənjìm məd. Tɨ̀ wɨə bə̀ ɨka ɨmbə̀ʼ əməd.

Kòlosè 1:15

Kristo we nɨ mbɨə zəə yɨ ɨghabɨ ə Ŋwiə̀ we nɨ chəi bə̂d ə zəə. Məd yɨə wan-fə̀d ɨgwɨ ɨghɨjìm mbe nɨ Ŋwìə̀ tekɨ.

Mə̀Hibrù 1:3

Wan we wɨə chwi ɨchî nɨ ɨzeŋɨ zeŋɨ Ŋwìə̀ ə teə. Ɨnû jìm ɨmbə̀ʼ əməd mbɨə chwi ɨchî nɨ Ŋwìə̀ ziə yeʼ ə. Ɨ wɨə ghɨ̀ə̀ ni ɨsɨg chub ɨchî nɨ wɨ yeʼ ə. Ɨ wɨə ghɨ̀ əne ənjìm ɨka we nɨ yeʼ ənɨ ɨŋgam məd. Ənɨ wɨ̀ nyaʼa fə ghɨ̌ Ŋwiə̀ waʼ ɨnû rɨbɔ̀ŋ bə̂d, wɨ̀ nyaʼa chub əbà əbɔ ə jɨg ə Məd we nɨ berɨ ɨka jìm.

Mə̀Hibrù 13:8

Yeso Kristo wɨ əndəŋ əndəŋ ɨchî nɨ wɨ̀ kɨə kəʼ rɨwɔ̀, ɨchî nɨ wɨ̀ yeʼ rəchɔ̀ŋ mbɨ ɨchî nɨ wɨ̀ bɨrɨ ten əne koŋ.

Ɨnû 1:11

ni, “Ŋwaʼnɨ ɨnû mbe nɨ àwɔ̀ ə zəə. À mɨ ŋwàʼnɨ̀, à tom əmbɨ rɨfetɨ bə̂d Kristo te sambe: əmbɨ ɨfetɨ wɨ rɨ ə Efesùs, əmbɨ we rɨ ə Smainà, əmbɨ we rɨ ə Pegamùm, əmbɨ we rɨ ə Tìatirà, əmbɨ we rɨ ə Sadìs, əmbɨ we rɨ ə Fìlàdelfià fɔrɨ əmbɨ we rɨ ə Laodisià.”

Ɨnû 1:17

Ənɨ mə̀ nyaʼa zə əməd, mə nyaʼa gù ə si ɨban ɨwu məd sɨ ɨghabɨ əvɨ ə wə̀d. Àyɨə wɨ̀ nyaʼa zab e əbɔ ə jɨgɨ ɨgwɨ num ghà ni, “Tɨrə̀ bɔ e, mɔ̌ yɨə wɨ rɨtu bə̀ yeʼ we nɨ sɨ nwìə̀.

Ɨnû 1:8

Ə̀nùŋɨ̀sɨg Ŋwìə̀ we nɨ yeʼ rɨ̀nîn, nɨ nyaʼa bei əŋgu, nɨ bɨrɨ wɨrɨ yeʼe, ə ghà ni, “Mɔ̌ yɨə Alfà fɔrɨ ə Omegà.”

Ɨnû 2:8

Ə̀nùŋɨ̀sɨg nyaʼa bə̀ ghà ɨ num ni: “Ŋwaʼnɨ əmbɨ aŋgɨrə̀ we nɨ yeʼ ɨŋga ɨfetɨ bə̂d Kristo we rɨ ə Smainà ni, 'Ɨŋgam wɔ̂ yɨ rɨ əmbɨ wɨ rɨtu nɨ bə̀ yeʼ we nɨ sɨ nwìə̀, nɨ nyaʼa kwɨ wɨrɨ zwemə.