Jn 8:32 - Meta’

³² Mbə bɨrɨ kyerɨ rəsìʼ, əne rəsìʼ we bɨrɨ ghɨ ni mbə̀ yeʼ ənɨ ə ɨghəm.”

Ikan feg

³² Mbə̰ biri kyeri tesiʼ, ane, tesiʼ we biri pumni awən.”

Jn 8:32 ပူးပေါင်းရင်းမြစ်များ

Matìyò 11:29

Mbə̀ zuunɨ əmɨ, əne kwembɨ ɨnû rɨ num, ɨmbə̀ʼ ɨghəm nɨ mə wɨə bɔtɨə rɨ ə fîŋ bə̀ swiə mɨ ɨnyod ə si. Mbə mɨ ghɨ̀ əne, tə fîŋ bɨrɨ zùtɨ̀,

Jn 1:14

Ɨŋgam we nyaʼa bèŋ ənɨ ə wə̀d mɨ̀sɔŋɨchù, chub əkaʼ na. Tɨ̀ nyaʼa zə ɨwumnɨ məd nɨ yeʼ ɨwumnɨ we nɨ wɨ̀ nyaʼa berɨ ɨchî nɨ wɨ̀ mei Wan we mɔʼ nɨ Mbǎʼ berɨ. Ɨ̀chɔ̀m mbɨ rəsìʼ nyaʼa swi ɨŋga məd.

Jn 1:17

Ŋwìə̀ nyaʼa naʼ tɨkə ənjìm ə Mose, àyɨə ɨ̀chɔ̀m mbɨ rəsìʼ nyaʼa yeʼe ənjìm ə Yeso Kristo.

Jn 14:6

Yeso nyaʼa wììrɨ̀ ɨ bɔ ni, “Mɔ̌ yɨə ɨnə̂njɨ̀ fɔrɨ rəsìʼ bə̀ fɔrɨ ɨ̀tènɨ̀. Chəi wə̀d mɔʼɔ nɨ tɨ̀ wɨ̀ wò əsɨ mɨ Mbǎʼ kɨrɨ ənɨ wɨ̀ che ənɨ mɨ njìm.

Jn 16:13

Ənɨ Əzwî ze nɨə ghɨ̀ ni bə̂d kyerɨ rəsìʼ ə yeʼe, wɨ̀ bɨrɨ chwi rəsìʼ jìm ɨ nən. Ka wɨ̀ bɨrɨ gham i ənɨ i ɨghəm. Wɨ̀ bɨrɨ ghà yeʼ ənû ze nɨ wɨ̀ zǔ. Wɨ̀ bɨrɨ zeŋnɨ mbə ɨtu ɨmbə̀ʼ ɨnû mbe nɨ yeʼ ɨmbì.

Jn 17:17

Ghɨ mbɨ sweŋ ə ɨnyod ɨ ne ənjìm ɨchî nɨ mbɨ kyerɨ rəsìʼ. Wə̀d mɨ kyerɨ e ɨŋgam əne yɨ ni wɨ̀ fə kyerɨ rəsìʼ.

Jn 6:45

Bə̂d ɨ̀kə̀n Ŋwìə̀ nyaʼa ŋwàʼnɨ̀ ni, 'Ŋwìə̀ bɨrɨ chwi ɨnû əmbɨ mɨ̀mə̌d mɨjìm.' Wə̀d jìm we nɨ zu ənû ze nɨ Ŋwìə̀ ghǎ bə̀ kwembɨ ənû rɨ bɔ bɨrɨ yeʼe əsɨ num.

Jn 7:17

Wə̀d mɔʼɔ mɨ kə̀b ghɨ ɨnû mbe nɨ Ŋwìə̀ kəbɨ, wɨ̀ bɨrɨ kyerɨ ni ɨnû mbe nɨ mɨə chwiə yɨ rɨ əmbɨ ə Ŋwiə̀, kɨ̀ ni mə wɨə ghàə̀ yeʼ ənɨ mɨ ɨka.

Jn 8:36

Wan Ŋwìə̀ mɨ fə chɨ̀ əwən tɨ ənɨ ə̀bòʼò, əne wɨ̀ fə chɨ̀ əwən koŋ.

Rm 6:22

Tɨ̀nîn nɨ chəi ɨnû rɨbɔ̀ŋ wɨrɨ berɨ ənû ə mɔʼɔ nɨ ghɨ mbɨ nən, mbə̀ yɨ sɨ ɨ̀bòʼò əmbɨ ə Ŋwiə̀. Əghɨ ze nɨ mbə̀ bɨrɨ jɨg yɨ ɨzeŋɨ zeŋɨ, əne ɨnwǐ yɨ ɨ̀tènɨ̀ rɨ mì,

Rm 8:15

Chəi Əzwî ze nɨ Ŋwìə̀ fə naʼ ɨ nən ə ghɨ̀ ni mbə ben ɨ̀bòʼò, əne wɨrɨ kɔ bɔ, àyɨə mbə fə berɨ Əzwî ze nɨ ghɨ əwən ənɨ ə bɔn Ŋwiə̀. À yɨ Əzwî ə ghɨ ni tɨ̀ kyeŋ ni, “Mbǎʼ! mɨ Mbǎʼ!”

Rm 8:2

ɨmbə̀ʼ ɨghəm nɨ ɨkə Əzwî we nɨə ghɨ̀ ni bə̂d jɨg ɨ̀tènɨ̀ ɨchî nɨ mbɨ yeʼ ənɨ ɨfɔtɨ mbɨ Kristo Yeso fə chɨ̀ əmɨ rɨŋga tɨkə te nɨə ghɨ̀ wə̀d ghɨ̀ ɨnû rɨbɔ̀ŋ əne kwɨ.

1 Kɔrèn 7:22

Wə̀d we nɨ Ə̀nùŋɨ̀sɨg nyaʼa tɔŋ əməd ənɨ wɨ̀ nyaʼa ə̀bòʼò, fə sɨ ənɨ i ɨghəm ɨchî nɨ wɨ̀ yeʼ ənɨ ɨfɔtɨ mbɨ Ə̀nùŋɨ̀sɨg. À yɨə bə̀ əndəŋ əndəŋ ni wə̀d we nɨ nyaʼa ənɨ i ɨghəm ənɨ ə nyùmə̀ we nɨ Ə̀nùŋɨ̀sɨg nyaʼa tɔŋ əməd fə sɨ ə̀bòʼò ə Kristo.

Gàlesìyà 5:1

Kristo fə chɨ̀ əwa rɨ əton ə̀bòʼò, ɨmbə̀ʼ tɨ rɨ̀ wɨrɨ chub a əton ə̀bòʼò. Mbə̀ təm kàànɨ̀, ɨmbə̀ʼ tɨ wə̀d mɔʼɔ ghɨ̀ i ni mbə̀ wɨrɨ ben ə̀bòʼò əmbɨ rɨkə.

Gàlesìyà 5:13

Mbɨ bɔŋgɔb, Ŋwìə̀ nyaʼa tɔŋ əwən ni mbə̀ yeʼ mbi bə̂d, ɨmbə̀ʼ tɨ mbə̀ wɨrɨ ben ə ɨ̀bòʼò əmbɨ rɨkə. Tɨ ənû zɔ̂ ni chəi mbə̀ wɨrɨ ben ɨ̀bòʼò ə chwi ni mbə̀ ghɨ ɨnû mbe nɨ tə nyamnyod ə feenɨə. Mə kə̀b yeʼ ni ɨghaʼi ghɨ ni mbə̀ faʼ əmbɨ mbə bɔŋgɔb,

2 Timotì 3:7

Ɨ mbɨə zwetɨ ɨnû rɨ əmbɨ wə̀d jìm, àyɨə chəi mbɨ bɨrɨ nɔ kyerɨ rəsìʼ ɨmbə̀ʼ ə Ŋwiə̀.

Jems 1:25

Ŋwìə̀ bɨrɨ zɨ əbɔrəbɔd ɨgun ə wə̀d we nɨ jeŋgɨ neŋ rɨkə te nɨ bɔŋɨ màànɨ̀, nɨ yeʼ rɨkə te nɨə ghɨ̀ ni wə̀d chub ənɨ i ɨghəm. Wɨ̀ bɨrɨ zɨ əbɔrəbɔd ze ɨmbə̀ʼ wɨ̀ wo ɨmbì ghɨ̀ ɨnû mbe nɨ yeʼ ɨŋga rɨkə te, nɨ chəi wɨ̀ neb ɨnû mbe nɨ wɨ̀ nyaʼa be zu, àyɨə ɨ wɨə ghɨ̀ ɨnû rəŋgu.

Jems 2:12

Mbə ghàmə̀ bə̀ ghɨ̀ ɨnû ɨghabɨ ə bə̂d mbe nɨ Ŋwìə̀ bɨrɨ saʼ mɨ̀mə̌d əton ɨkə we nɨə ghɨ̀ ni bə̂d chub ənɨ ə ɨghəm,

1 Pità 2:16

Mbə̀ chub ɨghabɨ ə bə̂d mbe nɨ yeʼ ənɨ ə ɨghəm, àyɨə tɨ mbə nɨŋ əwən ɨchî nɨ mbə̀ə chub ənɨ ə ɨghəm ɨmbə̀ʼ ghɨ ɨnû rɨbɔ̀ŋ. Mbə̀ chub ɨchî nɨ bə̂d ə̀fàʼì Ŋwiə̀ berɨ chubɨ.

2 Jɔn 1:1

À yɨə mɔ̌, nɨ mə̀ yeʼ wə̀d we nɨə chà ɨfetɨ bə̂d Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ ɨ ne, àwɔ̀ Əyi kyeŋ we nɨ Ŋwìə̀ nyaʼa chɔʼɔ fɔrɨ əmbɨ mbe bɔn. Mə kàŋ ghaʼ əwən ənɨ rəsìʼ. Kaʼ àmei mɔ̌ ghaʼ əwən, bə̂d mɨjìm mbe nɨ kyerɨ rəsìʼ we nɨ tɨə ghàə̀ bə̀ ghaʼ əwən.