Jn 7:28 - Meta’

²⁸ Ənɨ Yeso nyaʼə chwi ɨnû ɨŋga mbàn Ŋwìə̀, wɨ̀ nyaʼa gham rɨ̀kǎ ghà ni, “Mbə kàŋ kyerɨ əmɨ bə̀ kyerɨ əsɨ ze nɨ mə̀ nɔʼ rəŋgu. Chəi mə nyaʼa yeʼe ɨŋga ɨsɨg wɔ̂ ənɨ mɨ ɨghəm. Àyɨə wə̀d we nɨ nyaʼa tom əmɨ wɨə ghàə̀ rəsìʼ. Chəi mbə̀ kyerɨ əməd,

Ikan feg

²⁸ Yeso yaya kiri chwite inug inga mbàn Ŋwiye. Ane, wì ya si ghàm ane gì ka ka gha, “E! Mbə̰ mbe tì mbə̰ kyeri amə bə̀ kyèri asiŋi ne mə̀ nɔʼi angu. Si ya gha, chəyi mə̀ yeʼe igun isəg ane ìmə ighəm. Wə̀d we ne cha amə, ya wə̀d ne ghà tesiʼ. Chəyi mbə̀ kyeri aməd.

Jn 7:28 ပူးပေါင်းရင်းမြစ်များ

Matìyò 11:27

“Mɨ Mbǎʼ fə nàʼ ɨghɨjìm ɨ num. Chəi wə̀d mɔʼɔ əŋgu nɨ jeŋgɨ kyerɨ Wan chè rɨ ənɨ Mbǎʼ. Chə bəi wə̀d mɔʼɔ əŋgu nɨ bə jeŋgɨ kyerɨ Mbǎʼ chè rɨ ənɨ Wan fɔrɨ wə̀d mɔʼɔ we nɨ Wan də̀b nɨ chwi əməd ɨ bɔ.

Matìyò 2:23

Wɨ̀ nyaʼa pè chub əsɨ ze nɨ mbɨ nyaʼə tɔŋ ənɨ ə Nazàret, ɨmbə̀ʼ ənû ze nɨ bə̂d ɨ̀kə̀n Ŋwiə̀ nyaʼa gha, ə jwɨ ənɨ rəsìʼ ni, “Mbɨ bɨrɨ sɨə tɔŋ əməd ənɨ wə̀d rɨ ə Nazàret.”

Matìyò 26:55

Yeso nyaʼa ghà əmbɨ mɨnɔ̂n bə̂d mbe ni, “Mbə sɨ yeʼe ɨ gywɨ əmɨ mbɨ mɨbi fɔrɨ mbɨ ɨtum mbàŋ ɨghabɨ ni mə̀ yɨ ɨjɨ ə? Mə wɨə nyaʼə chub ɨŋga mbàn Ŋwìə̀ ɨni jìm chwiə ɨnû, àyɨə chəi mbə̀ nyaʼa gywɨ əmɨ.

Lk 10:22

“Mɨ Mbǎʼ fə naʼ ɨghɨjìm ɨ num. Chəi wə̀d mɔʼɔ əŋgu nɨ jeŋgɨ kyerɨ Wan chè rɨ ənɨ Mbǎʼ. Chəi bəi wə̀d mɔʼɔ əŋgu nɨ bə jeŋgɨ kyerɨ Mbǎʼ chè rɨ ənɨ ə Wan fɔrɨ wə̀d we nɨ Wan də̀b nɨ chwi əməd ɨ bɔ.”

Lk 2:11

Tə̀chɔ̀ŋ wɔ̂, mbɨ fə gywɨ Wə̀d nɨə chɨ̀ə̀ bə̂d rəŋgəʼ ɨŋga əsɨ ze nɨ mbɨ nyaʼa gywɨ ɨfɔ̀n Dèvîd. Məd yɨə Kristo Ə̀nùŋɨ̀sɨg.

Lk 2:39

Ənɨ Jòsêf mbɨ Mèri nyaʼa ghɨ ɨnû jìm mbe nɨ nyaʼa ɨŋga rɨkə Ə̀nùŋɨ̀sɨg, mbɨ nyaʼa bə̀ndɨ̀ wò ə Nazàret nɨ yeʼ əsɨ ze nɨ mbɨ nyaʼə chub əŋgu. Nazàret wɨə nyaʼa ɨŋga əba əbeŋ ze rɨ ə Galiliî.

Lk 2:4

Jòsêf nyaʼa nɔ̀ʼ rɨ ə Nazàret nɨ nyaʼa ɨŋga əbà əbeŋ ze rɨ ə Galiliî, kɔʼ wò əbà əbeŋ ze rɨ ə Jùdeyà. Wɨ̀ nyaʼa wò ə Betlehem nɨ yeʼ əsɨ ze nɨ mbɨ nyaʼa gywɨ ɨfɔ̀n Dèvîd. Wɨ̀ nyaʼa wò əŋgu ɨmbə̀ʼ ɨghəm nɨ məd yɨə nyaʼə tɨ ənɨ əghaŋ ə Dèvîd.

Lk 2:51

Wɨ̀ nyaʼa ghɨ əne, swiʼi mbɨ mɨ̀mə̌d mbɨ wò ə Nazàret. Wɨ̀ nyaʼa pè zuunɨ mɨ̀mə̌d. Ɨŋgɔb məd nyaʼa yim ɨnû mbɔ̂ jìm ɨŋga i fîŋ.

Jn 1:46

Natanaèl nyaʼa biirɨ ɨ bɔ ni, “Tɨ ənû ə chɔ̀m ə mɔʼɔ ə jwɨ̀ rɨ ə Nazàret ə?” Filip nyaʼa wììrɨ̀ ɨ bɔ ni, “Yeʼe, zə.”

Jn 10:36

Mbə̀ mbɨə ghà ɨmbə̀ʼ mɔ̌ we nɨ Mbǎʼ nyaʼa zɔʼɔ chà ɨŋga ɨsɨg ni mə wɨə zɔ̀m ə Ŋwiə̀ ɨmbə̀ʼ ɨchî nɨ mə̀ gha ni, 'Mə yɨə Wan Ŋwìə̀ ə'?

Jn 12:49

Chəi mə̀ gha ɨnû mbɔ̂ ənɨ mɨ ɨghəm. Mɨ Mbǎʼ ziə we nɨ nyaʼa tom əmɨ fə nàʼ ɨkə ɨ num ɨmbə̀ʼ ənû ze nɨ mə berɨ nɨ ghà bə̀ ghàm.

Jn 14:10

Chəi à ben ni mə wɨ ənɨ ənû ə mɔʼ mbɨ ə Mbǎʼ fɔrɨ ni Mbǎʼ wɨ ənɨ ənû ə mɔʼ mbɨ num ə? Ɨŋgam we nɨ mə̀ gha ɨ nən, chəi mə̀ ghà əmɨ ənɨ mɨ ɨghəm. À yɨə Mbǎʼ we nɨ yeʼ ənɨ ənû ə mɔʼ mbɨ num we ə ghɨ̀ ɨnû mbe nɨ wɨ̀ kəbɨ.

Jn 14:31

àyɨə mə wɨə ghɨ̀ àmei ɨchî nɨ Mbǎʼ gha ɨ num, ɨmbə̀ʼ ɨsɨg kyerɨ ni mə ghaʼ ə Mbǎʼ. Mbə̀ nɔʼ tɨ̀ kɔ wo a.”

Jn 16:3

Mbɨ bɨrɨ ghɨ ɨnû mbɔ̂ ənɨ ə nən ɨmbə̀ʼ ɨghəm nɨ chəi mbɨ kyerɨ ə Mbǎʼ kɨ bè kyerɨ əmɨ.

Jn 17:25

Mbǎʼ nɨə ghɨ̀ ɨnû ɨchî nɨ kuʼnɨ, chəi ɨsɨg kyerɨ əwe, àyɨə mə kyerɨ əwe. Bə̂d mbɔ̂ nɨ à nyaʼa naʼ ɨ num kyerɨ ni à yɨ àwɔ̀ nyaʼa tom əmɨ.

Jn 17:3

Ɨ̀tènɨ̀ rɨ mì yɨ ni bə̂d kyerɨ əwe, àwɔ̀ we nɨ yeʼ mei we mɔʼ nɨ yeʼ Ŋwìə̀ rəsìʼ. Ɨ̀tènɨ̀ rɨ mì yɨə bə ni bə̂d kyerɨ ə Yeso Kristo we nɨ à nyaʼa tomɨ.

Jn 3:2

Mbaŋə̀ zɔ̂ nyaʼa wò əsɨ Yeso ɨzimɨ pè ghà ɨ bɔ ni, “Əchwiə̀-ɨnû, tɨ̀ ə kyerɨ ni àwɔ̀ yɨ əchwiə̀-ɨnû we nɨ Ŋwìə̀ tom. Chəi wə̀d mɔʼɔ əŋgu nɨ tɨ̀ wɨ̀ ghɨ̀ ɨnû yiirɨ mbɔ̂ nɨ àwɔ̀ ə ghɨ̀ə̀, kɨrɨ ənɨ Ŋwìə̀ wɨ mbɨ məd.”

Jn 3:33

Wə̀d we nɨ ben ənû ze nɨ wɨ̀ ghǎ fə bə̀ ben ni ənû ze nɨ Ŋwìə̀ ghǎ yɨ rəsìʼ.

Jn 5:32

Àyɨə wə̀d mɔʼɔ wɨ əŋgu nɨə ghà ɨnû ɨmbə̀ʼ əmɨ. Mə kyerɨ ni ɨnû mbe nɨ məd ə ghàə̀ yɨ ɨnû rəsìʼ.

Jn 5:43

Mə fə yeʼe ənɨ ɨkum mɨ Mbǎʼ, əne chəi mbə̀ nɨŋ əmɨ, àyɨə wə̀d mɔʼɔ mɨ yeʼe ənɨ i ɨghəm, mbə bɨrɨ nɨŋ əməd.

Jn 6:42

Mbɨ nyaʼa ghà ni, “Ɨmbə̀ʼ mbaŋə̀ zɔ̂ yɨə Yeso, wan Jòsêf ə? Ɨmbə̀ʼ tɨ̀ kyerɨ mbǎʼ məd mbɨ ɨŋgɔb məd ə? Wɨ̀ sɨ chè rɨ ye ghà tɨ̀nîn ni tə nyaʼa swiʼi rɨkaŋ ə?”

Jn 7:14

Ənɨ mbɨ nyaʼa fə jɨg əchwɨ̂ ze nə̀ə̀nɨ̀, Yeso nyaʼa kɔʼ wò ɨŋga mbàn Ŋwìə̀, pè kɔ chwi ɨnû.

Jn 8:14

Yeso nyaʼa wììrɨ̀ ni, “Kaʼ mə bè yeʼə ghà əmɨ ɨmbə̀ʼ mɨ ɨnyod mɔ̌ mɔ̌, ənû ze nɨ mə̀ ghàə̀ yɨ ənû rəsìʼ, ɨmbə̀ʼ ɨghəm nɨ mə kyerɨ əsɨ ze nɨ mə nɔʼ rəŋgu bə̀ kyerɨ əze nɨ mɨə wò əŋgu, àyɨə chəi mbə̀ kyerɨ əsɨ ze nɨ mə̀ nɔʼ rəŋgu kɨ̀ əze nɨ mɨə wò əŋgu.

Jn 8:16

Ka mə be yeʼə saʼə bə̂d, mə wɨə saʼ ɨchî nɨ kùʼnɨ̀, ɨmbə̀ʼ ɨghəm nɨ kaʼ i mɔ̌ rə̀zìʼ ə saʼə. Mə wɨə saʼə mbɨ Mbǎʼ we nɨ nyaʼa tom əmɨ.

Jn 8:19

Ənɨ wɨ̀ nyaʼa gha əne, mbɨ nyaʼa biirɨ ɨ bɔ ni, “E mbǎʼ kɨ ə yi ə?” Yeso nyaʼa wììrɨ̀ ni, “Chəi mbə̀ kyerɨ əmɨ kɨ̀ mɨ Mbǎʼ. Mbə mɨ kə̀ʼ kyerɨ əmɨ, njɨ mbə bə̀ kə̀ʼ kyerɨ mɨ Mbǎʼ.”

Jn 8:26

Mə berɨ ɨnû nɔnɔʼ nɨ gha ɨmbə̀ʼ əwən. Mə bə̀ berɨ ɨnû nɔnɔʼ nɨ zɨ ɨsaʼi ɨgwɨ nən. Wə̀d we nɨ nyaʼa tom əmɨ wɨə ghà rəsìʼ, əne ɨnû mbe nɨ mə̀ zu rɨ bɔ, yɨ mbɨwən mbe nɨ mɨə ghà əmbɨ ɨsɨg.”

Jn 8:42

Yeso nyaʼa ghà əmbɨ mɨ̀mə̌d ni, “Ŋwìə̀ mɨ kə̀ʼ yeʼ ə Mbǎʼ, njɨ mbə ghaʼ əmɨ, ɨmbə̀ʼ ɨghəm nɨ mə yɨ rɨ əsɨ ə Ŋwiə̀. Chəi mə̀ nyaʼa yeʼe ənɨ mɨ ɨghəm. À yɨə məd nyaʼa tom əmɨ.

Jn 9:29

Tɨ̀ kyerɨ ni Ŋwìə̀ nyaʼa ghàm əmbɨ Mose, à yeʼ ɨmbə̀ʼ mbaŋə̀ zɔ̂, chəi tɨ̀ kyerɨ əsɨ ze nɨ wɨ̀ nɔʼ rəŋgu.”

Ɨ̀fàʼì 17:23

ɨmbə̀ʼ ɨghəm nɨ ənɨ mə nyaʼə chè ɨŋga əsɨ zɔ̂ ɨ nən, mə wɨə nyaʼə yènə̀ nèŋ ɨghɨ mbe nɨ mbə̀ə wumnɨə. Əne mə nyaʼa zə ɨkwi ɨjə̀ŋ ə̀fààrɨ̀ mɔʼɔ nɨ mbɨ ŋwaʼnɨ ɨgun ni, 'Əmbɨ ŋwìə̀ we nɨ chəi tɨ̀ kyerɨ.' Əne Ŋwiə̀ we nɨ mbə̀ə wumnɨə nɨ chəi mbə̀ kyerɨ, yɨ wɨwən we nɨ mə̀ yeʼe ɨ gha ɨnû ɨmbə̀ʼ əməd ɨ nən.

Rm 1:28

Ɨchî nɨ chəi mbɨ nyaʼa zə ni zɨə kùʼ nɨ kyerɨ ə Ŋwiə̀, Ŋwìə̀ nyaʼa ghɨ̀ ni mbɨ berɨ tɨkɔndɨ rɨbɔ̀ŋ, ɨmbə̀ʼ sɨə ghɨ̀ ɨnû mbe nɨ chəi mbɨ nyaʼa berɨ nɨ ghɨ̀.

Rm 3:4

Chə̂! Mbə̀ kyerɨ ni Ŋwìə̀ wɨə ghà rəsìʼ, ka à bè yeʼi ni wə̀d jìm yɨə wə̀d mɨghab. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Mbɨ berɨ chwiə ni ɨŋgam we nɨ àwɔ̀ ə ghàə̀ yɨ ɨŋgam nɨ kuʼnɨ, əne à bɨrɨ jɨg ɨsaʼi əwù ze nɨ mbɨ saʼ əwe.”

2 Kɔrèn 1:18

Ŋwìə̀ wɨə kàʼ ɨnû bə ghɨ̀ə̀, əne ka ɨŋgam we nɨ tɨə ghà ɨ nən yɨ i ənû nɨ gha ni “Ee” kɨ̀ ənû nɨ gha ni “Chə̂,”

2 Kɔrèn 4:6

Ŋwiə̀ we nɨ nyaʼa gha ni, “Ɨzeŋɨ zeŋɨ te ɨŋga ɨsɨ firɨ,” fə te ɨŋga ta fîŋ ɨmbə̀ʼ naʼ ɨzeŋɨ zeŋɨ ɨ na, ɨmbə̀ʼ tɨ̀ kyerɨ ɨzeŋɨ zeŋɨ Ŋwiə̀ we nɨə te ənɨ ɨfě Kristo.

Tayitùs 1:2

Təsìʼ wɔ̂ bɨrɨ ghɨ ni tɨ̀ nuŋ rɨkɔndɨ wòm ɨ̀tènɨ̀ rɨ mì we nɨ Ŋwìə̀ kaʼi. Ŋwìə̀ we nɨ chəi wɨə ghà mɨghab nyaʼa kàʼ ɨ̀tènɨ̀ wɔ̂ bɔŋ wɨ̀ nyaʼa sɨə tekɨ ɨsɨg.

Mə̀Hibrù 6:18

Ɨnû nɨ chəi ənɨ tɨ mbɨ kwepɨ mbɨ ɨbe nɨ chəi Ŋwìə̀ bɨrɨ nɔ gha mɨghab ɨmbə̀ʼ mbɨwən. Əne mbà mbe nɨ fə norɨ wo nə̀mbɨ̀ əton məd mbe tɨ rɨ̀ yim fîŋ ɨmbə̀ʼ berɨ ənû ze nɨ tɨə nùŋ rɨkɔndɨ wòmə̀.

1 Jɔn 5:10

Wə̀d we nɨ ben Wan Ŋwìə̀ fə bə̀ ben ənû ze nɨ Ŋwìə̀ ghǎ. We nɨ chəi wɨ̀ ben ənû ze nɨ Ŋwìə̀ ghǎ ɨmbə̀ʼ i Wan wɨə ghàə̀ ni Ŋwìə̀ yɨə wə̀d mɨghab, ɨmbə̀ʼ ɨghəm nɨ chəi məd ben ənû ze nɨ Ŋwìə̀ ghǎ ɨmbə̀ʼ i Wan.