Jn 6:51 - Meta’

⁵¹ Mɔ̌ yɨə ŋgə̀ŋ ze nɨə nàʼ ɨ̀tènɨ̀ nɨ nyaʼa swiʼi rɨkaŋ. Wə̀d mɔʼɔ we nɨ jɨg ŋgə̀ŋ zɔ̂ bɨrɨ ten i koŋ. Ŋgə̀ŋ ze nɨ mə̀ bɨrɨ nàʼ ni ɨsɨg jɨg tènə̀ yɨ mɨ nyamnyod.”

Ikan feg

⁵¹ Mo ya ngə̀ŋ ze ne swiʼi ikaŋ àbɔ̀ŋɔ ne nàʼà ìtḛ̀. Mbə̰ mə̀ jəg ngə̀ŋ izo̰, mbə biri chughi izɔm ane ighə̀m imɔʼ. Ngə̀ŋ ze ne mə̀ biri nàʼ abə wə̀d ijìm igun isəg gha wì jəg bèrì ìtḛ̀, à ya ìmə nyàmnyɔd.”

Jn 6:51 ပူးပေါင်းရင်းမြစ်များ

Matìyò 20:28

Chəi Wan Wə̀d nyaʼa yeʼe ni bə̂d faʼ ɨ bɔ. Wɨ̀ nyaʼa yeʼe ɨmbə̀ʼ faʼ əmbɨ ə bə̂d. Wɨ̀ nyaʼa bə̀ kwɨ ɨmbə̀ʼ choʼ ɨtu bə̂d mɨ̀nɔnɔʼ.”

Lk 22:19

Ənɨ wɨ̀ nyaʼa ghà əne, wɨ̀ nyaʼa nɨŋ chiŋ ŋgə̀ŋ, nàʼ məben-əwe əmbɨ ə Ŋwiə̀, bəʼrɨ ŋgə̀ŋ ze nàʼ əmbɨ mɨ̀mə̌d ghà ni, “Əzɔ̂ yɨ mɨ nyamnyod nɨ mə̀ naʼ ɨmbə̀ʼ əwən. Mbə sɨə ghɨ̀ əne kɔndɨ əmɨ.”

Jn 1:14

Ɨŋgam we nyaʼa bèŋ ənɨ ə wə̀d mɨ̀sɔŋɨchù, chub əkaʼ na. Tɨ̀ nyaʼa zə ɨwumnɨ məd nɨ yeʼ ɨwumnɨ we nɨ wɨ̀ nyaʼa berɨ ɨchî nɨ wɨ̀ mei Wan we mɔʼ nɨ Mbǎʼ berɨ. Ɨ̀chɔ̀m mbɨ rəsìʼ nyaʼa swi ɨŋga məd.

Jn 1:29

À nyaʼa əni ze nɨ beenɨ, Jɔ̌n we nɨ nyaʼə nàʼ mɨnib nyaʼa zə ə Yeso ənɨ nyaʼə yeʼe əsɨ məd. Əne wɨ̀ nyaʼa ghà ni, “Mbə̀ zə, wɔ̂ yɨə Wan njɨ̀g Ŋwìə̀. Məd wɨə ghɨ̀ ni Ŋwìə̀ waʼ ɨnû rɨbɔ̀ŋ bə̂d mbe rɨŋga ɨsɨg!

Jn 11:26

Kaʼ wə̀d mɔʼɔ we nɨ yeʼ i ɨkǎ nɨ ben əmɨ bɨrɨ nɔ kwɨ i. À ben ənû zɔ̂ ə?”

Jn 3:13

Chəi wə̀d mɔʼɔ nɨ kɨrɨ wo ɨkaŋ, chè rɨ ənɨ Wan Wə̀d nɨ nyaʼa swiʼ rɨkaŋ.

Jn 3:14

Ɨchî nɨ Mose nyaʼa nɔ jɔ brɔnz ɨkaŋ əzed ɨŋga ɨbad rɨkwàʼi, yɨə bə̀ ɨchî nɨ mbɨ berɨ nɔ Wan Wə̀d,

Jn 3:16

“Ŋwìə̀ nyaʼa kàŋ ghaʼ ɨsɨg, əne wɨ̀ nyaʼa chà i Wan we mɔʼ, ɨmbə̀ʼ tɨ wə̀d mɔʼɔ we nɨ ben əməd nim i, àyɨə wɨ̀ jɨg ɨ̀tènɨ̀ rɨ mì.

Jn 3:36

Wə̀d we nɨ ben Wan Ŋwìə̀ fə jɨg ɨ̀tènɨ̀ rɨ mì. Ka wə̀d we nɨ chəi wɨə zuunɨ ə Wan Ŋwìə̀ bɨrɨ jɨg i ɨ̀tènɨ̀, àyɨə Ŋwiə̀ bɨrɨ sə ɨtəm əbɔʼ məd.”

Jn 5:24

“Mə ghà rəsìʼ ɨ nən ni wə̀d we nɨ zu mɨ ɨŋgam, əne ben wə̀d we nɨ nyaʼa tom əmɨ, fə jɨg ɨ̀tènɨ̀ rɨ mì. Chəi mbɨ bɨrɨ saʼ əməd, àyɨə wɨ̀ fə jwɨ̀ rɨ ɨchû ɨvɨ, jɨg ɨ̀tènɨ̀.

Jn 6:33

Ŋgə̀ŋ ze nɨ Ŋwìə̀ ə nàʼə̀ yɨə məd we nɨ swiʼi rɨkaŋ. À yɨə məd we nɨ swiʼ rɨkaŋ ə nàʼ ɨ̀tènɨ̀ əmbɨ ə bə̂d ɨŋga ɨsɨg.”

Jn 6:35

Yeso nyaʼa ghà əmbɨ mɨ̀mə̌d ni, “Mɔ̌ yɨə ŋgə̀ŋ ze nɨə nàʼ ɨ̀tènɨ̀. Kaʼ njì bɨrɨ nɔ wɨrɨ zaŋ i wə̀d we nɨ yeʼe əsɨ num. Kaʼ ədɔʼ ə mɨnib ə bɨrɨ wɨrɨ nɔ ne i wə̀d we nɨ ben ənû ze nɨ mɨə ghàə̀.

Jn 6:41

Ənɨ Yeso nyaʼa gha əne, mɨ̀Jû mbe nyaʼa kɔ dumbɨ ɨmbə̀ʼ əməd, ɨmbə̀ʼ ɨghəm nɨ wɨ̀ nyaʼa gha ni, “Mɔ̌ yɨə ŋgə̀ŋ ze nɨ nyaʼa swiʼi rɨkaŋ.”

Jn 6:47

Mə ghà rəsìʼ ɨ nən ni, wə̀d we nɨ ben ənû ze nɨ mə̀ gha bɨrɨ jɨg ɨ̀tènɨ̀ rɨ mì.

Jn 6:48

Mɔ̌ yɨə ŋgə̀ŋ ze nɨə nàʼ ɨ̀tènɨ̀.

Jn 6:50

Ŋgə̀ŋ zɔ̂ nɨ nɔʼ rɨkaŋ yɨ ze nɨ ka wə̀d mɔʼɔ we nɨ jɨgɨ bɨrɨ nɔ kwɨ i.

Jn 7:38

Wə̀d mɔʼɔ we nɨ ben ənû ze nɨ mɨə ghàə̀, wɨ̀ yeʼe nɨŋ nɔ. Zɨə bɨrɨ yeʼ ɨ bɔ ɨchî nɨ mbɨ ŋwaʼnɨ ɨŋga Ə̀ŋwàʼnɨ̀ ə Ŋwiə̀ ni, 'Mɨgyɨ̂ nɨə nàʼ ɨ̀tènɨ̀ bɨrɨ koŋ rɨŋga fîŋ məd.'”

2 Kɔrèn 5:19

Əne yɨ ni, Ŋwiə̀ nyaʼa chè ənjìm ə Kristo màànɨ̀ taŋ mbɨ ə bə̂d ɨmbə̀ʼ mbɨ yeʼ bə̂d ɨməd. Chəi wɨ̀ nyaʼa taŋ tɨ̀gurɨ-ɨnû bə̂d ɨgwɨ mɨ̀mə̌d. Wɨ̀ nyaʼa zɨ̀ ɨkə̂n ɨmbə̀ʼ ənû nɨ maanɨ taŋ ɨŋga ta rɨkyerɨ-ɨbɔ ni tɨ sɨə ghà əmbɨ ə bə̂d.

2 Kɔrèn 5:21

Ŋwiə̀ nyaʼa ghɨ̀ ni Kristo yeʼ wə̀d ɨnû rɨbɔ̀ŋ nɨ chə nyaʼa i ənû rɨbɔ̀ŋ ɨgwɨ məd, ɨmbə̀ʼ ənɨ ɨfɔtɨ mbɨ məd, tɨ̀ we tɨ̀ rɨ təm kùʼnɨ̀ ɨfě Ŋwiə̀.

Efesùs 5:2

Mbə̀ ghaʼ mbə bɔŋgɔb ɨchî nɨ Kristo ghaʼ əwa əne kwɨ ɨgwɨ mba ɨtu. Məd yɨ ɨghabɨ əghɨ ə̀fà nɨə nyùʼrɨ ɨfɔ chɔ̀m. Məd yɨə bə̀ ɨghabɨ ɨchəmnɨ nɨ mbɨə naʼ əmbɨ ə Ŋwiə̀.

Efesùs 5:25

Mɨnom, mbə̀ ghaʼ mbə məyi ɨchî nɨ Kristo ghaʼ ɨfetɨ bə̂d ɨməd. Wɨ̀ nyaʼa kwɨ ɨgwɨ ətu ɨfetɨ we,

Tayitùs 2:14

Yeso Kristo nyaʼa nàʼ i ɨnyod ɨmbə̀ʼ choʼ mba ɨtu tɨ ənɨ ɨnû rɨbɔ̀ŋ jìm. Wɨ̀ nyaʼa bə̀ nàʼ ɨmbə̀ʼ zeŋɨ əwa ni tɨ̀ yeʼ bə̂d nɨə zɨ̀ ətu nɨ ghɨ ɨnû chɔ̀m.

Mə̀Hibrù 10:20

Wɨ̀ nyaʼa chè ənjìm ə ngywɨ̌ ze nɨ mbɨ nyaʼa tam fiʼ ɨnə̂njɨ̀ fi ɨ na ni tɨ̀ che əŋgu jɨg ɨ̀tènɨ̀. Wɨ̀ nyaʼa ghɨ̀ əne ɨchî nɨ wɨ̀ nyaʼa kwɨ ɨmbə̀ʼ əwa.

1 Pità 2:4

Mbə yeʼe əsɨ məd we nɨ yeʼ ɨti we nɨ yeʼ ɨka. Bə̂d nyaʼa ton əməd, àyɨə Ŋwiə̀ nyaʼa chɔʼ əməd. Məd ə bɔ̀ŋ kwàʼ rɨŋgəʼ ɨfě Ŋwiə̀.

1 Jɔn 2:2

Məd yɨ əghɨ ə̀fà ze nɨ Ŋwìə̀ che ənjìm məd waʼ mba ɨnû rɨbɔ̀ŋ. Ka wɨ̀ bɨrɨ waʼ i àmei mba ɨnû rɨbɔ̀ŋ, wɨ̀ bɨrɨ bɨ waʼ mbɨ bə̂d mɨ̀jìm rɨŋga ɨsɨg.

1 Jɔn 4:10

Wɔ̂ yɨə kaŋ ɨghaʼi rəsìʼ. Kaʼi ni tɨ̀ nyaʼa ghaʼ ə Ŋwiə̀, àyɨə ni məd ziə nyaʼa ghaʼ əwa əne tom i Wan ni wɨ̀ yeʼ əghɨ ə̀fà ze nɨ wɨ̀ bɨrɨ chè ənjìm məd waʼ mba ɨnû rɨbɔ̀ŋ.

1 Jɔn 4:14

Tɨ̀ nyaʼa fə zə, əne tɨ̀ wɨə ghà əmbɨ ə bə̂d ni Mbǎʼ nyaʼa tom i Wan ni wɨ̀ yeʼ wə̀d nɨə chɨ̀ ɨsɨg jìm rəŋgəʼ.