Jn 5:37 - Meta’

³⁷ Mbǎʼ we nɨ nyaʼa tom əmɨ yɨə bə̀ ə zərɨmbin ɨ num. Chəi mbə̀ kweʼ zu gɨ̂ məd kɨ̀ bè zə ɨfě məd.

Ikan feg

³⁷ Ìmə Mbaʼ we ne ya cha amə, Wì fə ghàm tesiʼ imbə̀ʼ amə. Chəyi mbə kweʼì zug gì məd kə kweʼì bàd icheg ne məd yaʼi.

Jn 5:37 ပူးပေါင်းရင်းမြစ်များ

Matìyò 17:5

Ənɨ wɨ̀ nyaʼə kɨrɨ ghàmə̀, pàʼ nɨ nyaʼə fuə bə̀ teə nyaʼa kubrɨ mɨ̀mə̌d mɨjìm. Gɨ̂ mɔʼɔ rɨŋga pàʼ ze nyaʼa ghà ni, “Wɔ̂ yɨ mɨ Wan nɨ mə̀ ghaʼi kwàʼ rɨŋgəʼ, mɨ fîŋ ə bɔ̀ŋ əku ɨmbə̀ʼ əməd. Mbə̀ zu ənû ze nɨ wɨə ghàə̀!”

Matìyò 3:17

Gɨ̂ nyaʼa ghàm rɨkaŋ ghà ni, “Wɔ̂ yɨ mɨ Wan nɨ mə̀ ghaʼi kwàʼ rɨŋgəʼ, mɨ fîŋ ə bɔ̀ŋ əku ɨmbə̀ʼ əməd.”

Mk 1:11

Gɨ̂ mɔʼɔ nyaʼa ghàm rɨkaŋ ghà ni, “Àwɔ̀ yɨ mɨ Wan nɨ mə̀ ghaʼi kwàʼ rɨŋgəʼ. Mɨ fîŋ ə bɔ̀ŋ əku ɨmbə̀ʼ əwe.”

Lk 24:27

Ənɨ wɨ̀ nyaʼa ghà əne, wɨ̀ nyaʼa toʼrɨ ɨnû mbe nɨ Ɨ̀ŋwàʼnɨ̀ Ŋwiə̀ jìm gha ɨmbə̀ʼ əməd ziə. Wɨ̀ nyaʼa kɔ rɨ ənɨ ɨ̀ŋwàʼnɨ̀ mbe nɨ Mose nyaʼa ŋwaʼnɨ wò pè ənɨ mbe nɨ bə̂d ɨ̀kə̀n Ŋwiə̀ mɨjìm nyaʼa bə ŋwàʼnɨ̀.

Lk 3:22

əne Əzwî ə Zeŋɨ ə nyaʼa swiʼi yeʼe ɨgwɨ məd ɨghabɨ tə̀bə̀ŋə. Gɨ̂ mɔʼɔ nyaʼa ghàm rɨkaŋ ghà ni, “Àwɔ̀ yɨ mɨ wan nɨ mə̀ ghaʼi kwàʼ rɨŋgəʼ. Mɨ fîŋ ə bɔ̀ŋ əku ɨmbə̀ʼ əwe.”

Jn 1:18

Chəi wə̀d mɔʼɔ kweʼ zə ə Ŋwiə̀. Àmei Wan we mɔʼ, nɨ yeʼ ɨban ə fîŋ Ŋwìə̀, nɨ fə ghɨ̌ ni bə̂d kyerɨ əməd.

Jn 14:9

Yeso nyaʼa wììrɨ̀ ni, “Ɨmbə̀ʼ mə fə chubɨ mbɨ nən əgha ə se, àyɨə chəi àwɔ̀, Filip, kaŋ kɨrɨ kyerɨ əmɨ ə? Wə̀d jìm we nɨ zə əmɨ fə bə̀ zə ə Mbǎʼ. Àwɔ̀ wɨrɨ che rɨ ye ghà ɨ num ni, 'Chwiə Mbǎʼ ɨ na ə'?

Jn 15:24

À kɨ nɨ chəi mə̀ nyaʼa ghɨ ɨnû əkaʼ mɨ̀mə̌d nɨ chəi wə̀d cherə kweʼ ghɨ̀, njɨ chəi mbɨ nyaʼa ghɨ ɨnû rɨbɔ̀ŋ. Àyɨə tɨ̀nîn mbɨ fə zə ɨnû mbe nɨ mə nyaʼa ghɨ̌, əne ɨ mbɨə bàn əmɨ bə̀ bànə̀ mɨ Mbǎʼ.

Jn 5:32

Àyɨə wə̀d mɔʼɔ wɨ əŋgu nɨə ghà ɨnû ɨmbə̀ʼ əmɨ. Mə kyerɨ ni ɨnû mbe nɨ məd ə ghàə̀ yɨ ɨnû rəsìʼ.

Jn 6:27

Tɨ mbə̀ faʼ ə àmei nɨ berɨ ɨghɨjɨg mbe nɨ bɨrɨ bə, àyɨə mbə̀ faʼ ɨmbə̀ʼ berɨ mbe nɨ bɨrɨ tə̀nə̀. Ɨghɨ mbe bɨrɨ ghɨ̀ mbə jɨg ɨ̀tènɨ̀ rɨ mì. Əzɔ̂ yɨ əghɨjɨg ze nɨ Wan Wə̀d bɨrɨ naʼ ɨ nən. Ŋwìə̀ Mbǎʼ fə nàʼ ɨka ɨ bɔ ni wɨ̀ ghɨ əne.”

Jn 8:18

Mə wɨə ghà ɨnû ɨmbə̀ʼ mɨ ɨnyod. Mɨ Mbǎʼ we nɨ nyaʼa tom əmɨ wɨə bə̀ ghà ɨnû ɨmbə̀ʼ əmɨ.”

1 Timotì 1:17

Bə̂d wumnɨ bə̀ yiirɨ Ɨfɔ̂n we nɨ ten i koŋ, nɨ chəi wɨ̀ bɨrɨ nɔ kwɨ, nɨ chəi bə̂d ə zə əməd, nɨ yeʼ àmei we mɔʼ koŋ koŋ. À yɨ əne.

1 Timotì 6:16

Àmei məd we mɔʼ nɨ chəi wɨ̀ bɨrɨ nɔ kwɨ. Məd wɨə chub ɨŋga ɨzeŋɨ zeŋɨ we nɨ chəi ənɨ tɨ wə̀d tindɨ ɨban. Chəi wə̀d mɔʼɔ kweʼ zə əməd. Chəi wə̀d mɔʼɔ bɨrɨ nɔ zə əməd. Ɨsɨg jìm wumnɨ əməd, məd bə̀ tumbɨ ɨsɨg mbɨ ɨka we nɨ ten i koŋ. À yɨ əne.

1 Jɔn 4:12

Chəi wə̀d mɔʼɔ kweʼ zə ə Ŋwìə̀, àyɨə tɨ̀ mɨ ghaʼ a ɨnyod mbǎ mbǎ, Ŋwìə̀ bɨrɨ yeʼ ənɨ ənû ə mɔʼ mbɨ na. Wɨ̀ nɨə ghɨ əne, ɨghaʼi bɨrɨ swi ɨŋga ta fîŋ.

1 Jɔn 4:20

Wə̀d mɔʼɔ mɨ ghà ni tə ghaʼ ə Ŋwìə̀, àyɨə wɨ̀ bàn wi aŋgɔb, əne məd yɨə wə̀d mɨghab, ɨmbə̀ʼ ɨghəm nɨ ka wə̀d we nɨ chəi wɨ̀ ghaʼ wi aŋgɔb nɨ wɨə zəə, bɨrɨ bɨ ghaʼ i Ŋwìə̀ we nɨ chəi wɨ̀ kweʼ zə.

1 Jɔn 5:9

Bə̂d mɨ̀sɔŋɨchù mɨ ghà ənû ze nɨ mbɨ zə, tɨ̀ wɨə benə, àyɨə əze nɨ Ŋwìə̀ ghǎ ə chè əzɨ mɨ̀mə̌d. Ŋwìə̀ ziə fə ghà ni ənû ɨmbə̀ʼ i Wan yɨ ənû rəsìʼ.