Jn 3:5 - Meta’

⁵ Yeso nyaʼa wììrɨ̀ ni, “Mə ghà rəsìʼ ɨ ne ni chəi wə̀d nɨ tɨ̀ wɨ̀ nyɨ ɨŋga ənû ɨfɔ̀n ə Ŋwiə̀, kɨrɨ ənɨ mbɨ wɨrɨ gywɨ əməd ɨghəm cherə ənɨ mɨnib bə̀ fɔrɨ ənɨ Əzwî ə Ŋwìə̀.

Ikan feg

⁵ Yeso ya ywìtì ibo gha, “Mə ghà kwàʼ tesiʼ ine gha, Chəyi wə̀d ne tì wì nyi inga anug ìfɔ̀n Ŋwiye, kirəndə mbi gwi aməd ane mənib fɔrɔ ane Azwighi Ŋwiye.

Jn 3:5 ပူးပေါင်းရင်းမြစ်များ

Matìyò 18:3

əne ghà ni, “Mə ghà rəsìʼ ɨ nən ni, mbə mɨ rɨ beŋ əwən sɨ ɨghabɨ bɔn kwa, njɨ chəi mbə bɨrɨ nɔ nyɨ ɨŋga ənû ɨfɔ̀n rɨkaŋ.

Matìyò 19:24

Mə yì ghà ɨ nən ni, zɨə zàm əmbɨ ə kàmel nɨ chè ɨbɨgɨ saʼ, chè ɨchî nɨ wə̀d mbɔ̂n bɨrɨ nyɨ ɨŋga ənû ɨfɔ̀n ə Ŋwiə̀.”

Matìyò 21:31

À kɨ wi rəbɔʼ bɔn mbaŋə̀ mbɔ̂ mɨ̀be nɨ nyaʼa ghɨ ənû ze nɨ mbǎʼ məd nyaʼa kə̀b ə?” Mbɨ nyaʼa wììrɨ̀ ni, “À yɨ wɨ rɨtu.” Əne Yeso nyaʼa ghà əmbɨ mɨ̀mə̌d ni, “Mə ghà rəsìʼ ɨ nən ni, məfetɨ mɨ̀tagsɨ̀ mbɨ ɨ̀kùnɨ̀ bɨrɨ be nyɨ ɨŋga ənû ɨfɔ̀n ə Ŋwiə̀ bɔŋ ə mbə̀nə.

Matìyò 28:19

Əne mbə̀ wo əmbɨ ə bə̂d mɨ̀jìm ɨŋga ɨbeŋ jìm, ghɨ̀ ni mbɨ yeʼ mbɨ mə̀mə̀ə̀nɨ̀-ɨnû. Mbə̀ nàʼ mɨnib əmbɨ mɨ̀mə̌d ənɨ ɨkum Mbǎʼ, ənɨ wɨ Wan bə̀ fɔrɨ ənɨ wɨ Əzwî ə Zeŋɨ.

Matìyò 3:11

“Mə wɨə nàʼ mɨnib ɨ nən ɨ chwi ni mbə fə bèŋ tə fîŋ, àyɨə wə̀d we nɨə yeʼe ənɨ mɨ njìm ə dabə chè əmɨ. Mɨ rɨka kùʼ əmɨ nɨ beʼ ɨtabɨ məd. Məd bɨrɨ cha Əzwî ə Zeŋɨ bə̀ chà ɨwid ɨgwɨ nən.

Matìyò 5:20

Mə ghà ɨ nən ni kɨrɨ ənɨ ɨnû chɔ̀m mbe nɨ mbə̀ə ghɨ̀ə̀ mbɨ che mbɨ məchwiə̀ rɨ̀kə̌ bə̀ chè mbɨ mɨ̀Farisiî, njɨ chəi mbə̀ bɨrɨ nɔ nyɨ ɨŋga ənû ɨfɔ̀n rɨkaŋ.

Mk 10:14

Àyɨə ənɨ Yeso nyaʼa zə ənû ze, wɨ̀ nyaʼa sə ɨtəm, əne ghà əmbɨ mbi mə̀mə̀ə̀nɨ̀-ɨnû ni, “Mbə̀ saŋ bɔn kwa mbe yeʼe əsɨ num. Tɨ mbə̀ kən ə mɨ̀mə̌d, ɨmbə̀ʼ ɨghəm nɨ à yɨə bə̂d ɨghabɨ mbɔ̂ bɨrɨ jɨg ənû ɨfɔ̀n ə Ŋwiə̀.

Mk 16:16

We nɨ benɨ, nɨŋ mɨnib, bɨrɨ jwɨ̀ rəŋgəʼ. Àyɨə Ŋwìə̀ bɨrɨ zɨ ɨsaʼi ɨgwɨ we nɨ chəi wɨ̀ benɨ.

Mk 9:47

E ɨghə mɨ ghɨ̀ ni à ghɨ ənû rɨbɔ̀ŋ, chɔʼ. Zɨə bɔ̀ŋ ni à nyɨ ɨŋga ənû ɨfɔ̀n ə Ŋwìə̀ mbɨ ɨghə mɔʼ, chè ɨchî nɨ à bɨrɨ berɨ əghə əbe Ŋwìə̀ màʼ əwe ɨŋga əsɨ ɨchə.

Lk 13:24

“Mbə̀ kywɨ ənywɨ nyɨ ɨchû nəb we nɨ fandə, ɨmbə̀ʼ ɨghəm nɨ bə̂d mɨ̀nɔnɔʼ bɨrɨ kəb nyɨ, àyɨə chəi ənɨ tɨ̀ mbɨ nyɨ.

Lk 13:3

Mə ghà ɨ nən ni, Chə̂! Mbɨ mɨ ton beŋ ə tə fîŋ, njɨ mbə̀n mɨjìm bɨrɨ bɨ kwɨ.

Lk 13:5

Mə ghà ɨ nən ni, Chə̂! Mbɨ mɨ ton beŋ ə tə fîŋ, njɨ mbə̀n mɨjìm bɨrɨ bɨ kwɨ.”

Jn 1:13

Chəi mbɨ nyaʼa yeʼ bɔn Ŋwiə̀ ɨchî nɨ wə̀d mɨ̀sɔŋɨchù nyaʼa gywɨ mɨ̀mə̌d, kɨ̀ ɨchî nɨ wə̀d mɨ̀sɔŋɨchù nyaʼa taŋ nùŋɨ̀, kɨ̀ ɨchî nɨ wə̀d mɨ̀sɔŋɨchù nyaʼa kəbɨ. Àyɨə Ŋwìə̀ ziə nyaʼa ghɨ̀ ni mbɨ yeʼ mbi bɔn.

Jn 3:3

Yeso nyaʼa wììrɨ̀ ɨ bɔ ni, “Mə ghà rəsìʼ ɨ ne ni chəi wə̀d mɔʼɔ əŋgu nɨ tɨ̀ wɨ̀ nyɨ ɨŋga ənû ɨfɔ̀n ə Ŋwiə̀, kɨrɨ ənɨ mbɨ wɨrɨ gywɨ əməd ɨghəm cherə.”

Jn 3:4

Nikodemùs nyaʼa biirɨ ɨ bɔ ni, “Mbɨ kɨə wo gywɨ wə̀d ɨghəm cherə rɨ ye əwù ze nɨ wɨ̀ fə nun əwi ə? Ɨ we tɨ wɨ̀ wɨrɨ nyɨ ɨŋga ɨbum ɨŋgɔb məd ənɨ ɨghəm nɨ pe be, ɨŋgɔb wɨrɨ gywɨ əməd ɨghəm cherə ə?”

Ɨ̀fàʼì 2:38

Pità nyaʼa wììrɨ̀ əmbɨ mɨ̀mə̌d ni, “Wə̀d mɔʼ mɔʼ rəbɔʼ nən beŋ i fîŋ, nɨŋ mɨnib ənɨ ɨkum Yeso Kristo, ɨmbə̀ʼ Ŋwìə̀ waʼ mbə ɨnû rɨbɔ̀ŋ. Mbə mɨ ghɨ̀ əne, mbə bɨrɨ berɨ ɨneʼe nɨ yeʼ Əzwî ə Zeŋɨ.

Ɨ̀fàʼì 3:19

Əne mbə̀ beŋ tə fîŋ, wò əsɨ ə Ŋwiə̀ ɨmbə̀ʼ wɨ̀ waʼ mbə ɨnû rɨbɔ̀ŋ.

Rm 14:17

Mbə̀ kyerɨ ni ka ənû ɨfɔ̀n ə Ŋwiə̀ yɨ i ənû nɨ jɨg bə̀ nɔ. À yɨ ənû nɨ ghɨ ɨnû nɨ kùʼnɨ̀, ənû nɨ chub ənɨ əbɔrəbɔd mbɨ ənû nɨ chub ənɨ ɨghaʼi ɨchî nɨ tɨ̀ yeʼ ənɨ ɨfɔtɨ mbɨ Əzwî ə Zeŋɨ.

Rm 8:2

ɨmbə̀ʼ ɨghəm nɨ ɨkə Əzwî we nɨə ghɨ̀ ni bə̂d jɨg ɨ̀tènɨ̀ ɨchî nɨ mbɨ yeʼ ənɨ ɨfɔtɨ mbɨ Kristo Yeso fə chɨ̀ əmɨ rɨŋga tɨkə te nɨə ghɨ̀ wə̀d ghɨ̀ ɨnû rɨbɔ̀ŋ əne kwɨ.

1 Kɔrèn 15:50

Bɔŋgɔb, ənû ze nɨ mɨə ghà ɨ nən yɨ ni, chəi əghɨ ze nɨ berɨ nyamnyod bə̀ berɨ ənəm ə ze tɨ̀ zɨə jɨg ənû ɨfɔ̀n ə Ŋwìə̀. Chə bəi əghɨ ze nɨə kwɨə ə ze tɨ̀ zɨə jɨg ɨghɨ mbe nɨ chəi mbɨə kwɨə.

1 Kɔrèn 2:12

Tɨ̀nîn Əzwî ze nɨ Ŋwìə̀ ə nàʼ ə fə sɨ i ɨŋga na. Chəi əzwî ze nɨ yeʼ ɨŋga ɨsɨg ɨŋga na. Əzwî ze nɨ Ŋwìə̀ ə nàʼ ə zɨ ɨŋga na ɨmbə̀ʼ tɨ̀ kyerɨ mɨneʼe mbe nɨ Ŋwìə̀ naʼ ɨ na.

1 Kɔrèn 6:11

Bə̂d mɔʼɔ rəbɔʼ nən mbɨə nyaʼə ghɨ̀ ɨnû mbɔ̂. Àyɨə Ə̀nùŋɨ̀sɨg Yeso Kristo mbɨ Əzwî à Ŋwiə̀ fə sò əwən bə̀ zeŋnɨ əwən, ghɨ̀ mbə təm kùʼnɨ̀.

Gàlesìyà 6:15

Kɨ̀ mbɨ nè wə̀d, kɨ̀ chəi mbɨ ne wə̀d, chəi əze ə berɨ ənû ə mɔʼɔ nɨ ghɨ̀. Ənû ə kyeŋ nɨ yeʼ əŋgu yɨ ni tɨ̀ yɨə sɨə bə̂d fi.

Efesùs 5:26

ɨmbə̀ʼ ɨfetɨ we chub ɨzeŋɨ zeŋɨ ɨchî nɨ wɨ̀ nyaʼa so ənɨ mɨnib bə̀ sò ənɨ ɨŋgam Ŋwiə̀.

1 Pità 1:2

Ŋwìə̀ Mbǎʼ nyaʼa chɔʼ əwən ni mbə̀ yeʼ mbi bə̂d ɨchî nɨ wɨ̀ nyaʼa fə nuŋɨ. Əzwî əməd ə fə ghɨ̀ mbə zeŋ, ɨmbə̀ʼ mbə̀ zuunɨ ə Yeso Kristo bə̀ ghɨ̀ ni ənəm əməd ze nɨ wɨ̀ nyaʼa chəmnɨ ə zeŋnɨ əwən. Ɨ̀chɔ̀m Ŋwiə̀ mbɨ əbɔrəbɔd əməd yeʼe ɨgwɨ nən ɨ ə̀bù ə̀bù.

1 Pità 3:21

Mɨnib mbɔ̂ nɨ mbɨ nyaʼə nəŋ ɨgun nyaʼa təm ənɨ ənû nɨ bə̂d ə nɨŋə mɨnib. À yɨ mɨnib mbe ə chɨ̀ əwən rəŋgəʼ tɨ̀nîn. Kaʼ ənû nɨ nɨŋ mɨnib yɨ i ənû nɨ chɨ rɨfiŋ tɨ ənɨ ɨnyod. À yɨ ənû nɨ mbə̀ kaʼ əmbɨ ə Ŋwiə̀ mbɨ ə fîŋ nɨ zeŋɨ. Ənû nɨ nɨŋ mɨnib ə zɨə chɨ̀ əwən rəŋgəʼ ənjìm ɨchî nɨ Yeso Kristo nyaʼa zwemə.

1 Jɔn 2:29

Mbə mɨ kyerɨ ni Kristo wɨə ghɨ̀ ɨnû nɨ kuʼnɨ, njɨ mbə bɨrɨ bɨ kyerɨ ni wə̀d jìm we nɨə ghɨ̀ ɨnû nɨ kuʼnɨ yɨə wə̀d Ŋwìə̀.

1 Jɔn 5:1

Wə̀d we nɨ ben ni Yeso yɨə Wə̀d we nɨ Ŋwìə̀ zɔʼɔ yɨə wə̀d Ŋwìə̀. Wə̀d we nɨ ghaʼ mbǎʼ wan, ə bə̀ ghaʼ wan məd.