Jn 3:31 - Meta’

³¹ “Wə̀d we nɨ yeʼe rɨkaŋ ə chè bə̂d mɨjìm. We nɨ yeʼe rɨ ɨgwɨ ə si yɨə wə̀d rɨ ɨgwɨ ə si. Məd wɨə ghà àmei ɨnû rɨ ɨgwɨ ə si. Wə̀d we nɨ yeʼe rɨkaŋ ə chè bə̂d mɨ̀jìm.

Ikan feg

³¹ Jɔn we ne yaya nàʼà mənib ya ywìrì gha, “Wə̀d we ne nɔ̀ʼi ikaŋ àbɔ̀ŋɔ ya wə̀d ne beri ati chè bəd məjìm. Wə̀d we ne mbi gwi aməd igun isəg ya wə̀d igun isəg. Wì ya ghàmà məyi inug mbe ne yaʼi inga isəg. Àsi Wə̀d we ne nɔ̀ʼi ikaŋ àbɔ̀ŋɔ, we bèrì ati chè bəd məjìm.

Jn 3:31 ပူးပေါင်းရင်းမြစ်များ

Matìyò 28:18

Yeso nyaʼa wò əsɨ mɨ̀mə̌d pè ghà ni, “Ŋwìə̀ fə nàʼ ɨka jìm ɨ num ni mə̀ tumbɨ ɨkaŋ fɔrɨ si.

Jn 1:15

Jɔ̌n we nɨ nyaʼə nàʼ mɨnib nyaʼa gha ɨnû ɨmbə̀ʼ əməd. Ɨ wɨə nyaʼə ghàə̀ rɨ̀kǎ ɨmbə̀ʼ əməd ni, “Wɔ̂ yɨə we nɨ mə̀ nyaʼa gha ɨmbə̀ʼ əməd ni, 'Wə̀d we nɨə yeʼe ənɨ mɨ njìm ə chè əmɨ, ɨmbə̀ʼ ɨghəm nɨ məd wɨə nyaʼa be i əŋgu bɔŋ mbɨ nyaʼa sɨə gywɨ əmɨ.'”

Jn 1:27

Məd wɨə yeʼe ənɨ mɨ njìm, àyɨə chəi mə̀ kuʼ nɨ tɨ̀ mə̀ za mɨniʼ ɨtabɨ məd.”

Jn 1:30

Wɔ̂ yɨə we nɨ mə nyaʼa ghà ɨmbə̀ʼ əməd ni, 'Wə̀d we nɨə yeʼe ənɨ mɨ njìm ə chè əmɨ, ɨmbə̀ʼ ɨghəm nɨ məd nyaʼa be i əŋgu bɔŋ mbɨ nyaʼa sɨə gywɨ əmɨ.'

Jn 3:30

Ɨnû məd berɨ sɨə wò ɨmbì, mbɨ mɔ̌ sɨə wò rə̀bɔ̀ʼɔ̀.

Jn 6:33

Ŋgə̀ŋ ze nɨ Ŋwìə̀ ə nàʼə̀ yɨə məd we nɨ swiʼi rɨkaŋ. À yɨə məd we nɨ swiʼ rɨkaŋ ə nàʼ ɨ̀tènɨ̀ əmbɨ ə bə̂d ɨŋga ɨsɨg.”

Jn 6:51

Mɔ̌ yɨə ŋgə̀ŋ ze nɨə nàʼ ɨ̀tènɨ̀ nɨ nyaʼa swiʼi rɨkaŋ. Wə̀d mɔʼɔ we nɨ jɨg ŋgə̀ŋ zɔ̂ bɨrɨ ten i koŋ. Ŋgə̀ŋ ze nɨ mə̀ bɨrɨ nàʼ ni ɨsɨg jɨg tènə̀ yɨ mɨ nyamnyod.”

Jn 8:23

Wɨ̀ nyaʼa wììrɨ̀ əmbɨ mɨ̀mə̌d ni, “Mbə yɨ rɨ ɨgwɨ ə si, mə yɨ rɨkaŋ. Mbə yɨ rɨŋga ɨsɨg wɔ̂, ka mɔ̌ yɨ əmɨ rɨŋga ɨsɨg wɔ̂.

Ɨ̀fàʼì 10:36

Mbə kyerɨ ɨŋgam we nɨ wɨ̀ nyaʼa tom əmbɨ mɨ̀Izre. Ɨŋgam we wɨə ghà ɨkə̂n chɔ̀m ɨmbə̀ʼ əbɔrəbɔd ze nɨ tɨ̀ chè ənjìm ə Yeso Kristo berɨ mbɨ ə Ŋwiə̀. Yeso Kristo yɨ Ə̀nùŋɨ̀sɨg ɨgwɨ ə bə̂d mɨ̀jìm.

Rm 9:5

Mbɨ yɨə bɔn tɨ ənɨ əghaŋ mɨ̀mbǎʼ ɨnəbɨ mɨ̀Izre. Wə̀d we nɨ Ŋwìə̀ zɔʼɔ ə jwɨ̀ rɨŋga ɨnəbɨ we. Məd yɨə Ŋwìə̀ we nɨə tùmbɨ̀ ɨghɨjìm. Tɨ̀ yiirɨ ə Ŋwiə̀ koŋ. À yɨ əne.

Mə̀Hibrù 9:1

Fɨso rɨtu nyaʼa berɨ tɨkə nɨ nyaʼa chwi ɨchî nɨ mbɨə wumnɨ ə Ŋwiə̀. Fɨ nyaʼa bə̀ chwi əsɨ nɨ mbɨə wumnɨ əməd ɨgwɨ ə si.

1 Pità 3:22

Wɨ̀ fə wo ɨkaŋ pè chub əbà əbɔ ə jɨgɨ ə Ŋwiə̀. Ɨ wɨə sɨə tùmbɨ̀ mbɨ̀aŋgɨrə̀ bə̀ tùmbɨ̀ ɨzwî jìm mbe nɨ yeʼ ɨkaŋ fɔrɨ ɨgwɨ ə si.

1 Jɔn 4:5

Bə̂d ɨ̀kə̀n mɨghab mbɔ̂ yɨə bə̂d rɨŋga ɨsɨg, əne ɨnû mbe nɨ mbɨə ghàə̀ yɨ ɨnû rɨŋga ɨsɨg. Ɨsɨg wɨə zwetɨ ɨnû mbe mbɨə ghàə̀.

Ɨnû 19:16

Ɨkum wɨə nyaʼa ɨgun ə ngywɨ̌ məd bə̀ fɔrɨ ɨgun ɨbi ɨwu ɨməd. Ɨkum we yɨ ni: Ɨfɔ̂n ɨgwɨ mɨfɔ̀n mbɨ Ə̀nùŋɨ̀sɨg ɨgwɨ mɨ̀-ə̀nùŋɨ̀sɨg.