Jn 3:16 - Meta’

¹⁶ “Ŋwìə̀ nyaʼa kàŋ ghaʼ ɨsɨg, əne wɨ̀ nyaʼa chà i Wan we mɔʼ, ɨmbə̀ʼ tɨ wə̀d mɔʼɔ we nɨ ben əməd nim i, àyɨə wɨ̀ jɨg ɨ̀tènɨ̀ rɨ mì.

Ikan feg

¹⁶ Ŋwiye ya taŋ kɔ̀ŋ bəd məjìm igun isəg, ane chà ìwi Ŋwan we ne ya məyi imɔʼ gha wə̀d ijìm ne nɔŋi ìwi ibḛfiŋ igun məd, chəyi wì biri ku nim. Wì biri jəg ìtḛ̀ ighə̀m imɔʼ.

Jn 3:16 ပူးပေါင်းရင်းမြစ်များ

Matìyò 9:13

Mbə̀ wo kə̀b əton ənɨ ɨŋgam Ŋwiə̀ we nɨ gha ni, 'Mə kə̀b yeʼ ni bə̂d diirɨ mbɨ cherə, kaʼi ni bə̂d naʼ ɨghɨ ə̀fà ɨ num.' Chəi mə̀ nyaʼa yeʼe ɨ tɔŋ bə̂d nɨə ghɨ̀ ɨnû nɨ kuʼnɨ. Mə nyaʼa yeʼe ɨ tɔŋ yeʼ mbe nɨə ghɨ̀ ɨnû rɨbɔ̀ŋ.”

Mk 12:6

Mbaŋə̀ ze nyaʼa kɨrɨ berɨ wə̀d cherə mɔʼ, nɨ nyaʼə wan məd nɨ wɨ̀ nyaʼa ghaʼi kwàʼ rɨŋgəʼ. Wɨ̀ nyaʼa sɨ nwìə̀ chà we əmbɨ mɨ̀mə̌d, ghàə̀ ni, 'Mbɨ bɨrɨ wumnɨ mɨ wan.'

Lk 2:14

“Tɨ̀ wumnɨ ə Ŋwìə̀ we nɨ yeʼ ɨkaŋ, əbɔrəbɔd ə nyɨ ɨgwɨ ə bə̂d mbe nɨ wɨ̀ ghaʼi ɨgwɨ ə si!”

Jn 1:14

Ɨŋgam we nyaʼa bèŋ ənɨ ə wə̀d mɨ̀sɔŋɨchù, chub əkaʼ na. Tɨ̀ nyaʼa zə ɨwumnɨ məd nɨ yeʼ ɨwumnɨ we nɨ wɨ̀ nyaʼa berɨ ɨchî nɨ wɨ̀ mei Wan we mɔʼ nɨ Mbǎʼ berɨ. Ɨ̀chɔ̀m mbɨ rəsìʼ nyaʼa swi ɨŋga məd.

Jn 1:18

Chəi wə̀d mɔʼɔ kweʼ zə ə Ŋwiə̀. Àmei Wan we mɔʼ, nɨ yeʼ ɨban ə fîŋ Ŋwìə̀, nɨ fə ghɨ̌ ni bə̂d kyerɨ əməd.

Jn 1:29

À nyaʼa əni ze nɨ beenɨ, Jɔ̌n we nɨ nyaʼə nàʼ mɨnib nyaʼa zə ə Yeso ənɨ nyaʼə yeʼe əsɨ məd. Əne wɨ̀ nyaʼa ghà ni, “Mbə̀ zə, wɔ̂ yɨə Wan njɨ̀g Ŋwìə̀. Məd wɨə ghɨ̀ ni Ŋwìə̀ waʼ ɨnû rɨbɔ̀ŋ bə̂d mbe rɨŋga ɨsɨg!

Jn 10:28

Mə wɨə nàʼ ɨ̀tènɨ̀ rɨ mì əmbɨ tɨ njɨ̀g. Chəi tɨ bɨrɨ nɔ kwɨ. Chəi wə̀d nɨ tɨ wɨ̀ fe mɨ̀mə̌d rɨ num.

Jn 3:15

ɨmbə̀ʼ wə̀d jìm we nɨ ben əməd we tɨ̀ wɨ̀ jɨg ɨ̀tènɨ̀ rɨ mì.

Jn 3:18

Chəi Ŋwìə̀ ə zɨ̀ ɨsaʼi ɨgwɨ ə bə̂d mbe nɨ ben əməd. Wɨ̀ fə zɨ̀ yeʼ ɨgwɨ mbe nɨ chəi mbɨ ben əməd, ɨmbə̀ʼ ɨghəm nɨ chəi mbɨ ben Wan Ŋwìə̀ we mɔʼ.

Jn 3:36

Wə̀d we nɨ ben Wan Ŋwìə̀ fə jɨg ɨ̀tènɨ̀ rɨ mì. Ka wə̀d we nɨ chəi wɨə zuunɨ ə Wan Ŋwìə̀ bɨrɨ jɨg i ɨ̀tènɨ̀, àyɨə Ŋwiə̀ bɨrɨ sə ɨtəm əbɔʼ məd.”

Jn 6:40

Ənû ze nɨ mɨ Mbǎʼ kəbɨ yɨ ni bə̂d mɨ̀jìm mbe nɨ zə Wan, ben əməd, bɨrɨ jɨg ɨ̀tènɨ̀ rɨ mì. Mə bɨrɨ zwemnɨ mɨ̀mə̌d əni ze nɨ sɨ nwìə̀.”

Rm 5:10

ɨmbə̀ʼ ɨghəm nɨ ənɨ tɨ̀ nyaʼa kɨrɨ bə̂d pə̀n Ŋwiə̀, wɨ̀ nyaʼa màànɨ̀ taŋ mbɨ na ənjìm ɨvɨ Wan məd. Tɨ̀nîn nɨ tɨ̀ fə maanɨ taŋ, ɨ̀tènɨ̀ Kristo bɨrɨ ghɨ ni tɨ̀ jwɨ rəŋgəʼ.

Rm 5:8

Ŋwìə̀ nyaʼa chwi ni tə ghaʼ əwa əni: Ənɨ tɨ̀ nyaʼa kɨrɨ ghɨ̀ ɨnû rɨbɔ̀ŋ, Kristo nyaʼa kwɨ ɨgwɨ mba ɨtu.

Rm 8:32

Məd we nɨ chəi wɨ̀ nyaʼa yim i Wan rəbɔʼɔ, àyɨə wɨ̀ nyaʼa nàʼ əməd ənɨ əghɨ ə̀fà ɨgwɨ mba ɨtu mbà mɨjìm, ka məd mbɨ i Wan wa bɨrɨ naʼ i ɨghɨjìm ɨ na ə?

Efesùs 2:4

Àyɨə Ŋwìə̀ we nɨə dììrɨ̀ bə̂d kwàʼ ɨchî chɔ̀m, nɨə bə̀ ghaʼ əwa kwàʼ rɨŋgəʼ ghɨ ni,

2 Tès 2:16

A Ə̀nùŋɨ̀sɨg Yeso Kristo ziə mbɨ Ŋwìə̀ a Mbǎʼ, nɨ ghaʼ əwa ənjìm ɨ̀chɔ̀m məd, nəərɨ əwa koŋ bə̀ ghɨ ni tɨ̀ nuŋ ɨkɔndɨ wòm ɨnû chɔ̀m mbe nɨ wɨ̀ kaʼ ɨ na.

Tayitùs 3:4

Àyɨə ənɨ Ŋwìə̀ we nɨə chɨ̀ əwa rəŋgəʼ nyaʼa chwi ɨ̀chɔ̀m məd ɨ na bə̀ chwi ɨchî nɨ wɨ̀ ghaʼ əwa,

Mə̀Hibrù 2:9

Àyɨə tɨ̀ wɨə zə ə Yeso nɨ Ŋwìə̀ nyaʼa ghɨ ni wɨ̀ tɔ swiʼ əton mbɨ̀aŋgɨrə̀ ənɨ ɨkə nyumə̀. Wɨ̀ fə ghɨ̀ ni wɨ̀ berɨ ɨzeŋɨ zeŋɨ bə̀ berɨ ɨwumnɨ. Wɨ̀ nyaʼa zə ŋgəʼ kwɨ, ɨmbə̀ʼ ənjìm ɨ̀chɔ̀m Ŋwìə̀, ɨ we tɨ̀ wɨ̀ kwɨ ɨgwɨ ətu ə bə̂d mɨ̀jìm.

1 Jɔn 3:1

Mbə̀ zə ɨchî nɨ Mbǎʼ ghaʼ əwa chè əbɔ. Əze ə fə ghɨ̀ wɨ̀ tɔŋ əwa ni tɨ̀ yɨ mbi bɔn. Tɨ̀ yɨə kàŋ mbɨwən. Əton nɨ chəi ɨsɨg kyerɨ əwa yɨ ni chəi wɨ̀ nyaʼa be kyerɨ əməd.

1 Jɔn 4:19

Tɨ̀ wɨə ghaʼə Ŋwiə̀ ɨmbə̀ʼ ɨghəm nɨ məd ziə nyaʼa bè ghaʼ əwa.

Ɨnû 1:5

Yeso Kristo we nɨə ghà rəsìʼ, nɨ yeʼ wə̀d rɨtu nɨ nyaʼa zwemə mbɨ ni à yɨə məd ə tùmbɨ̀ mɨfɔ̂n mɨ̀jìm rɨ ɨgwɨ ə si, ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən. Yeso ə ghaʼ əwa, əne wɨ̀ nyaʼa chè ənjìm ənəm ze nɨ wɨ̀ nyaʼa chəmnɨ, chɨ̀ əwa rɨ əton ɨka we nɨ ɨnû rɨbɔ̀ŋ berɨ ɨgwɨ na.