Jn 21:15 - Meta’

¹⁵ Ənɨ mbɨ nyaʼa fə sobrɨ ənə̂d, Yeso nyaʼa biirɨ əmbɨ Pità ni, “Saimòn, àwɔ̀ wan Jɔ̌n, à ghaʼ əmɨ chè bə̂d mbɔ̂ ə?” Pità nyaʼa wììrɨ̀ ɨ bɔ ni, “Ee, kyɨ Ə̀nùŋɨ̀sɨg, à kyerɨ ni mə ghaʼ əwe.” Yeso nyaʼa ghà ɨ bɔ ni, “Jə mbɨ bɔn njɨ̀g.”

Ikan feg

¹⁵ Anyumə̀ ne mbi ya fə jəghi mànì, Yeso ya biri abə Pità gha, “Sayimùn, ŋwan Jɔn, àghò kɔ̀ŋ amə chè icheg ne bəd mbo̰ kɔŋi amə?” Pità ya ywìtì gha, “E! Anɔŋisəg, àghò kyeri gha mə kɔ̀ŋ awe.” Yeso ya ywìtì ibo gha, “Àghò jə ìmbum bɔn njə̀g”

Jn 21:15 ပူးပေါင်းရင်းမြစ်များ

Rm 15:1

Mba mbe nɨ a ɨbenɨ kaanɨ berɨ yim fîŋ mbɨ mbe nɨ ɨbenɨ mɨ̀mə̌d kɨrɨ bɔd. Tɨ rɨ̀ ghɨ a àmei ɨnû mbe nɨ bɨrɨ ghɨ ni ta fîŋ bɔŋ ə.

1 Jɔn 4:19

Tɨ̀ wɨə ghaʼə Ŋwiə̀ ɨmbə̀ʼ ɨghəm nɨ məd ziə nyaʼa bè ghaʼ əwa.

1 Pità 1:8

Mbə ghaʼ əməd, ka à be yeʼi ni chəi mbə kɨrɨ zə əməd. Mbə nuŋ fîŋ ɨgwɨ məd, ka à be yeʼi ni chəi mbə̀ə zə əməd. Mbə̀ kàŋ ghaʼrɨ mbɨ ɨkwɨ ɨghaʼi we nɨ chəi ənɨ tɨ wə̀d ghà ənɨ ɨchù.

Efesùs 6:24

Ŋwìə̀ ghɨ ɨ̀chɔ̀m ənɨ ə bə̂d mɨjìm mbe nɨ ghaʼ a Ə̀nùŋɨ̀sɨg Yeso Kristo mbɨ ɨkwɨ ɨghaʼi we nɨ ka wɨ bɨrɨ nɔ mi i.

Ɨ̀fàʼì 20:28

Əne mbə̀ nəŋgɨ ə ɨnyod mbənə mbənə, bə̀ nəŋgɨ bə̂d Kristo mɨ̀jìm mbe nɨ Əzwî ə Zeŋɨ ə fə nuŋ əwən ni mbə̀ nəŋgɨ. Mbə̀ nəŋgɨ ɨfetɨ bə̂d Ŋwiə̀ we nɨ wɨ̀ fə ghɨ̌ ənɨ wi ənjìm ənəm ze nɨ Wan məd nyaʼa chəmnɨ.

1 Jɔn 5:1

Wə̀d we nɨ ben ni Yeso yɨə Wə̀d we nɨ Ŋwìə̀ zɔʼɔ yɨə wə̀d Ŋwìə̀. Wə̀d we nɨ ghaʼ mbǎʼ wan, ə bə̀ ghaʼ wan məd.

Jn 16:27

ɨmbə̀ʼ ɨghəm nɨ Mbǎʼ ziə ə ghaʼ əwən. Wɨ̀ ghaʼ əwən ɨmbə̀ʼ ɨghəm nɨ mbə̀ ghaʼ əmɨ bə̀ ben ni à yɨə məd nyaʼa tom əmɨ.

1 Pità 2:25

Mbə mbɨə nyaʼa ɨghabɨ ə njɨ̀g te nɨ nyaʼa febə, àyɨə tɨ̀nîn mbə fə wɨrɨ bə̀ndɨ̀ wo əsɨ Ənə̂ŋgɨ̀-njɨ̀g, nɨ yeʼ Wə̀d we nɨə nə̀m əwən.

Mə̀Hibrù 4:13

Chəi əghɨ ə mɔʼɔ rəbɔʼ mbe nɨ Ŋwiə̀ tekɨ nɨ tɨ̀ zɨə nəmbɨ rɨ ənɨ əghə əməd. Ɨghɨjìm mbɨ əsaŋ ɨfě məd we nɨ tɨ̀ bɨrɨ gha ɨnû jìm mbe nɨ tɨ̀ fə ghɨ ɨ bɔ.

Lk 22:32

Àyɨə mə fə kɔ̀ŋgɨ̀ ə Ŋwiə̀ ɨgwɨ ne ni tɨ e ɨbenɨ bɔd i. Ənɨ à wɨrɨ bèŋ e fîŋ ben əmɨ, à ghɨ̀ ni fîŋ tɨ mbe bɔŋgɔb wɨrɨ kàànɨ̀.”

Mə̀Hibrù 13:20

Ŋwìə̀ we nɨə nàʼ əbɔrəbɔd, nɨ nyaʼa che ənjìm ənəm ze nɨ wɨ̀ nyaʼa nɨŋ san fɨso fe nɨ ten i koŋ əne zwemnɨ ə Yeso a Ə̀nùŋɨ̀sɨg nɨ yeʼ ənə̂ŋgɨ̀-njɨ̀g nɨ dabə,

Rm 14:1

“Mbə̀ nɨŋ bə̂d mbe nɨ ɨbenɨ mɨ̀mə̌d bɔrɨ, àyɨə tɨ mbə̀ taŋ ə mbɨ mɨ̀mə̌d ɨmbə̀ʼ tɨkɔndɨ mɔʼɔ te nɨ mbɨ berɨ.

Matìyò 16:17

Yeso nyaʼa ghà ɨ bɔ ni, “Ŋwìə̀ zɨ əbɔrəbɔd ɨgwɨ ne, kyɨə Saimòn, wan Jɔ̌n! ɨmbə̀ʼ ɨghəm nɨ kaʼi wə̀d mɨ̀sɔŋɨchù chwiə ənû zɔ̂ ɨ ne. À yɨ mɨ Mbǎʼ we nɨ yeʼ ɨkaŋ chwi ɨ ne.

Ɨnû 2:23

Mə bɨrɨ zwiirɨ bɔn məd. Tɨfetɨ bə̂d Kristo rɨ̀jìm bɨrɨ kyerɨ ni mɔ̌ yɨə wə̀d nɨə kyèʼrɨ̀ə̀ tɨkɔndɨ bə̂d bə̀ kyèʼrɨ̀ə̀ fîŋ tɨ mɨ̀mə̌d. Mə bɨrɨ chwɨ wə̀d mɔʼ mɔʼ rəbɔʼ nən beenɨ əbɔʼ ɨnû mbe nɨ mbə̀ ghɨ̌.

1 Pità 2:2

Ɨghabɨ ə bɔn bɔd nɨə kɨrɨ nyɔŋ ɨbən, mbə kəb yeʼ ɨbən zeŋɨ we nɨ əzwî ə nàʼə̀, ɨmbə̀ʼ mbə mɨ nyɔŋ, mbə bɨrɨ kwi kàànɨ̀, Ŋwìə̀ chɨ̀ əwən rəŋgəʼ.

Gàlesìyà 5:6

Ɨchî nɨ tɨ̀ yeʼ ənɨ ɨfɔtɨ mbɨ Kristo, əne chəi ənû nɨ mbɨ ne wə̀d kɨ̀ ənû nɨ chəi mbɨ ne wə̀d ə berɨ ənû ə mɔʼɔ nɨ ghɨ̀. Ənû ə kyeŋ yɨ nɨ chwi ni tɨ̀ fə nuŋ fîŋ ɨgun ə Kristo ɨchî nɨ tɨə ghaʼə bə̂d.

Jn 21:12

Yeso nyaʼa ghà əmbɨ mɨ̀mə̌d ni, “Mbə̀ yeʼe sobrɨ ənə̂d.” Chəi wə̀d mɔʼɔ rəbɔʼ mə̀mə̀ə̀nɨ̀-ɨnû mbe nɨ tɨ̀ wɨ̀ nyaʼa yim fîŋ biirɨ ɨ bɔ ni, “Àwɔ̀ kɨə we?” ɨmbə̀ʼ ɨghəm nɨ mɨ̀mə̌d mɨjìm nyaʼa kyerɨ ni à yɨ Ə̀nùŋɨ̀sɨg.

Jn 21:7

Ə̀mə̀ə̀nɨ̀-ɨnû we nɨ Yeso nyaʼa ghaʼi nyaʼa ghà əmbɨ Pità ni, “À yɨ Ə̀nùŋɨ̀sɨg!” Ənɨ Saimon Pità nyaʼa zu ni à yɨ Ə̀nùŋɨ̀sɨg, wɨ̀ nyaʼa wɨrɨ zɨ̀ ti ngywɨ̌, tòm ɨgyɨ̀ wò əsɨ Yeso. Wɨ̀ nyaʼa bè chɨ̀ ti ngywɨ ɨmbə̀ʼ ɨghəm nɨ wɨ̀ nyaʼa wo fàʼ.

Matìyò 18:10

“Mbə̀ zə ni tɨ mbə̀ təənɨ ə wan kwa mɔʼɔ rəbɔʼ mbɔ̂ nɨ ben əmɨ. Mə ghà ɨ nən ni, ɨkaŋ, mbɨ̀aŋgɨrə̀ mɨ̀mə̌d mbɨə zə ɨfě mɨ Mbǎʼ we nɨ yeʼ ɨkaŋ ənɨ mɨ̀nyùmə̀ jìm.

Efesùs 4:14

Əne tɨ rɨ̀ yeʼ a ɨghabɨ ə bɔn kwa nɨə ben ɨnû jìm mbe nɨ bə̂d mɨghab ə chwi əmbɨ mɨ̀mə̌d. Bə̂d mɨghab mbɔ̂ mbɨə tiə mɨghab tambɨə bə̂d ɨmbə̀ʼ mbɨ febə.

1 Kɔrèn 8:11

Əne yɨ ni aŋgɔb wɔ̂ nɨ bɔrɨ, nɨ Kristo nyaʼa bə̀ kwɨ ɨmbə̀ʼ əməd, fə nim ɨmbə̀ʼ ɨchî nɨ à berɨ ɨwe.

Jn 8:42

Yeso nyaʼa ghà əmbɨ mɨ̀mə̌d ni, “Ŋwìə̀ mɨ kə̀ʼ yeʼ ə Mbǎʼ, njɨ mbə ghaʼ əmɨ, ɨmbə̀ʼ ɨghəm nɨ mə yɨ rɨ əsɨ ə Ŋwiə̀. Chəi mə̀ nyaʼa yeʼe ənɨ mɨ ɨghəm. À yɨə məd nyaʼa tom əmɨ.

Mk 14:29

Pità nyaʼa ghà ɨ bɔ ni, “Kaʼ mə̀mə̀ə̀nɨ̀-ɨnû mbə mɨ̀jìm bè nòd əwən sàŋ əwe, chəi mə bɨrɨ nɔ ghɨ əne.”

Lk 12:32

“Tɨ mbə̀ bɔ ə, kyɨə bɔn njɨ̀g, ɨmbə̀ʼ ɨghəm nɨ ə Mbǎʼ ə ghaʼ nɨ naʼ ənû ɨfɔ̀n ɨ nən.

Matìyò 10:37

“Wə̀d mɔʼɔ we nɨ ghaʼ i mbǎʼ kɨ̀ i nɨŋ chè əmɨ, rɨka kùʼ i nɨ yeʼ mɨ ə̀mə̀ə̀nɨ̀-ɨnû. Wə̀d mɔʼɔ we nɨ ghaʼ i wan mbaŋə̀ kɨ̀ i wan əyi chè əmɨ, rɨka kùʼ i nɨ yeʼ mɨ ə̀mə̀ə̀nɨ̀-ɨnû.

Jn 13:37

Pità nyaʼa biirɨ ɨ bɔ ni, “Ə̀nùŋɨ̀sɨg, əton nɨ chəi ənɨ tɨ mə beenɨ əbɔʼ ne tɨ̀nîn kɨ ni ye ə? Mə fə tekɨ mɨ ɨnyod nɨ kwɨ ɨmbə̀ʼ əwe!”

Jn 1:42

Wɨ̀ nyaʼa ghà əne nɨŋ ə Saimòn mbɨ wò əsɨ Yeso. Yeso nyaʼa nèŋ ə Saimòn ghà ni, “Àwɔ̀ yɨə Saimòn wan Jɔ̌n. Bə̂d bɨrɨ sɨə tɔŋ əwe ni Sefàs.” Ɨkum wɔ̂ ənɨ ɨŋgam Grik yɨ ni Pità.

Matìyò 26:35

Pità nyaʼa ghà ɨ bɔ ni, “Ka à bè yeʼi ni mbɨ bɨrɨ zwiirɨ əwe bə̀ zwiirɨ əmɨ, chəi mə bɨrɨ nɔ ton əwe.” Mə̀mə̀ə̀nɨ̀-ɨnû mbə mɨ̀jìm nyaʼa bə̀ ghà àmei əne.

Matìyò 26:33

Pità nyaʼa ghà ɨ bɔ ni, “Kaʼ mə̀mə̀ə̀nɨ̀-ɨnû mbə mɨ̀jìm bè nòrə̀ əwən sàŋ əwe, chəi mə̀ bɨrɨ nɔ ghɨ əne.”

Ɨ̀fàʼì 20:29

Mə kyerɨ ni mə̀ mɨ nɔ̀ʼ, bə̂d nɨ yeʼ ɨghabɨ ɨfɔn tɔtɔ bɨrɨ yeʼe əkaʼ nən, kəb nimnɨ ɨfetɨ bə̂d Ŋwiə̀.