Jn 18:20 - Meta’

²⁰ Yeso nyaʼa wììrɨ̀ ɨ bɔ ni, “Mə wɨə nyaʼa kɨə ghàm əsaŋ əsaŋ əmbɨ wə̀d jìm. Mə wɨə nyaʼə chwi ɨnû ɨŋga nəb tɨ ə̀kàtɨ̀ bə̀ chwi ɨŋga mbàn Ŋwìə̀ ənɨ mɨ̀nyùmə̀ jìm. Mbɔ̂ yɨ ɨsɨ mbe nɨ mɨ̀Jû mɨ̀jìm ə fetɨə. Chəi mə nyaʼə ghà ənû ə mɔʼɔ ənə̀mə.

Ikan feg

²⁰ Yeso ya ywìtì ibo gha, “Mə yaya ghàmà asaŋ asaŋ, wə̀d ijìm zug. Mə yaya chwìte inug mà nyumə̀ ijìm inga məchamì Ŋwiye, kə̀ inga mbàn Ŋwiye asiŋi ne mə̀Ju məjìm yaya kà fète. Chəyi anug mɔ̀ʼɔ amɔʼ ne mə̀ ya chwiti inə̀mbi.

Jn 18:20 ပူးပေါင်းရင်းမြစ်များ

Matìyò 24:26

“Əne wə̀d mɔʼɔ mɨ ghà ɨ nən ni, 'Mbə̀ zə, məd wɨ ɨŋga ɨbad rɨkwàʼi,' tɨ mbə̀ wo əŋgu, kɨ̀ ni, 'Mbə̀ zə, məd wɨ ɨŋga ɨtu nəb mbe rɨŋga,' tɨ mbə̀ ben ə.

Matìyò 26:55

Yeso nyaʼa ghà əmbɨ mɨnɔ̂n bə̂d mbe ni, “Mbə sɨ yeʼe ɨ gywɨ əmɨ mbɨ mɨbi fɔrɨ mbɨ ɨtum mbàŋ ɨghabɨ ni mə̀ yɨ ɨjɨ ə? Mə wɨə nyaʼə chub ɨŋga mbàn Ŋwìə̀ ɨni jìm chwiə ɨnû, àyɨə chəi mbə̀ nyaʼa gywɨ əmɨ.

Matìyò 26:65

Ənɨ wɨ̀ nyaʼa ghà əne, ətu ɨgwɨ ə bə̂d mbàn Ŋwìə̀ we nyaʼa yim ti ngywɨ̌ sèèrɨ̀ ghà ni, “Wɨ̀ fə zɔ̀m ə Ŋwiə̀! Tɨ̀ kɨə wɨrɨə kə̀b mɨ̀zərɨmbin ɨmbə̀ʼ ə yè ə? Mbə fə zu ɨchî nɨ wɨ̀ zɔm ə Ŋwiə̀.

Matìyò 4:23

Yeso nyaʼa ghanə yènə̀ ɨŋga Galiliî jìm. Wɨ̀ nyaʼə yènə̀ chwi ɨnû ɨŋga nəb tɨ ə̀kàtɨ̀ te rɨŋga ɨsɨ mbe, bə̀ yènə̀ ghà ɨkə̂n chɔ̀m ɨmbə̀ʼ ənû ɨfɔ̀n rɨkaŋ. Wɨ̀ nyaʼə bə̀ yènə̀ vɨ̀ə̀ tɨkwɨrɨ əwɔn jìm bə̀ vɨ̀ə̀ tɨkwɨrɨ ɨnɔʼɔ jìm.

Matìyò 9:35

Yeso nyaʼa ghanə yèn ɨŋga ɨsɨ kyeŋ jìm bə̀ fɔrɨ ɨŋga ɨsɨ kwa jìm. Wɨ̀ nyaʼə yènə̀ chwiə ɨnû ɨŋga nəb tɨ ə̀kàtɨ̀ te nɨ nyaʼa ɨŋga ɨsɨ mbe. Wɨ̀ nyaʼə bə̀ yènə̀ ghà ɨkə̂n chɔ̀m ɨmbə̀ʼ ənû ɨfɔ̀n rɨkaŋ, bə̀ yènə̀ vɨ̀ ɨwɔn jìm bə̀ yènə̀ vɨ̀ ɨnɔʼɔ jìm.

Mk 8:32

Wɨ̀ nyaʼa ghà əzɔ̂ əsaŋ əsaŋ. Əne Pità nyaʼa nɨŋ əməd mbɨ tindɨ wò ɨban ɨban, pè kɔ gham əbɔʼ məd.

Lk 21:37

Yeso wɨə nyaʼə chwi ɨnû ɨŋga mbàn Ŋwìə̀ ɨni jìm. À sɨ ɨkwirɨ kwirɨ, ɨ wɨə nyaʼə jwɨ̀ə̀ wò ni ɨkaŋ Ɨwum mɨ̀Olìf.

Lk 4:15

Wɨ̀ nyaʼa chwi ɨnû ɨŋga nəb tɨ ə̀kàtɨ̀ te nɨ nyaʼa ɨŋga ɨsɨ mbe. Wə̀d jìm we nɨ nyaʼa zu ɨnû mbe nyaʼa yiirɨ əməd.

Jn 18:21

Əton nɨ à biirɨ ɨŋgam ɨ num kɨ ɨmbə̀ʼ ə yè ə? Biirɨ əmbɨ ə bə̂d mbe nɨ nyaʼa zu ɨnû mbe nɨ mə nyaʼə ghàə̀. Biirɨ əmbɨ mɨ̀mə̌d ni mə kɨə nyaʼə ghàə̀ ni yè ə? Mbɨ kyerɨ ənû ze nɨ mə̀ nyaʼə ghàə̀.”

Jn 6:59

Yeso nyaʼa ghà ənû zɔ̂ ənɨ wɨ̀ nyaʼə chwi ɨnû ɨŋga nəb ə̀kàtɨ̀ mɨ̀Jû ze rɨ ə Kàpenàhom.

Jn 7:14

Ənɨ mbɨ nyaʼa fə jɨg əchwɨ̂ ze nə̀ə̀nɨ̀, Yeso nyaʼa kɔʼ wò ɨŋga mbàn Ŋwìə̀, pè kɔ chwi ɨnû.

Jn 7:26

Məd wɔ̂ əgha, ghàm əsaŋ əsaŋ, àyɨə chəi mbɨ ghà ənû ə mɔʼɔ ɨ bɔ. Tɨ̀ zɨə wa chwi ni bə̂d nɨə tekɨ mba ɨnû ə kaŋ kyerɨ ni məd yɨə Wə̀d we nɨ Ŋwìə̀ zɔʼ ə?

Jn 7:28

Ənɨ Yeso nyaʼə chwi ɨnû ɨŋga mbàn Ŋwìə̀, wɨ̀ nyaʼa gham rɨ̀kǎ ghà ni, “Mbə kàŋ kyerɨ əmɨ bə̀ kyerɨ əsɨ ze nɨ mə̀ nɔʼ rəŋgu. Chəi mə nyaʼa yeʼe ɨŋga ɨsɨg wɔ̂ ənɨ mɨ ɨghəm. Àyɨə wə̀d we nɨ nyaʼa tom əmɨ wɨə ghàə̀ rəsìʼ. Chəi mbə̀ kyerɨ əməd,

Jn 7:4

ɨmbə̀ʼ ɨghəm nɨ chəi wə̀d mɔʼɔ ə ghɨ̀ ɨnû ənə̀mə əwù ze nɨ wɨ̀ kəbɨ ni bə̂d kyerɨ əməd. Əne ɨchî nɨ àwɔ̀ ə ghɨ̀ ɨnû mbɔ̂, zɨə bɔ̀ŋ ni ɨsɨg jìm kyerɨ əwe!”

Jn 8:2

À nyaʼa ɨsɔsɔ əni ze nɨ beenɨ, wɨ̀ nyaʼa wɨrɨ bə̀ndɨ̀ wò ɨŋga mbàn Ŋwìə̀. Bə̂d mɨjìm nyaʼa wò əsɨ məd, əne wɨ̀ nyaʼa chub ə si kɔ chwi ɨnû əmbɨ mɨ̀mə̌d.

Jn 8:26

Mə berɨ ɨnû nɔnɔʼ nɨ gha ɨmbə̀ʼ əwən. Mə bə̀ berɨ ɨnû nɔnɔʼ nɨ zɨ ɨsaʼi ɨgwɨ nən. Wə̀d we nɨ nyaʼa tom əmɨ wɨə ghà rəsìʼ, əne ɨnû mbe nɨ mə̀ zu rɨ bɔ, yɨ mbɨwən mbe nɨ mɨə ghà əmbɨ ɨsɨg.”

Ɨ̀fàʼì 26:26

Əton nɨ mɨə ghà ɨnû mbɔ̂ ɨ ne nɨ chəi mɨə bɔə, kyɨ ɨfɔ̂n, yɨ ni à fə kyerɨ e ɨnû mbɔ̂ jìm, ɨmbə̀ʼ ɨghəm nɨ chəi mbɨ nyaʼa ghɨ ɨnû rəŋgu ɨbu əsɨ ə mɔʼɔ.