Jn 17:19 - Meta’

¹⁹ Mə fə sweŋ mɨ ɨnyod ɨ ne ɨmbə̀ʼ ɨghəm mɨ̀mə̌d, ɨmbə̀ʼ mbɨ bə kàŋ sweŋ ə ɨnyod ɨ ne ənjìm e ɨŋgam we nɨ yeʼ ɨŋgam rəsìʼ.

Ikan feg

¹⁹ Mə ya zì àmə atog ane àze àfàʼì ni ghì gha mbɔb inɔb bə taŋ zì àzɔb tì atog ane àze àfàʼì.”

Jn 17:19 ပူးပေါင်းရင်းမြစ်များ

Jn 10:36

Mbə̀ mbɨə ghà ɨmbə̀ʼ mɔ̌ we nɨ Mbǎʼ nyaʼa zɔʼɔ chà ɨŋga ɨsɨg ni mə wɨə zɔ̀m ə Ŋwiə̀ ɨmbə̀ʼ ɨchî nɨ mə̀ gha ni, 'Mə yɨə Wan Ŋwìə̀ ə'?

Jn 15:13

Chəi ɨghaʼi mɔʼɔ əŋgu nɨ tɨ̀ wɨ chè wɔ̂ ni: wə̀d nyaʼa kwɨ ɨgwɨ ətu mbi mɨ̀sə̀ʼ.

Jn 15:3

Ɨŋgam we nɨ mə fə gha ɨ nən fə ghɨ̀ mbə zeŋ.

Jn 17:17

Ghɨ mbɨ sweŋ ə ɨnyod ɨ ne ənjìm ɨchî nɨ mbɨ kyerɨ rəsìʼ. Wə̀d mɨ kyerɨ e ɨŋgam əne yɨ ni wɨ̀ fə kyerɨ rəsìʼ.

Jn 17:20

“Mə wɨə kɔ̀ŋgɨ̀ əwe kaʼ àmei ɨmbə̀ʼ mɨ̀mə̌d mbɔ̂. Mə wɨə bə̀ kɔ̀ŋgɨ̀ əwe ɨmbə̀ʼ bə̂d mbe nɨ ben əmɨ ənjìm ɨŋgam we nɨ mbɨ mə̀mə̀ə̀nɨ̀-ɨnû gha əmbɨ mɨ̀mə̌d.

1 Kɔrèn 1:2

Tɨ̀ wɨə ŋwaʼnɨ əmbɨ ɨfetɨ bə̂d Ŋwiə̀ we rɨ ə Kɔrèn, əmbɨ ə bə̂d mbe nɨ Ŋwìə̀ ghɨ̌ mbɨ zeŋ ɨchî nɨ mbɨ yeʼ ənɨ ɨfɔtɨ mbɨ Kristo, nɨ Ŋwìə̀ nyaʼa bə̀ tɔŋə ni mbɨ yeʼ mbi bə̂d. Tɨ̀ wɨə bə̀ ŋwaʼnɨ əmbɨ ə bə̂d mɨ̀jìm mbe nɨə wumnɨ a Ə̀nùŋɨ̀sɨg Yeso Kristo ɨsɨ jìm. Məd yɨ Ə̀nùŋɨ̀sɨg mɨ̀mə̌d bə̀ fɔrɨ wa.

2 Kɔrèn 4:15

Ɨnû mbɔ̂ jìm yɨ ɨmbə̀ʼ weerɨ əwən, ɨmbə̀ʼ ɨ̀chɔ̀m we nɨə jàŋə̀ wò əmbɨ ə bə̂d mɨ̀nɔnɔʼ, ɨ we tɨ̀ wɨ ghɨ̀ ni bə̂d naʼ məben-əwe əmbɨ ə Ŋwiə̀, ɨmbə̀ʼ wumnɨ əməd.

2 Kɔrèn 7:14

Mə wɨə nyaʼə goŋ ɨgɔ̂ əmbɨ Taitùs ɨmbə̀ʼ əwən, əne chəi mbə̀ naʼ tɨ̀nìd ətu ɨ num. Ɨchî nɨ ɨnû jìm mbe nɨ tɨ̀ nyaʼa gha ɨ nən yɨə nyaʼa ɨnû rəsìʼ, əne bə̂ ənû ze nɨ tɨ̀ nyaʼə goŋ ɨgɔ̂ ɨfě Taitùs ɨmbə̀ʼ əwən fə bə̀ jwɨ̀ ənɨ rəsìʼ.

2 Kɔrèn 8:9

Mbə kyerɨ ɨ̀chɔ̀m we nɨ Ə̀nùŋɨ̀sɨg Yeso Kristo nyaʼa ghɨ̌, nɨ ka à bè yeʼi ni wɨ̀ nyaʼa berɨ mbɔ̂n, àyɨə wɨ̀ nyaʼa bèŋ ənɨ wə̀d ɨkwaŋ ɨmbə̀ʼ əwən, ɨmbə̀ʼ ənjìm ɨchî nɨ wɨ̀ kwaŋɨ, mbə mbe tɨ̀ mbə berɨ mbɔ̂n.

Kòlosè 1:6

nɨ fə yeʼe ɨ nən. Ɨkə̂n chɔ̀m wɔ̂ wɨə kwiə bə̀ ghɨ̀ə̀ ni bə̂d mɨ̀jìm ɨŋga ɨsɨg ghɨ ɨnû mbe nɨ Ŋwiə̀ kəbɨ, àmei ɨchî nɨ mbə nyaʼa fə bə̀ fə kɔ ghɨ̌, kɔ rɨ əni ze nɨ mbə̀ nyaʼa zu bə̀ kyerɨ rəsìʼ ɨmbə̀ʼ ɨ̀chɔ̀m Ŋwiə̀.

1 Tèsàlonikà 4:7

Chəi Ŋwìə̀ nyaʼa tɔŋ əwa ni tɨ̀ yeʼ mbi bə̂d ɨmbə̀ʼ ghɨ ɨnyɔɔnɨ-ɨnû. Wɨ̀ nyaʼa tɔŋ əwa yeʼ ni tɨ̀ chub ɨzeŋɨ zeŋɨ.

2 Timotì 2:10

Əne mə wɨə nyìʼ əton ɨnû jìm ɨmbə̀ʼ bə̂d mbe nɨ Ŋwiə̀ chɔʼɔ jwɨ rəŋgəʼ bə̀ berɨ ɨwumnɨ we nɨ ten i koŋ ɨchî nɨ mbɨ yeʼ ənɨ ɨfɔtɨ mbɨ Kristo Yeso.

Tayitùs 2:14

Yeso Kristo nyaʼa nàʼ i ɨnyod ɨmbə̀ʼ choʼ mba ɨtu tɨ ənɨ ɨnû rɨbɔ̀ŋ jìm. Wɨ̀ nyaʼa bə̀ nàʼ ɨmbə̀ʼ zeŋɨ əwa ni tɨ̀ yeʼ bə̂d nɨə zɨ̀ ətu nɨ ghɨ ɨnû chɔ̀m.

Mə̀Hibrù 10:29

Zɨə nɨə yeʼ əne, njɨ mbə kɔn əzən ni à kɨ ɨkwɨ ɨchə nɨ kaanɨ rɨ ye nɨ tɨ̀ mbɨ nàʼ əmbɨ ə wə̀d we nɨ təənɨ Wan Ŋwìə̀, tìbrɨ̀ ənəm ze nɨ mbɨ nyaʼa nɨŋ san fɨso fe nɨ nyaʼa zeŋnɨ əməd, bə̀ zɔ̀m Əzwî ə Ŋwiə̀ ze nɨə ghɨ̀ ɨ̀chɔ̀m ənɨ ə na ə?

Mə̀Hibrù 2:11

Məd we nɨə zeŋnɨ ə bə̂d mbɨ ə bə̂d mbe nɨ mbɨ zeŋnɨ mɨ̀mə̌d, berɨ àmei mbǎʼ mɔʼ. À yɨ əton nɨ chəi ətu əməd ə nìd nɨ tɔŋ mɨ̀mə̌d ni mbɨ yɨ mbi bɔŋgɔb.

Mə̀Hibrù 9:13

À mɨ yeʼ nɨ mbɨ sab ənəm ə gywɨ mbɨ ənəm ə mbɨ̀rɨkun bə̀ fùʼ əburɨ tɨ ənɨ ə wan rɨkun ɨgun ə bə̂d mbe nɨ chəi mbɨ zeŋɨ, əne əze ə ghɨ̀ ni ɨnyod mɨ̀mə̌d zeŋ,

Mə̀Hibrù 9:18

À yɨ əton nɨ chəi ənɨ tɨ̀ mbɨ nyaʼa ghɨ̀ ni fɨso rɨtu fe təm nɨ chəi ənəm.

Mə̀Hibrù 9:26

À kɨ nɨ wɨ̀ nyaʼa ghɨ̀ əne, njɨ wɨ̀ nyaʼa berɨ zə ŋgəʼ ɨghəm nɔnɔʼ tɨ ənɨ Ŋwìə̀ nyaʼa tekɨ ɨsɨg. Àyɨə ɨchî nɨ zɨə yeʼ əne, wɨ̀ nyaʼa fə jwɨ̀ fən ɨghəm mɔʼ ənɨ ɨsɨg ə sɨə wo nwìə̀, ɨmbə̀ʼ waʼ ɨnû rɨbɔ̀ŋ ɨchî nɨ wɨ̀ nyaʼa naʼ i ɨnyod ənɨ əghɨ ə̀fà.

1 Jɔn 3:18

Mbɨ bɔn nɨ mə̀ ghaʼi kwàʼ rɨŋgəʼ, tɨ rɨ̀ ghaʼ a bə̂d àmei ənɨ ɨŋgam bə̀ fɔrɨ ənɨ ɨchù. Tɨ̀ berɨ chwi ənɨ ta rɨghɨrɨ-ɨnû bə̀ fɔrɨ ənɨ rəsìʼ we nɨ tɨə ghàə̀ ni tɨ̀ ghaʼ mɨ̀mə̌d.

1 Jɔn 3:3

Əne wə̀d jìm we nɨ nuŋ ɨkɔndɨ wɔ̂ ɨgwɨ məd fə zeŋnɨ i ɨnyod ɨchî nɨ məd ziə bə zeŋ.