Jn 15:22 - Meta’

²² À mɨ yeʼ nɨ chəi mə̀ nyaʼa yeʼe ɨŋga ɨsɨg pè gham əmbɨ mɨ̀mə̌d, njɨ chəi mbɨ nyaʼa ghɨ ɨnû rɨbɔ̀ŋ. Àyɨə tɨ̀nîn, chəi mbɨ berɨ ənû nɨ ghà ɨmbə̀ʼ ɨchî nɨ ɨ mbɨə kɨrɨ ghɨ ɨnû rɨbɔ̀ŋ.

Ikan feg

²² Àkə ni gha, chəyi mə̀ ya yèʼe ghàm inɔb, nji chəyi mbi biri nyimi awɔb imbə̀ʼ ìmbɔb inug tibɔ̀ŋ. Icheg ne mə fə yèʼe ghàm inɔb, chəyi mbi biri ywiri bèrì aton mɔ̀ʼɔ ni nàʼ imbə̀ʼ ìmbɔb inug tibɔ̀ŋ.

Jn 15:22 ပူးပေါင်းရင်းမြစ်များ

Lk 12:46

Mbǎʼ ə̀fàʼì məd bɨrɨ yeʼe ɨgwɨ əni nɨ chəi wɨə wòm əməd bə̀ fɔrɨ ənɨ ə nyùmə̀ nɨ chəi wɨ̀ kyerɨ. Wɨ̀ bɨrɨ pe zɨ ɨchə ɨgwɨ məd, bə̀ nùŋ əməd əbɔʼ bə̂d ə̀fàʼì mbe nɨ chəi mbɨə fàʼ ənɨ tə fîŋ rɨjìm.

Jn 12:48

Wə̀d we nɨ ton əmɨ, nɨ chəi wɨə zu ɨnû mbe nɨ mɨə ghàə̀, berɨ wə̀d nɨ bɨrɨ saʼ əməd. Ɨnû mbe nɨ mə fə ghà bɨrɨ saʼ əməd əni ze nɨ sɨ nwìə̀.

Jn 15:23

Wə̀d we nɨ ban əmɨ ə bə̀ bàn mɨ Mbǎʼ.

Jn 15:24

À kɨ nɨ chəi mə̀ nyaʼa ghɨ ɨnû əkaʼ mɨ̀mə̌d nɨ chəi wə̀d cherə kweʼ ghɨ̀, njɨ chəi mbɨ nyaʼa ghɨ ɨnû rɨbɔ̀ŋ. Àyɨə tɨ̀nîn mbɨ fə zə ɨnû mbe nɨ mə nyaʼa ghɨ̌, əne ɨ mbɨə bàn əmɨ bə̀ bànə̀ mɨ Mbǎʼ.

Jn 16:9

Tɨkɔndɨ tɨ mɨ̀mə̌d rɨka kuʼi ɨmbə̀ʼ ɨnû rɨbɔ̀ŋ, ɨmbə̀ʼ ɨghəm nɨ chəi mbɨ nuŋ fîŋ ɨgwɨ num.

Jn 19:11

Yeso nyaʼa wììrɨ̀ ɨ bɔ ni, “À berɨ ɨka ɨgwɨ num àmei ɨmbə̀ʼ ɨghəm nɨ à yɨə Ŋwìə̀ naʼ ɨka we ɨ ne. Əne wə̀d we nɨ naʼ əmɨ ɨ ne fə ghɨ̀ ənû rɨbɔ̀ŋ ze nɨ bə̌ chè.”

Jn 9:41

Yeso nyaʼa wììrɨ̀ əmbɨ mɨ̀mə̌d ni, “À mɨ yeʼ nɨ mbə yɨ mɨfɨgɨ̀, njɨ chəi ɨgu-ənû ɨgwɨ nən. Àyɨə ɨchî nɨ mbə̀ gha ni mbə mbɨə zə ɨsɨ, ɨgu-ənû we kɨrɨ tən ɨgwɨ nən.”

Ɨ̀fàʼì 17:30

Chəi Ŋwìə̀ nyaʼa zɨ ətu ənɨ ɨnû mbe nɨ bə̂d nyaʼa ghɨ̌ nɨ chəi mbɨ kyerɨ, àyɨə tɨ̀nîn ɨ wɨə ghà əmbɨ ə bə̂d mɨjìm ɨsɨ jìm ni mbɨ beŋ tə fîŋ.

Rm 1:20

Tɨ ənɨ Ŋwìə̀ nyaʼa tekɨ ɨsɨg, mɨchî məd mbe nɨ chəi ənɨ tɨ̀ bə̂d zə, əne yɨ ɨka məd we nɨ ten i koŋ mbɨ ɨchî nɨ məd yeʼ ə Ŋwiə̀, fə jwɨ̀ zeŋ ɨchî nɨ bə̂d ə zə ɨghɨ mbe nɨ wɨ̀ tekɨ. Əne chəi ənɨ tɨ̀ mbɨ ghà ni chəi mbɨ kyerɨ.

Rm 2:1

Kɨ̀ àwɔ̀ kɨə we, tɨrə̀ ghà e ni, “Chəi mə̀ kəʼ kyerɨ” ənɨ àwɔ̀ ə sob mɨsaʼi bə̂d cherə. Àyɨə kyerɨ ni ənɨ àwɔ̀ ə sob ɨsaʼi wə̀d cherə, à wɨə zɨ̀ ɨsaʼi ɨgwɨ ne, ɨmbə̀ʼ ɨghəm nɨ àwɔ̀ we nɨə sob mɨ̀sàʼi wɨə ghɨ̀ àmei ɨnû mbe nɨ məd ə bə̀ ghɨ̀ə̀.

Jems 4:17

Əne wə̀d we nɨ kyerɨ ənû nɨ kuʼnɨ nɨ tɨ̀ wɨ̀ ghɨ̀, àyɨə chəi wɨ̀ ghɨ̌, fə ghɨ̀ gù ənû.

1 Pità 2:16

Mbə̀ chub ɨghabɨ ə bə̂d mbe nɨ yeʼ ənɨ ə ɨghəm, àyɨə tɨ mbə nɨŋ əwən ɨchî nɨ mbə̀ə chub ənɨ ə ɨghəm ɨmbə̀ʼ ghɨ ɨnû rɨbɔ̀ŋ. Mbə̀ chub ɨchî nɨ bə̂d ə̀fàʼì Ŋwiə̀ berɨ chubɨ.