Jn 14:9 - Meta’

⁹ Yeso nyaʼa wììrɨ̀ ni, “Ɨmbə̀ʼ mə fə chubɨ mbɨ nən əgha ə se, àyɨə chəi àwɔ̀, Filip, kaŋ kɨrɨ kyerɨ əmɨ ə? Wə̀d jìm we nɨ zə əmɨ fə bə̀ zə ə Mbǎʼ. Àwɔ̀ wɨrɨ che rɨ ye ghà ɨ num ni, 'Chwiə Mbǎʼ ɨ na ə'?

Ikan feg

⁹ Yeso ya ywìtì gha, “Filib, chəyi àghò kiri kyeri amə, ane nyumə̀ gho̰ ne mə chughi tì inən anìŋ? Wə̀d ne bàd amə, fə bàd ìmə Mbaʼ. Àghò kə chè iye ghi gha, ‹Chwi ìwe Mbaʼ ina›?

Jn 14:9 ပူးပေါင်းရင်းမြစ်များ

Mk 9:19

Yeso nyaʼa ghà əmbɨ mɨ̀mə̌d ni, “Chəi ɨghəm bə̂d wɔ̂ berɨ ɨbenɨ! Mə̀ kɨə wò chubɨ mbɨ nən ənɨ əgha nɨ sa rɨ ye ə? Mə̀ kɨə wò yim fîŋ mbɨ nən ənɨ əgha nɨ sa rɨ ye ə? Mbə nɨŋ əməd yeʼe nàʼ ɨ num!”

Lk 12:56

Mbə yɨ ɨbekɨ bə̂d! Mbə kyerɨ ɨchî nɨ toʼrɨ ɨnû ɨmbə̀ʼ si fɔrɨ əton ɨkaŋ, àyɨə chəi mbə̀ kyerɨ ɨchî nɨ toʼrɨ ɨnû ɨmbə̀ʼ nyùmə̀ wɔ̂ rɨ̀nîn ɨmbə̀ʼ ə ye ə?”

Jn 1:14

Ɨŋgam we nyaʼa bèŋ ənɨ ə wə̀d mɨ̀sɔŋɨchù, chub əkaʼ na. Tɨ̀ nyaʼa zə ɨwumnɨ məd nɨ yeʼ ɨwumnɨ we nɨ wɨ̀ nyaʼa berɨ ɨchî nɨ wɨ̀ mei Wan we mɔʼ nɨ Mbǎʼ berɨ. Ɨ̀chɔ̀m mbɨ rəsìʼ nyaʼa swi ɨŋga məd.

Jn 10:30

Mɔ̌ mbɨ mɨ Mbǎʼ wɨ ənɨ ənû ə mɔʼ.”

Jn 12:45

Wə̀d mɔʼɔ we nɨ zə əmɨ wɨə bə̀ zə əməd we nɨ nyaʼa tom əmɨ.

Jn 14:20

Ənɨ əni ze ə pe, mbə bɨrɨ kyerɨ ni mə wɨ ənɨ ənû ə mɔʼ mbɨ mɨ Mbǎʼ, kyerɨ ni mbə mbɨ ənɨ ənû ə mɔʼ mbɨ num bə̀ kyerɨ ni mə wɨ ənɨ ənû ə mɔʼ mbɨ nən.

Jn 14:7

Mbə mɨ kə̀ʼ kyerɨ wə̀d we nɨ mə̀ yeʼ wɨwən, njɨ mbə bə̀ kə̀ʼ kyerɨ wə̀d we nɨ mɨ Mbǎʼ yeʼ wɨwən. Ɨ kɔ rɨ̀nîn mbə fə kyerɨ əməd, əne mbə fə bə̀ zə əməd.”

Jn 8:19

Ənɨ wɨ̀ nyaʼa gha əne, mbɨ nyaʼa biirɨ ɨ bɔ ni, “E mbǎʼ kɨ ə yi ə?” Yeso nyaʼa wììrɨ̀ ni, “Chəi mbə̀ kyerɨ əmɨ kɨ̀ mɨ Mbǎʼ. Mbə mɨ kə̀ʼ kyerɨ əmɨ, njɨ mbə bə̀ kə̀ʼ kyerɨ mɨ Mbǎʼ.”

1 Kɔrèn 15:12

Mbɨ mɨ yeʼə ghàə̀ ni Ŋwìə̀ nyaʼa zwemnɨ ə Kristo, njɨ zɨə sɨ wɨrɨ chè rɨ yè nɨ bə̂d mɔʼɔ rəbɔʼ nən ə ghà ni chəi bə̂d bɨrɨ zwemə ə?

Fìlipì 2:6

Wɨ̀ nyaʼa berɨ mɨchî Ŋwiə̀, àyɨə chəi wɨ̀ nyaʼa kəb chwi ni tə wɨ əndəŋ əndəŋ mbɨ ə Ŋwiə̀.

Kòlosè 1:15

Kristo we nɨ mbɨə zəə yɨ ɨghabɨ ə Ŋwiə̀ we nɨ chəi bə̂d ə zəə. Məd yɨə wan-fə̀d ɨgwɨ ɨghɨjìm mbe nɨ Ŋwìə̀ tekɨ.

Mə̀Hibrù 1:3

Wan we wɨə chwi ɨchî nɨ ɨzeŋɨ zeŋɨ Ŋwìə̀ ə teə. Ɨnû jìm ɨmbə̀ʼ əməd mbɨə chwi ɨchî nɨ Ŋwìə̀ ziə yeʼ ə. Ɨ wɨə ghɨ̀ə̀ ni ɨsɨg chub ɨchî nɨ wɨ yeʼ ə. Ɨ wɨə ghɨ̀ əne ənjìm ɨka we nɨ yeʼ ənɨ ɨŋgam məd. Ənɨ wɨ̀ nyaʼa fə ghɨ̌ Ŋwiə̀ waʼ ɨnû rɨbɔ̀ŋ bə̂d, wɨ̀ nyaʼa chub əbà əbɔ ə jɨg ə Məd we nɨ berɨ ɨka jìm.

1 Jɔn 5:20

Tɨ̀ bə̀ kyerɨ ni Wan Ŋwìə̀ fə yeʼe. Wɨ̀ fə ghɨ̀ ni tɨ̀ kyerɨ ɨnû, ɨmbə̀ʼ tɨ̀ kyerɨ Ŋwìə̀ we nɨ yeʼ wɨ rəsìʼ. Tɨ̀ wɨ ənɨ ɨfɔtɨ mbɨ Ŋwìə̀ we nɨ yeʼ wɨ rəsìʼ. Tɨ̀ wɨə bə̀ ənɨ ɨfɔtɨ mbɨ Wan məd Yeso Kristo. Məd yɨə Ŋwìə̀ rəsìʼ we nɨə ghɨ̀ ni bə̂d jɨg ɨ̀tènɨ̀ rɨ mì.