Jn 14:30 - Meta’

³⁰ Chəi mə wɨrɨ berɨ nyùmə̀ nɔnɔʼ nɨ ghambɨ mbɨ nən, ɨmbə̀ʼ ɨghəm nɨ wə̀d we nɨə tùmbɨ̀ ɨsɨg wɔ̂ wɨə yeʼe. Chəi wɨ̀ berɨ ɨka ɨgwɨ num,

Ikan feg

³⁰ Chəyi mə̀ biri ghàm tì inən ane agha ne sa imbə̀ʼ icheg ne wə̀d we ne sàʼa igun isəg gho̰, we yèʼe. Chəyi wì beri ika igun inum.

Jn 14:30 ပူးပေါင်းရင်းမြစ်များ

Lk 1:35

Aŋgɨrə̀ we nyaʼa wììrɨ̀ ɨ bɔ ni, “Əzwî ə Zeŋɨ bɨrɨ yeʼe ɨgwɨ ne, əne ɨka Ə̀chè-ɨsɨg bɨrɨ kubrɨ əwe. Mbɨ bɨrɨ tɔŋ wan zeŋɨ we nɨ à bɨrɨ gywɨ ni məd yɨə Wan Ŋwìə̀.

Lk 22:53

Mə wɨə nyaʼa mbɨ nən ɨni jìm ɨŋga mbàn Ŋwìə̀. Chəi mbə nyaʼa gywɨ əmɨ. Àyɨə ə nyùmə̀ fə kuʼi, nɨ wə̀d we nɨə tùmbɨ̀ ɨsɨ firɨ fə naʼ ɨka ɨ nən.”

Jn 12:31

Nyùmə̀ fə kùʼi nɨ Ŋwìə̀ bɨrɨ saʼ ɨsɨg wɔ̂. Wɨ̀ bɨrɨ fid məd we nɨə tùmbɨ̀ ɨsɨg wɔ̂.

Ɨ̀fàʼì 1:3

Ənɨ wɨ̀ nyaʼa fə zə ŋgəʼ, kwɨ, wɨrɨ zwemə, wɨ̀ nyaʼa chwi i ɨnyod əmbɨ mɨ̀mə̌d ənɨ ɨnweenɨ nɔnɔʼ ɨmbə̀ʼ mbɨ kyerɨ ni tə wɨ ɨkǎ. Ɨ wɨə nyaʼə jwɨ̀ ɨfě mɨ̀mə̌d ɨŋga ɨni ɨwum kwè. Wɨ̀ nyaʼa mɨ jwɨ̀, wɨ̀ ghà əmbɨ mɨ̀mə̌d ɨmbə̀ʼ ənû ɨfɔ̀n ə Ŋwiə̀.

2 Kɔrèn 4:4

Mbə̀ zə ni ŋwìə̀ we rɨŋga ɨsɨg wɔ̂ fə kən fîŋ bə̂d mbe nɨ chəi mbɨ ben ə Kristo, ɨmbə̀ʼ tɨ mbɨ zə ə ɨzeŋɨ zeŋɨ rɨ ənɨ ɨkə̂n chɔ̀m ɨmbə̀ʼ Kristo. Kristo wɨ ɨghabɨ ə Ŋwiə̀.

2 Kɔrèn 5:21

Ŋwiə̀ nyaʼa ghɨ̀ ni Kristo yeʼ wə̀d ɨnû rɨbɔ̀ŋ nɨ chə nyaʼa i ənû rɨbɔ̀ŋ ɨgwɨ məd, ɨmbə̀ʼ ənɨ ɨfɔtɨ mbɨ məd, tɨ̀ we tɨ̀ rɨ təm kùʼnɨ̀ ɨfě Ŋwiə̀.

Efesùs 2:2

Mbə mbɨə nyaʼə ghɨ̀ ɨnû rɨbɔ̀ŋ mbe ɨchî nɨ mbə̀ nyaʼə beenɨ əbɔʼ ɨnû rɨŋga ɨsɨg, bə̀ beenɨ əbɔʼ wə̀d we nɨə tùmbɨ̀ ɨzwî mbe nɨ yeʼ ɨŋga ɨfə, nɨ yeʼ ɨzwî mbe nɨə fàʼ rɨ̀nîn ɨŋga bə̂d mbe nɨ ghɨ̀ rɨ̀zuə̀ əmbɨ ə Ŋwiə̀.

Efesùs 6:12

ɨmbə̀ʼ ɨghəm nɨ chəi tɨə zɔ̀ŋə̀ mbɨə bə̂d pə̀n nɨ yeʼ bə̂d mɨ̀sɔŋɨchù. Tɨ̀ wɨə zɔ̀ŋə̀ yeʼ ɨzwî ka ka mbe nɨ yeʼ ɨkaŋ mbɨ mɨfɔ̂n mɨ̀mə̌d. Tɨ̀ wɨə zɔ̀ŋ ɨzwî ka ka mbe nɨ yeʼ ɨŋga ɨsɨ firɨ mbɔ̂ nɨ yeʼ ɨŋga ɨsɨg tɨ̀nîn. Tɨ̀ wɨə bə̀ zɔ̀ŋ ɨzwî rɨbɔ̀ŋ mbe nɨ yeʼ ɨŋga ɨfə.

Kòlosè 1:13

Wɨ̀ fə chɨ əwa rɨŋga tɨkyerɨ-ɨbɔ məd we nɨə tùmbɨ̀ ɨsɨ firɨ, əne zɨ̀ ɨŋga ənû ɨfɔ̀n ə Wan məd we nɨ wɨ̀ ghaʼi kwàʼ rɨŋgəʼ.

Mə̀Hibrù 4:15

Chəi tɨ̀ berɨ ətu ɨgwɨ ə bə̂d mbàn Ŋwìə̀ nɨ chəi ənɨ tɨ̀ wɨ̀ kən ɨmbə̀ʼ ɨchî nɨ tɨ̀ bɔrɨ. Tɨ̀ berɨ yeʼ we nɨ mbɨ nyaʼa numbɨ əməd ənɨ mɨ̀nə̂njɨ̀ jìm ɨchî nɨ mbɨə bə̀ numbɨ əwa, àyɨə chəi wɨ̀ nyaʼa ghɨ̌ ənû rɨbɔ̀ŋ.

Mə̀Hibrù 7:26

Ɨkwɨ ətu ɨgwɨ ə bə̂d mbàn Ŋwìə̀ wɔ̂ fə kàŋ kùʼ ɨ na. Məd ə zeŋ. Chəi ɨgu ənû ɨgwɨ məd. Chəi ɨbə ɨgwɨ məd. Chəi məd əbɔʼ bə̂d mbe nɨə ghɨ̀ ɨnû rɨbɔ̀ŋ. Mbɨ nyaʼa fə bə̀ nɔ̀ əməd ɨkaŋ.

1 Pità 1:19

Wɨ̀ nyaʼa choʼ yeʼ ənɨ ənəm əka ɨnun ze nɨ Kristo nyaʼa chəmnɨ. Kristo yɨ ɨghabɨ ə wan njɨ̀g nɨ chəi ənɔʼɔ kɨ̀ ədurɨ ɨgun.

1 Pità 2:22

Chəi wɨ̀ nyaʼa ghɨ ənû rɨbɔ̀ŋ ə mɔʼɔ. Chəi mɨghab mɔʼɔ nyaʼa jwɨ̀ rɨŋga ɨchù məd.

1 Jɔn 4:4

Mbɨ bɔn nɨ mə̀ ghaʼi kwàʼ rɨŋgəʼ, mbə yɨə bə̂d Ŋwiə̀ əne mbə fə baŋ bə̂d ɨ̀kə̀n mɨghab mbe. Mbə fə baŋ mɨ̀mə̌d ɨmbə̀ʼ ɨghəm nɨ Əzwî ze nɨ yeʼ ɨŋga nən ə chè əze nɨ yeʼ ɨŋga ɨsɨg.

1 Jɔn 5:18

Tɨ̀ ə kyerɨ ni chəi wə̀d Ŋwìə̀ mɔʼɔ əŋgu nɨə wò ɨmbì kɨrɨ ghɨ̀ ɨnû rɨbɔ̀ŋ. Wan Ŋwìə̀ wɨə nəŋgɨ əməd, əne chəi ənɨ tɨ Satàn wɨrɨ ghɨ ənû ə mɔʼɔ ənɨ məd.

1 Jɔn 5:19

Tɨ̀ ə kyerɨ ni tɨ yɨə bə̂d Ŋwiə̀. Tɨ̀ bə̀ kyerɨ ni ɨsɨg jìm wɨ əton ə Satàn.

Ɨnû 12:9

Mbɨ nyaʼa màʼ tɨ̀sɔ̀ʼɔ̀ jɔ ze ɨgwɨ ə si, nɨ yeʼ jɔ ze nɨ nyaʼa rəŋwe, nɨ mbɨə tɔŋ ənɨ ə Debɨ̀rə̀ kɨ ə Satàn. Jɔ ze zɨə nyaʼə tambɨ ɨsɨg jìm. Mbɨ nyaʼa màʼ əməd mbɨ mbɨ̀aŋgɨrə̀ məd mɨjìm ɨgwɨ ə si.