Jn 14:28 - Meta’

²⁸ Mbə fə zu ənɨ mə ghà ɨ nən ni, 'Mə wɨə wòə̀, àyɨə mə bɨrɨ wɨrɨ yeʼe əsɨ nən.' À kɨ ənɨ mbə nyaʼa kaŋ ghaʼ əmɨ, njɨ mbə bɨrɨ ghaʼ ni mə wɨə wò əsɨ Mbǎʼ, ɨmbə̀ʼ ɨghəm nɨ Mbǎʼ ə chè əmɨ.

Ikan feg

²⁸ Mbə zug icheg ne mə gha, ‹Mə biri zàmbi sàŋì awən, si ya gha, mə biri ywiri yeʼe bàd awən.› Mbə̰ mə̀ kɔ̀ŋ amə, nji mbə̰ biri ya gyènde gha mə ghò bàd ìmə Mbaʼ imbə̀ʼ icheg ne ìmə Mbaʼ chè amə.

Jn 14:28 ပူးပေါင်းရင်းမြစ်များ

Matìyò 12:18

“Mbə̀ zə, wɔ̂ yɨ mɨ wə̀d ə̀fàʼì we nɨ mə̀ fə chɔʼɔ. Mə ghaʼ əməd kwàʼ rɨŋgəʼ. Mɨ fîŋ ə bɔ̀ŋ əku ɨmbə̀ʼ əməd. Mə bɨrɨ cha mɨ Əzwî ɨŋga məd, əne wɨ̀ bɨrɨ ghà əmbɨ ɨbeŋ mbe nɨ kaʼi mbɨ mɨ̀Jû ni mə bɨrɨ saʼ mɨ̀mə̌d ɨchî nɨ kuʼnɨ.

Jn 10:38

Mə mɨ yeʼə ghɨ̀ ɨnû mbe, ka à be yeʼi ni chəi mbə̀ ben ənû mbe nɨ mɨə ghàə̀, àyɨə mbə ben ɨmbə̀ʼ mbə ɨtu zeŋ ni mɨ Mbǎʼ wɨ ənɨ ənû ə mɔʼ mbɨ num fɔrɨ ni mə wɨ ənɨ ənû ə mɔʼ mbɨ mɨ Mbǎʼ.”

Jn 13:16

Mə ghà rəsìʼ ɨ nən ni chəi wə̀d ə̀fàʼì mɔʼɔ nɨ dabə chè i mbǎʼ ə̀fàʼì, kɨ̀ wə̀d tom nɨ dabə chè wə̀d we nɨ tom əməd.

Jn 14:12

Mə ghà rəsìʼ ɨ nən ni wə̀d we nɨ ben ɨnû mbe nɨ mɨə ghàə̀ bɨrɨ bɨ ghɨ ɨnû mbe nɨ mɨə ghɨ̀ə̀. Məd bɨrɨ ghɨ ɨnû nɨ che mbɔ̂, ɨmbə̀ʼ ɨghəm nɨ mə wɨə wò əsɨ Mbǎʼ.

Jn 14:18

“Chəi mə bɨrɨ saŋ əwən ɨghabɨ ni mbə yɨ mɨchɨ, àyɨə mə bɨrɨ wɨrɨ yeʼe əsɨ nən.

Jn 16:7

Mə ghà rəsìʼ ɨ nən ni zɨə kàŋ bɔ̀ŋ ni mə̀ wo ə, ɨmbə̀ʼ ɨghəm nɨ mə mɨ rɨka wo əmɨ, njɨ chəi Ə̀wèèrɨ̀-bə̂d we bɨrɨ yeʼe ɨ nən. Mə mɨ wò, mə bɨrɨ cha əməd ɨ nən.

Jn 20:17

Yeso nyaʼa ghà ɨ bɔ ni, “Tɨrə̀ yim e əmɨ, ɨmbə̀ʼ ɨghəm nɨ chəi mə kɨrɨ wò ɨkaŋ əsɨ mɨ Mbǎʼ. Àyɨə ndə̀ əsɨ mbɨ bɔŋgɔb pè ghà əmbɨ mɨ̀mə̌d ni mə yɨ əni wò ɨkaŋ əsɨ mɨ Mbǎʼ nɨ bə yeʼ ə Mbǎʼ, bə̀ wò əsɨ mɨ Ŋwiə̀ nɨ bə yeʼ ə Ŋwiə̀.”

Jn 20:21

Yeso nyaʼa yì ghà əmbɨ mɨ̀mə̌d ni, “Mbə̀ chub ənɨ əbɔrəbɔd. Ɨchî nɨ mɨ Mbǎʼ nyaʼa tom əmɨ, mə fə bə̀ tom əwən.”

Jn 5:18

Ɨŋgam wɔ̂ nɨ Yeso nyaʼa ghamɨ nyaʼa ghɨ̀ ni bə̂d mbe nɨ nyaʼə tekɨ ɨnû ɨŋga əbeŋ mɨ̀Jû kɔ kə̀b ɨnə̂njɨ̀ nɨ zwiirɨ əməd. Chəi mbɨ nyaʼa kəb zwiirɨ əməd àmei ɨmbə̀ʼ ɨchî nɨ wɨ̀ nyaʼa gu ɨkə əni əkwɨ, mbɨ nyaʼa bə̀ kə̀b zwiirɨ əməd ɨmbə̀ʼ ɨghəm nɨ ɨ wɨə nyaʼə gha ni Ŋwìə̀ yɨ i Mbǎʼ, əne wɨ̀ nyaʼa kə̀b chwi ni tə wɨ əndəŋ əndəŋ mbɨ ə Ŋwiə̀.

Jn 7:33

Yeso nyaʼa ghà əmbɨ mɨ̀mə̌d ni, “Mə bɨrɨ kɨrɨ chubɨ mbɨ nən ɨkə nyùmə̀. Ənɨ ə nyùmə̀ we fə che, mə bɨrɨ bəndɨ wò əsɨ məd we nɨ nyaʼa tom əmɨ.

1 Kɔrèn 11:3

Mə wɨə kə̀bə̀ ni mbə̀ kyerɨ ni ətu ɨgwɨ ə mbaŋə̀ rɨ̀jìm yɨə Kristo, kyerɨ ni ətu ɨgwɨ əyi yɨ ɨnom məd, bə̀ kyerɨ ni ətu ɨgwɨ ə Kristo yɨə Ŋwiə̀.

1 Pità 1:8

Mbə ghaʼ əməd, ka à be yeʼi ni chəi mbə kɨrɨ zə əməd. Mbə nuŋ fîŋ ɨgwɨ məd, ka à be yeʼi ni chəi mbə̀ə zə əməd. Mbə̀ kàŋ ghaʼrɨ mbɨ ɨkwɨ ɨghaʼi we nɨ chəi ənɨ tɨ wə̀d ghà ənɨ ɨchù.

Ɨnû 1:11

ni, “Ŋwaʼnɨ ɨnû mbe nɨ àwɔ̀ ə zəə. À mɨ ŋwàʼnɨ̀, à tom əmbɨ rɨfetɨ bə̂d Kristo te sambe: əmbɨ ɨfetɨ wɨ rɨ ə Efesùs, əmbɨ we rɨ ə Smainà, əmbɨ we rɨ ə Pegamùm, əmbɨ we rɨ ə Tìatirà, əmbɨ we rɨ ə Sadìs, əmbɨ we rɨ ə Fìlàdelfià fɔrɨ əmbɨ we rɨ ə Laodisià.”