Jn 11:40 - Meta’

⁴⁰ Yeso nyaʼa ghà ɨ bɔ ni, “Ɨmbə̀ʼ mə kə̀ʼ gha ɨ ne ni à mɨ benɨ, à bɨrɨ zə ɨka Ŋwiə̀ ə?”

Ikan feg

⁴⁰ Yeso ya ghà ibo gha, “Àkə chəyi mə̀ kə gha ine gha, àghò mə nɔ̀ŋì ibḛfiŋ igun Ŋwiye, àghò biri bàd ika Ŋwiye?”

Jn 11:40 ပူးပေါင်းရင်းမြစ်များ

Matìyò 17:20

Wɨ̀ nyaʼa wììrɨ̀ əmbɨ mɨ̀mə̌d ni, “À yɨ ɨmbə̀ʼ ɨghəm nɨ mbə̀ berɨ ɨbenɨ nɨ kə. Mə ghà rəsìʼ ɨ nən ni, mbə mɨ berɨ ɨbenɨ nɨ kə ɨghabɨ sǎm ə̀wɔ̀mɨ, mbə bɨrɨ gha əmbɨ ɨwum wɔ̂ ni, 'Nɔʼ rɨ əgha wò ə yɨə,' wɨ bə̀ nɔ̀ʼ wò. Chəi ənû ə mɔʼɔ bɨrɨ chè əwən.”

Mk 9:23

Yeso nyaʼa ghà ɨ bɔ ni, “À ghà ni, 'A mɨ yeʼ nɨ tɨ̀ à ghɨ̀ ənû ə mɔʼɔ!' Kyerɨ ni chəi ənû ə mɔʼɔ nɨ tɨ̀ zɨə chè wə̀d we nɨ benɨ.”

Jn 1:14

Ɨŋgam we nyaʼa bèŋ ənɨ ə wə̀d mɨ̀sɔŋɨchù, chub əkaʼ na. Tɨ̀ nyaʼa zə ɨwumnɨ məd nɨ yeʼ ɨwumnɨ we nɨ wɨ̀ nyaʼa berɨ ɨchî nɨ wɨ̀ mei Wan we mɔʼ nɨ Mbǎʼ berɨ. Ɨ̀chɔ̀m mbɨ rəsìʼ nyaʼa swi ɨŋga məd.

Jn 11:4

Ənɨ Yeso nyaʼa zu ənû zɔ̂, wɨ̀ nyaʼa ghà ni, “Kaʼ Lazarɔ̀s bɨrɨ kwɨ i ɨmbə̀ʼ əwɔn zɔ̂. Àyɨə zɨə bɨrɨ ghɨ ni bə̂d wumnɨ ə Ŋwiə̀ bə̀ wumnɨ Wan Ŋwìə̀.”

Jn 12:41

Aizayà nyaʼa ghà ənû zɔ̂ ɨmbə̀ʼ ɨghəm nɨ wɨ̀ nyaʼa fə zə ɨchî nɨ bə̂d bɨrɨ wumnɨ ə Yeso, əne wɨ̀ nyaʼa ghà ɨmbə̀ʼ əməd.

Jn 9:3

Yeso nyaʼa wììrɨ̀ ni, “Kaʼi ni à yɨə mbaŋə̀ zɔ̂ nyaʼa ghɨ ənû rɨbɔ̀ŋ kɨ̀ mbǎʼ məd kɨ̀ ɨŋgɔb məd. Məd ə fɨ̀g ɨmbə̀ʼ bə̂d zə ɨchî nɨ Ŋwìə̀ ə fàʼə̀.

Rm 6:4

Əne tɨ̀ nyaʼa fə kwɨ mbɨ tweŋ əwa mbɨ məd ɨchî nɨ tɨ̀ nyaʼa nɨŋ mɨnib, ɨmbə̀ʼ ɨchî nɨ mbɨ nyaʼa zwemnɨ ə Kristo ənjìm ɨwumnɨ Mbǎʼ, əne bə̂ tɨ̀ bɨrɨ bɨ yen ɨŋga ɨ̀tènɨ̀ fi.

2 Kɔrèn 3:18

Mba mɨjìm mbe nɨ chəi ngywɨ̌ kən ta rɨfě, nɨ tɨə zə ɨzeŋɨ zeŋɨ Ə̀nùŋɨ̀sɨg ɨchî nɨ wɨə mèŋnɨ̀ ɨghabɨ ni à yɨ ɨŋga əneŋ ɨfě, fə bèŋ ɨghabɨ əməd ɨchî nɨ tɨə teə wò ɨmbì ɨmbì. Ɨzeŋɨ zeŋɨ we yɨ rɨ əmbɨ Ə̀nùŋɨ̀sɨg we nɨ yeʼ Əzwî.

2 Kɔrèn 4:6

Ŋwiə̀ we nɨ nyaʼa gha ni, “Ɨzeŋɨ zeŋɨ te ɨŋga ɨsɨ firɨ,” fə te ɨŋga ta fîŋ ɨmbə̀ʼ naʼ ɨzeŋɨ zeŋɨ ɨ na, ɨmbə̀ʼ tɨ̀ kyerɨ ɨzeŋɨ zeŋɨ Ŋwiə̀ we nɨə te ənɨ ɨfě Kristo.