Jn 11:32 - Meta’

³² Ənɨ Mèri nyaʼa wò əsɨ ze nɨ Yeso nyaʼa əŋgu, pè zə əməd, wɨ̀ nyaʼa gù ɨban ɨwu məd ghà ni, “Ə̀nùŋɨ̀sɨg, à kɨə kəʼ əgha njɨ chəi mɨ nobɨ kwɨ.”

Ikan feg

³² Mèri ya pè asiŋi ze ne Yeso ya yaʼi angu, bàd aməd, si gùg ibo imbìghè, se ghà ibo gha, “Anɔŋisəg, àghò kə kə̀ aŋa, nji chəyi ìmə nɔbi ku.”

Jn 11:32 ပူးပေါင်းရင်းမြစ်များ

Lk 17:16

pè gù ɨban ɨwu Yeso, nàʼ məben-əwe ɨ bɔ. Mbaŋə̀ ze yɨə nyaʼə wə̀d rɨ ə Sàmàriyà.

Lk 5:8

Ənɨ Saimon Pità nyaʼa zə əne, wɨ̀ nyaʼa gù ə si ɨfě Yeso ghà ni, “Nɔʼ e rɨ ɨban num, kyɨ Ə̀nùŋɨ̀sɨg, ɨmbə̀ʼ ɨghəm nɨ mɔ̌ yɨə wə̀d nɨə ghɨ̀ ɨnû rɨbɔ̀ŋ.”

Lk 8:41

Mbaŋə̀ mɔʼɔ nɨ ɨkum məd nyaʼə Jairùs, nɨ nyaʼə wɨ mɔʼɔ rəbɔʼ mbaŋə̀ te nɨ nyaʼə chà nəb ə̀kàtɨ̀ nyaʼa wò gù ənɨ ɨwu ɨməd, buʼ ɨbɔ ni wɨ̀ wo ɨŋga i nəb,

Jn 11:2

Mèri we nɨ nobɨ məd nɨ nyaʼə Lazarɔ̀s nyaʼə wɔ̀nə̀ yɨ we nɨ nyaʼa zɔʼ Ə̀nùŋɨ̀sɨg ənɨ mɨwud bə̀ fu ɨwu məd ənɨ ti nyôŋ rɨ ətu.

Jn 11:21

Màta nyaʼa ghà əmbɨ Yeso ni, “Ə̀nùŋɨ̀sɨg, à kɨə kəʼ əgha njɨ chəi mɨ nobɨ kwɨ.

Jn 11:37

Àyɨə mbɨ mɔʼɔ rəbɔʼ mɨ̀mə̌d nyaʼa ghà ni, “Wɨ̀ nyaʼa ghɨ̀ ni mbaŋə̀ ze nɨ nyaʼa fɨgə wɨrɨ kɔ zə ɨsɨ, əne chəi ənɨ tɨ̀ wɨ̀ kə̀ʼ ghɨ̀ ni tɨ Lazarɔ̀s kwɨ i ə?”

Jn 4:49

Wə̀d kyeŋ we nyaʼa ghà ɨ bɔ ni, “Masà, mə̀ buʼ ɨbɔ, tɨ̀ swiʼi wò bɔŋ mɨ wan sɨə kwɨə.”

Ɨnû 22:8

Mɔ̌, Jɔ̌n, yɨə wə̀d we nɨ nyaʼa zu bə̀ zə ɨnû mbɔ̂. Ənɨ mə nyaʼa zu bə̀ zə, mə nyaʼa gundɨ ə si ɨban ɨwu aŋgɨrə̀ we nɨ nyaʼa chwi ɨnû mbɔ̂ ɨ num. Mə nyaʼa gundɨ ɨmbə̀ʼ wumnɨ əməd.

Ɨnû 5:14

Ɨghɨ mbe ɨkwè nɨ yeʼ ɨkǎ nyaʼa wììrɨ̀ ni, “À yɨ əne!” Bə̂d kyeŋ mbe nyaʼa gundɨ ə si wumnɨ ə Ŋwiə̀ bə̀ wumnɨ Wan njɨ̀g.

Ɨnû 5:8

Ənɨ wɨ̀ nyaʼa nɨŋ ə̀ŋwàʼnɨ̀ ze, ɨghɨ mbe ɨkwè nɨ yeʼ ɨkǎ mbɨ ə bə̂d kyeŋ mbe ɨwum be chɔ̀b rɨkwè, nyaʼa gundɨ ə si ɨfě Wan njɨ̀g we. Wɨ mɔʼ mɔʼ rəbɔʼ mɨ̀mə̌d nyaʼa yim ɨnoŋɨ ngyi bə̀ yim ɨŋgupɨ ɨkaŋ nɨ mbɨ nyaʼa tekɨ ənɨ ə gôl. Ɨneŋ nyaʼa swi ɨŋga ɨŋgupɨ ɨkaŋ mbe. Ɨneŋ we yɨ ɨ̀kɔ̀ŋgɨ̀ bə̂d Ŋwiə̀.