Jn 1:9 - Meta’

⁹ Ɨzeŋɨ zeŋɨ we yɨə nyaʼa ɨzeŋɨ zeŋɨ rəsìʼ we nɨ nyaʼa yeʼe ɨŋga ɨsɨg, bə̀ te ɨgun bə̂d mɨjìm.

Ikan feg

⁹ Ìzḛzḛ gho̰ ya kwàʼ ìzḛzḛ tesiʼ ne yeʼe igun isəg. Wì ya zùʼə abə bəd məjìm.

Jn 1:9 ပူးပေါင်းရင်းမြစ်များ

Matìyò 6:23

Àyɨə e ɨghə mɨ yeʼ wɨ rɨ̀bɔ̀ŋ, e nyamnyod jìm bɨrɨ fin. Əne ɨzeŋɨ zeŋɨ we nɨ yeʼ ɨŋga ne mɨ bèŋ ənɨ ɨsɨ firɨ, njɨ ɨsɨ mbe bɨrɨ fin rɨ kììm!

Lk 11:36

Əne e ɨnyod jìm mɨ zeŋ, nɨ chəi əba ə mɔʼɔ ə finə, njɨ e ɨnyod jìm bɨrɨ te ɨchî nɨ ənam ə teə nàʼ ɨzeŋɨ zeŋɨ ɨ ne.”

Jn 1:4

Ɨ̀tènɨ̀ yɨ rɨ ənɨ Ɨŋgam. Ɨ̀tènɨ̀ wɔ̂ yɨə nyaʼa ɨzeŋɨ zeŋɨ əmbɨ ə bə̂d.

Jn 1:7

Jɔ̌n nyaʼa yeʼe ɨghabɨ zərɨmbin ɨ gha ɨnû ɨmbə̀ʼ ɨzeŋɨ zeŋɨ we. Ɨ wɨə nyaʼə ghà əne ɨmbə̀ʼ bə̂d mɨjìm mbe tɨ̀ mbɨ zu benɨ.

Jn 12:46

Mə fə yeʼe ɨŋga ɨsɨg ɨghabɨ ɨzeŋɨ zeŋɨ, ɨmbə̀ʼ tɨ wə̀d mɔʼɔ we nɨ ben əmɨ wɨrɨ chub i ɨŋga ɨsɨ firɨ.

Jn 14:6

Yeso nyaʼa wììrɨ̀ ɨ bɔ ni, “Mɔ̌ yɨə ɨnə̂njɨ̀ fɔrɨ rəsìʼ bə̀ fɔrɨ ɨ̀tènɨ̀. Chəi wə̀d mɔʼɔ nɨ tɨ̀ wɨ̀ wò əsɨ mɨ Mbǎʼ kɨrɨ ənɨ wɨ̀ che ənɨ mɨ njìm.

Jn 15:1

Yeso nyaʼa ghà əmbɨ mbi mə̀mə̀ə̀nɨ̀-ɨnû ni, “Mɔ̌ yɨ əzed ə vaìn rəsìʼ. Mɨ Mbǎʼ yɨə wə̀d we nɨə nəŋgɨə mbeŋ vaìn.

Jn 6:32

Yeso nyaʼa sɨ ghà əmbɨ mɨ̀mə̌d ni, “Mə ghà rəsìʼ ɨ nən ni, kaʼi Mose nyaʼa naʼ ŋgə̀ŋ ze nɨ nyaʼa nɔʼ rɨkaŋ ɨ nən. À yɨ mɨ Mbǎʼ ə nàʼ ŋgə̀ŋ ze nɨ yeʼ zɨ rəsìʼ ze nɨ nɔʼ rɨkaŋ.

Jn 7:12

Bə̂d mɨ̀nɔnɔʼ rɨŋga ɨnɔ̂n bə̂d we wɨə nyaʼə chùmbɨ̀ ɨmbə̀ʼ ə Yeso. Mbɨ mɔʼɔ mbɨə nyaʼə ghàə̀ ni, “Məd yɨə wə̀d chɔ̀m,” àyɨə mbɨ cherə mbɨə nyaʼə ghàə̀ ni, “Chə̂, məd wɨə fèbrɨ̀ ə bə̂d.”

1 Jɔn 1:8

Tɨ̀ mɨ ghà ni chəi ənû rɨbɔ̀ŋ ə mɔʼɔ ɨŋga na, njɨ tɨ̀ wɨə tambɨ a ɨnyod, əne chəi rəsìʼ ɨŋga ɨnû mbe nɨ tɨə ghàə̀.

1 Jɔn 2:8

Àyɨə ɨkə wɔ̂ nɨ mɨə ŋwàʼnɨ̀ ɨ nən yɨə kàŋ wɨ fi. Bə̂d mbɨə zə rəsìʼ we nɨ yeʼ ɨŋga ɨkə wɔ̂ rɨ ənɨ ɨchî nɨ Kristo nyaʼə ghɨ̀ ɨnû bə̀ fɔrɨ tɨ ənɨ ɨchî nɨ mbə̀n ə bə̀ ghɨ̀ ɨnû, ɨmbə̀ʼ ɨghəm nɨ ɨsɨ firɨ fə sɨə che i, əne ɨzeŋɨ zeŋɨ rəsìʼ fə sɨə teə.

1 Jɔn 5:20

Tɨ̀ bə̀ kyerɨ ni Wan Ŋwìə̀ fə yeʼe. Wɨ̀ fə ghɨ̀ ni tɨ̀ kyerɨ ɨnû, ɨmbə̀ʼ tɨ̀ kyerɨ Ŋwìə̀ we nɨ yeʼ wɨ rəsìʼ. Tɨ̀ wɨ ənɨ ɨfɔtɨ mbɨ Ŋwìə̀ we nɨ yeʼ wɨ rəsìʼ. Tɨ̀ wɨə bə̀ ənɨ ɨfɔtɨ mbɨ Wan məd Yeso Kristo. Məd yɨə Ŋwìə̀ rəsìʼ we nɨə ghɨ̀ ni bə̂d jɨg ɨ̀tènɨ̀ rɨ mì.