Ɨnû 9:20 - Meta’

²⁰ Chəi ə̀bùʼ ə bə̂d mɨ̀sɔŋɨchù ze nɨ chəi ŋgəʼ kǎ kǎ tɔ̂ nyaʼa zwiirɨ mɨ̀mə̌d nyaʼa beŋ tə fîŋ tɨ ənɨ ɨghɨ mbe nɨ mbɨ nyaʼa tekɨ ənɨ mbə ɨbɔ. Chəi mbɨ kɨrɨ sob nɨ wumnɨ ɨzwî rɨbɔ̀ŋ bə̀ fɔrɨ nɨ wumnɨ mbɨ̀anèŋ mbe nɨ mbɨ tekɨ ənɨ ə gôl, ənɨ ə sɨrɨvà, ənɨ ə brɔnz, ənɨ ɨti bə̀ fɔrɨ ənɨ ɨzed. Chəi ənɨ tɨ̀ mbɨ̀anèŋ mbɔ̂ zə ɨsɨ, zu ənû kɨ̀ yènɨ̀.

Ikan feg

²⁰ Àbùʼì bəd ze ne chəyi ngəʼ ka ka te ya zweti awɔb, ya kiri to̰ awɔb ni bə̀ŋì ìtɔb fìŋ chì ane ighi mbe ne mbi tangi ane ibo. Chəyi mbi ya to̰ anug ni ghumni izwighi tibɔ̀ŋ kə̀ mə̀ŋwiye ne mbi tangi ane gol, kə̀ sibà, kə̀ brons, kə̀ ane ateg kə̀ ane ized. Chəyi tì mə̀ŋwiye mbo̰ ijìm bàd isiŋi, kə̀ zug inug, kə̀ bə̀ yèn.

Ɨnû 9:20 ပူးပေါင်းရင်းမြစ်များ

Matìyò 21:32

Mə ghà əne ɨmbə̀ʼ ɨghəm nɨ Jɔ̌n nyaʼa yeʼe əsɨ nən ɨ chwi ɨnə̂njɨ̀ nɨ kuʼnɨ, àyɨə chəi mbə̀ nyaʼa ben əməd. À yɨ məfetɨ mɨ̀tagsɨ̀ mbɨ ɨ̀kùnɨ̀ nyaʼa ben əməd. Ka àbei ənɨ mbə̀ nyaʼa zə ənû zɔ̂, chəi mbə̀ nyaʼa wɨrɨ bèŋ tə fîŋ ben əməd.

Ɨ̀fàʼì 17:29

“Ɨchî nɨ tɨ̀ yeʼ bɔn Ŋwiə̀, tɨ rɨ kɔndɨ a ni Ŋwiə̀ wɨ ɨghabɨ anèŋ nɨ mbɨ tekɨ ənɨ ə gôl, kɨ ənɨ sɨrɨvà, kɨ ənɨ ɨti. Ka məd yɨ əghɨ nɨ wə̀d nyaʼa kɔndɨ ɨŋga e ətu tekɨ ənɨ ɨbɔ.

Ɨ̀fàʼì 19:26

Mbə mbɨə zəə bə̀ zuə ni Pɔ̂l wɔ̂ fə fì ɨtu bə̂d bə̀ beŋ fîŋ rɨ bə̂d mɨ̀nɔnɔʼ ɨchî nɨ wɨə ghàə̀ ni ka mɨ̀ŋwìə̀ mbe nɨ mbɨ tekɨ ənɨ ɨbɔ yɨ i mɨ̀ŋwìə̀ mɔʼɔ. Ɨ wɨə ghà ənû zɔ̂ ə Efesùs bə̀ ghà ɨŋga ɨsɨ jìm mbe nɨ yeʼ əbà əbeŋ ze rɨ ə Esià.

Ɨ̀fàʼì 7:41

À yɨ ənɨ ə nyùmə̀ we nɨ mbɨ nyaʼa kywɨ anèŋ nɨ nyaʼa ɨghabɨ ə wan rɨkun, əne nàʼ ɨghɨ ə̀fà ɨ bɔ. Ənɨ mbɨ nyaʼa ghɨ əne, mbɨ nyaʼa kɔ ghaʼ ɨmbə̀ʼ ə̀fàʼì ze nɨ mbɨ nyaʼa faʼ ənɨ mbə ɨbɔ.

2 Kɔrèn 12:21

Mə wɨə bɔə ni ənɨ mə̀ wɨrɨ yeʼe, Ŋwìə̀ we nɨ mɨə wumnɨə bɨrɨ swi əmɨ ɨfě nən. Mə wɨə bə̀ bɔə ni mə bɨrɨ dì ɨmbə̀ʼ bə̂d mɨ̀nɔnɔʼ mbe nɨ nyaʼa kweʼ ghɨ̀ ɨnû rɨbɔ̀ŋ àyɨə chəi mbɨ kɨrɨ beŋ tə fîŋ tɨ ənɨ ɨnyɔɔnɨ-ɨnû, tɨ ənɨ ɨfabrɨ-ɨnû bə̀ fɔrɨ tɨ ənɨ ɨnyamnɨ-ɨnû mbe nɨ mbɨ nyaʼə ghɨ̀ə̀.

1 Timotì 4:1

Əzwî ə Zeŋɨ ə zɨə ghàə̀ zɨə zeŋ ni ɨŋga ɨni mbe nɨə wo yeʼe, bə̂d mɔʼɔ bɨrɨ waʼ ɨbenɨ we nɨ mbɨ berɨ, sɨə zuunɨə yeʼ bə̂d mbe nɨə zwetɨ ɨnû rɨ əmbɨ ɨzwî mbe nɨə tambɨə bə̂d. Mbɨ bɨrɨ bɨ chwi ɨnû mɨghab mbe nɨ ɨzwî rɨbɔ̀ŋ ə kə̀bə̀ ni bə̂d benɨ.

Ɨnû 15:1

Mə nyaʼa zə ənweenɨ-ənû ə cherə ɨkaŋ. Ənweeenɨ-ənû ze ə nyaʼa chè əbɔ. Mbɨ̀aŋgɨrə̀ sambe mbɨə nyaʼə əŋgu. Mbɨ nyaʼa yim ŋgəʼ rɨ kǎ kǎ sambe, nɨ yeʼ te nɨ sɨ nwìə̀. Ŋgəʼ te mɨ fə mì i, ka Ŋwìə̀ bɨrɨ wɨrɨ sə i ɨtəm.

Ɨnû 16:8

Aŋgɨrə̀ we nɨ pe ənɨ mbɨ mɨkwè nyaʼa sab ɨsə ɨtəm we nɨ nyaʼa ɨŋga əŋgupɨ əkaŋ əməd ɨgwɨ ə nyùmə̀. Ənɨ wɨ̀ nyaʼa sab əne, Ŋwìə̀ nyaʼa sàŋ ni nyùmə̀ we tɔn bə̂d ənɨ əzuʼ əka ka.

Ɨnû 9:19

Ɨka ngyi te wɨ ɨŋga mɨchû mɨ̀mə̌d bə̀ fɔrɨ ɨŋga tɨkon tɨ mɨ̀mə̌d. Tɨkon tɨ mɨ̀mə̌d yɨ ɨghabɨ ə jɔ mbɨ ɨtu. Ɨ mbɨə nɨŋə tɨkon tɔ̂ ghɨ̀ əghəm ənɨ ə bə̂d.

Ɨnû 9:21

Chəi mbɨ nyaʼa beŋ tə fîŋ tɨ ənɨ ɨchî nɨ mbɨə zwiirɨ ə bə̂d, tɨ ənɨ ɨchî nɨ mbɨə ghɨ̀ mɨ̀sà, tɨ ənɨ ɨchî nɨ mbɨə ghɨ̀ ɨfabrɨ-ɨnû kɨ̀ rɨ ənɨ ɨchî nɨ mbɨə jɨə.