Ɨnû 9:18 - Meta’

¹⁸ Ŋgəʼ kǎ kǎ tɔ̂ rɨtad nyaʼa zwiirɨ əba ə fibɨ̀ ənɨ mbɨ ghapɨ bə̂d mɨ̀sɔŋɨchù ɨba tad. Ŋgəʼ kǎ kǎ tɔ̂ yɨ ɨwid, ndiʼ mbɨ ə sɔlfò we nɨə jwɨ̀ rɨŋga mɨchû ngyi te.

Ikan feg

¹⁸ Ngəʼ ka ka ìto̰ titad ya zweti aba bəd afibì inga iba itad ane bəd igun isəg. Ngəʼ ka ka ìto̰ ya yaʼ iywid tì ndiʼ fɔrɔ sɔfɔ̀ ne yaya dùwə̀ ichug abə nyam mə̀kara te.

Ɨnû 9:18 ပူးပေါင်းရင်းမြစ်များ

Ɨnû 8:10

Aŋgɨrə̀ we nɨ pe ənɨ mbɨ mɨtad nyaʼa fə i taŋ, əne fɨtəmɨ kyeŋ nɨ nyaʼə te ɨghabɨ ɨkaʼi nyaʼa nɔʼ rɨkaŋ feŋ ɨgun əba ə fibɨ̀ ənɨ mbɨ ghapɨ mɨgyɨ̂ ɨba tad bə̀ feŋ ɨgun mɨ̀jwɨ̀-əmboŋ.

Ɨnû 8:11

Ɨkum fɨtəmɨ fe yɨə Ənywɨ̀-ənywɨ̀. Əba ə fibɨ̀ ənɨ mbɨ ghapɨ mɨnib ɨba tad nyaʼa bèŋ sɨə nywɨ̀ə̀. Bə̂d mɨ̀nɔnɔʼ nɨ nyaʼa nɔ mɨnib mbe nyaʼa kwɨ ɨmbə̀ʼ ɨghəm nɨ mɨnib mbe mbɨə nyaʼə nywɨ̀ə̀.

Ɨnû 8:12

Aŋgɨrə̀ we nɨ pe ənɨ mbɨ mɨkwè nyaʼa fə i taŋ, əne əghɨ ə mɔʼɔ ə nyaʼa nun əbà ə fibɨ̀ ənɨ mbɨ ghapɨ nyùmə̀ ɨba tad, ənɨ mbɨ ghapɨ ɨmɨg ɨba tad, bə̀ fɔrɨ ənɨ mbɨ ghapɨ rɨtəmɨ ɨba tad. Əba ə fibɨ̀ ənɨ mbɨ tad ənɨ ɨzeŋɨ zeŋɨ mɨ̀mə̌d nyaʼa fin. Chəi nyùmə̀ nyaʼa te ənɨ əba ə fibɨ̀ ənɨ mbɨ ghapɨ əni ɨba tad. Chəi ɨmɨg mbɨ rɨtəmɨ nyaʼa te ənɨ əbà ə fibɨ̀ ənɨ mbɨ ghapɨ ɨzimɨ ɨba tad.

Ɨnû 8:7

Aŋgɨrə̀ rɨtu nyaʼa fə i taŋ, əne əwəŋ mbɨ ɨwid, nɨ nyaʼa nyamɨ mbɨ ənəm, nyaʼa feŋgɨ ɨgwɨ ə si. Əba ə fibɨ̀ ənɨ mbɨ ghapɨ si ɨba tad nyaʼa fɨə. Əba ə fibɨ̀ ənɨ mbɨ ghapɨ ɨzed ɨba tad nyaʼa fɨə. Ɨfu zwɨ̂ jìm nyaʼa bə̀ fɨə.

Ɨnû 8:8

Aŋgɨrə̀ we nɨ pe ənɨ mbɨ mɨbe nyaʼa fə i taŋ, əne mbɨ nyaʼa màʼ əghɨ ə mɔʼɔ nɨ nyaʼa ɨghabɨ ɨwum kyeŋ nɨə fɨə ɨŋga rɨ̀bàà. Əba ə fibɨ̀ ənɨ mbɨ ghapɨ rɨ̀bàà ɨba tad nyaʼa bèŋ ənɨ ənəm.

Ɨnû 8:9

Əba ə fibɨ̀ ənɨ mbɨ ghapɨ ɨghɨ mbe nɨə chub ɨŋga rɨ̀bàà ɨba tad nyaʼa kwɨ. Mbɨ nyaʼa chəkɨ əba ə fibɨ̀ ənɨ mbɨ ghapɨ ɨbaŋ ɨgyɨ̀ ɨba tad.

Ɨnû 9:15

Aŋgɨrə̀ we nyaʼa zà mbɨ̀aŋgɨrə̀ mbe mɨkwè. Ŋwìə̀ nyaʼa fə nùŋ ni ɨgwɨ ə awà wɔ̂, ɨgwɨ əni zɔ̂, ɨŋga ɨmɨg wɔ̂ bə̀ fɔrɨ ɨŋga əghəm əwu zɔ̂, mbɨ̀aŋgɨrə̀ mbe bɨrɨ zwiirɨ bə̂d əba ə fibɨ̀ ənɨ mbɨ ghapɨ bə̂d mɨ̀sɔŋɨchù ɨba tad.

Ɨnû 9:17

Mə nyaʼa zə bə̂d mbe nɨ nyaʼa kɔʼ ngyi bə̀ zə ngyi te ɨŋga rɨ̀taanɨ njə̀m ze. Mbɨ nyaʼa zɨ̀ mɨparɨwà nɨ kən ɨgɔ̂ nɨ nyaʼə bàŋə̀ ɨghabɨ ɨwid, finə fùʼnə̀ ɨghabɨ ə safi, bə̀ bàŋə̀ fùʼnə̀ ɨghabɨ ə sɔlfò. Ɨtu ngyi te tɨə nyaʼa ɨghabɨ tɨ mɨ̀ŋgwàbaʼ. Ɨwid mbɨ ə ndiʼ fɔrɨ ə sɔlfò mbɨə nyaʼə jwɨ̀ rɨŋga mɨchû mɨ̀mə̌d.

Ɨnû 9:19

Ɨka ngyi te wɨ ɨŋga mɨchû mɨ̀mə̌d bə̀ fɔrɨ ɨŋga tɨkon tɨ mɨ̀mə̌d. Tɨkon tɨ mɨ̀mə̌d yɨ ɨghabɨ ə jɔ mbɨ ɨtu. Ɨ mbɨə nɨŋə tɨkon tɔ̂ ghɨ̀ əghəm ənɨ ə bə̂d.