Ɨnû 8:9 - Meta’

⁹ Əba ə fibɨ̀ ənɨ mbɨ ghapɨ ɨghɨ mbe nɨə chub ɨŋga rɨ̀bàà ɨba tad nyaʼa kwɨ. Mbɨ nyaʼa chəkɨ əba ə fibɨ̀ ənɨ mbɨ ghapɨ ɨbaŋ ɨgyɨ̀ ɨba tad.

Ikan feg

⁹ Aba amɔʼ inga iba itad ane ighi izɔm ne yaʼi inga igyi ya ku. Mbi ya chìkì aba amɔʼ inga iba itad ane ibaŋ igyi.

Ɨnû 8:9 ပူးပေါင်းရင်းမြစ်များ

Ɨnû 12:4

Ɨkon məd nyaʼa sùŋ əbà ə fibɨ̀ ənɨ mbɨ ghapɨ rɨtəmɨ ɨba tad. Wɨ̀ nyaʼa sùŋ əne màʼ ɨgwɨ ə si. Tɨ̀sɔ̀ʼɔ̀ jɔ ze nyaʼa təm ɨfě əyi we nɨ nyaʼə nombɨə, ɨmbə̀ʼ wɨ̀ mɨ gywɨ, zɨ̀ kud wan məd.

Ɨnû 16:3

Aŋgɨrə̀ we nɨ pe ənɨ mbɨ mɨbe nyaʼa sab ɨsə ɨtəm Ŋwiə̀ we nɨ nyaʼa ɨŋga əŋgupɨ əkaŋ əməd ɨŋga rɨ̀bàà. Ənɨ wɨ̀ nyaʼa sab əne, rɨ̀bàà we nyaʼa bèŋ sɨ ɨghabɨ ənəm əvɨ ə wə̀d. Ɨghɨjìm mbe nɨ nyaʼa ɨkǎ ɨŋga rɨ̀bàà nyaʼa kwɨ.

Ɨnû 8:10

Aŋgɨrə̀ we nɨ pe ənɨ mbɨ mɨtad nyaʼa fə i taŋ, əne fɨtəmɨ kyeŋ nɨ nyaʼə te ɨghabɨ ɨkaʼi nyaʼa nɔʼ rɨkaŋ feŋ ɨgun əba ə fibɨ̀ ənɨ mbɨ ghapɨ mɨgyɨ̂ ɨba tad bə̀ feŋ ɨgun mɨ̀jwɨ̀-əmboŋ.

Ɨnû 8:12

Aŋgɨrə̀ we nɨ pe ənɨ mbɨ mɨkwè nyaʼa fə i taŋ, əne əghɨ ə mɔʼɔ ə nyaʼa nun əbà ə fibɨ̀ ənɨ mbɨ ghapɨ nyùmə̀ ɨba tad, ənɨ mbɨ ghapɨ ɨmɨg ɨba tad, bə̀ fɔrɨ ənɨ mbɨ ghapɨ rɨtəmɨ ɨba tad. Əba ə fibɨ̀ ənɨ mbɨ tad ənɨ ɨzeŋɨ zeŋɨ mɨ̀mə̌d nyaʼa fin. Chəi nyùmə̀ nyaʼa te ənɨ əba ə fibɨ̀ ənɨ mbɨ ghapɨ əni ɨba tad. Chəi ɨmɨg mbɨ rɨtəmɨ nyaʼa te ənɨ əbà ə fibɨ̀ ənɨ mbɨ ghapɨ ɨzimɨ ɨba tad.

Ɨnû 8:7

Aŋgɨrə̀ rɨtu nyaʼa fə i taŋ, əne əwəŋ mbɨ ɨwid, nɨ nyaʼa nyamɨ mbɨ ənəm, nyaʼa feŋgɨ ɨgwɨ ə si. Əba ə fibɨ̀ ənɨ mbɨ ghapɨ si ɨba tad nyaʼa fɨə. Əba ə fibɨ̀ ənɨ mbɨ ghapɨ ɨzed ɨba tad nyaʼa fɨə. Ɨfu zwɨ̂ jìm nyaʼa bə̀ fɨə.

Ɨnû 9:15

Aŋgɨrə̀ we nyaʼa zà mbɨ̀aŋgɨrə̀ mbe mɨkwè. Ŋwìə̀ nyaʼa fə nùŋ ni ɨgwɨ ə awà wɔ̂, ɨgwɨ əni zɔ̂, ɨŋga ɨmɨg wɔ̂ bə̀ fɔrɨ ɨŋga əghəm əwu zɔ̂, mbɨ̀aŋgɨrə̀ mbe bɨrɨ zwiirɨ bə̂d əba ə fibɨ̀ ənɨ mbɨ ghapɨ bə̂d mɨ̀sɔŋɨchù ɨba tad.

Ɨnû 9:18

Ŋgəʼ kǎ kǎ tɔ̂ rɨtad nyaʼa zwiirɨ əba ə fibɨ̀ ənɨ mbɨ ghapɨ bə̂d mɨ̀sɔŋɨchù ɨba tad. Ŋgəʼ kǎ kǎ tɔ̂ yɨ ɨwid, ndiʼ mbɨ ə sɔlfò we nɨə jwɨ̀ rɨŋga mɨchû ngyi te.